قازاقستان رەسپۋبليكاسى ۇكىمەتىنىڭ قاۋلىسى  №301

2016 جىلعى 24 مامىر,  استانا, ۇكىمەت ءۇيى يادرولىق قوندىرعىلاردى جانە كومۋ پۋنكتتەرىن ورنالاستىرۋ الاڭىن  تاڭداۋ قاعيدالارىن بەكىتۋ تۋرالى «اتوم ەنەرگياسىن پايدالانۋ تۋرالى» 2016 جىلعى 12 قاڭتارداعى قازاقستان رەسپۋبليكاسىنىڭ زاڭى 5-بابىنىڭ 6) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان يادرولىق قوندىرعىلاردى جانە كومۋ پۋنكتتەرىن ورنالاستىرۋ الاڭىن تاڭداۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ قازاقستان رەسپۋبليكاسى ۇكىمەتىنىڭ 2016 جىلعى 24 مامىرداعى №301 قاۋلىسىمەن بەكىتىلگەن يادرولىق قوندىرعىلاردى جانە كومۋ پۋنكتتەرىن ورنالاستىرۋ الاڭىن تاڭداۋ قاعيدالارى 1. جالپى ەرەجەلەر 1. وسى يادرولىق قوندىرعىلاردى جانە كومۋ پۋنكتتەرىن ورنالاستىرۋ الاڭىن تاڭداۋ قاعيدالارى (بۇدان ءارى - قاعيدالار) قازاقستان رەسپۋبليكاسى «اتوم ەنەرگياسىن پايدالانۋ تۋرالى» 2016 جىلعى 12 قاڭتارداعى زاڭىنىڭ 5-بابىنىڭ 6) تارماقشاسىنا سايكەس ازىرلەندى جانە يادرولىق قوندىر­عىلاردى جانە كومۋ پۋنكتتەرىن (بۇدان ءارى - ياقكپ) ورنالاستىرۋ الاڭىن تاڭداۋ ءتارتىبىن بەلگىلەيدى. 2. وسى قاعيدالاردا مىناداي تەرميندەر مەن انىقتامالار قولدانىلادى: 1) ياقكپ ورنالاساتىن اۋدان - ياقكپ قاۋىپسىزدىگىنە اسەر ەتۋگە قابىلەتتى قۇبىلىستار, پروتسەستەر نەمەسە وقيعالار پايدا بولاتىن نەمەسە پايدا بولۋى مۇمكىن ياقكپ ورنالاستىرۋ ماقساتىندا زەرتتەلۋگە ءتيىس اۋماق; 2) ياقكپ ورنالاستىرۋ الاڭى - ياقكپ-نىڭ بارلىق نەگىزگى جانە قوسالقى قۇرىلىستارى ورنالاساتىن قورعالاتىن پەريمەتر شەگىندەگى اۋماق; 3) پايدالانۋشى ۇيىم - اتوم ەنەرگياسى پايدالانىلاتىن وبەكتىلەرمەن جۇمىس ىستەۋ جونىندەگى قىزمەتتى جۇزەگە اسىراتىن زاڭدى تۇلعا. 2. ياقكپ ورنالاستىرۋ الاڭدارىن تاڭداۋ ءتارتىبى 3. سالۋ جانە سالۋ اۋدانى تۋرالى شەشىم قابىلدانعاننان كەيىن ياقكپ ورنالاستىرۋ الاڭىن تاڭداۋ جۇمىستارى جۇرگىزىلەدى. 4. ياقكپ ورنالاساتىن الاڭ: 1) تابيعي جانە (نەمەسە) تەحنوگەندىك سيپاتتاعى ىقتيمال سىرتقى اسەرلەردى; 2) راديواكتيۆتى زاتتاردى ىقتيمال كوشىرۋدى; 3) ياكقپ پايدالانۋ ناتيجەسىندە نەمەسە توسىن وقيعالار نەمەسە اۆاريالاردىڭ تۋىنداۋى ناتيجەسىندە حالىققا جانە قورشاعان ورتاعا زياندى بولدىرماۋ مۇمكىندىگىن ەسكەرە وتىرىپ انىقتالادى. 5. ياقكپ جوبالاۋ جانە سالۋ الاڭىن تاڭداۋ بىرنەشە (ۇشتەن/كەم ەمەس) باسەكەلەس الاڭدى ايقىنداي وتىرىپ جوبالاۋ اۋدانىن الدىن الا زەرتتەۋدى قامتيدى. 6. ياقكپ الاڭىن تاڭداۋ بويىنشا جۇمىستار تەحنيكالىق-ەكونوميكالىق نەگىزدەمەنى ازىرلەۋ نەمەسە قۇرىلىستى ينۆەستيتسيالاۋدى نەگىزدەۋ ساتىسىندا جۇزەگە اسىرىلادى. 7. پايدالانۋشى ۇيىم: 1) تەحنيكالىق-ەكونوميكالىق نەگىزدەمەنى; 2) قورشاعان ورتاعا اسەردى الدىن الا باعالاۋدى; 3) يادرولىق, رادياتسيالىق جانە يادرولىق فيزيكالىق قاۋىپسىزدىككە تالداۋ بويىنشا الدىن الا ەسەپتى; 4) سىزبالاردى قامتيتىن ياقكپ الاڭىن تاڭداۋ جونىندەگى نەگىزدەيتىن قۇجاتتاردى ازىرلەيدى. 8. ياقكپ جوبالاۋ قۇجاتتارى مىندەتتى تۇردە مەملەكەتتىك ەكولوگيالىق جانە سانيتاريالىق-ەپيدەميولوگيالىق ساراپتامالاردان وتكىزىلەدى. 9. 1 جانە 2-ساناتتى رادياتسيالىق قاۋىپسىزدىكتىڭ ياقكپ ورنالاستىرۋ جانە سالۋ الاڭىن تاڭداۋ جونىندەگى جوبالاۋ قۇجاتتاماسى يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىنا جاتادى.