سەنا وزەنىنىڭ تاسۋىنان پاريج كوشەلەرىن سۋ الىپ جاتىر

استانا. 3 ماۋسىم. سوڭعى كۇندەرى توقتاۋسىز جاۋعان جاڭبىردىڭ سالدارىنان سەنا وزەنىنىڭ ارناسى تولىپ, پاريج كوشەلەرىن سۋ الا باستادى. بۇل تۋرالى «ينتەرفاكس.رۋ» اقپارىنا سۇيەنگەن egemen.kz حابارلادى. بۇگىن وزەننىڭ فرانتسۋز استاناسى ورتالىعىنداعى تۇسى التى مەترگە دەيىن كوتەرىلىپ كەتكەن. ونىڭ دەڭگەيى ءالى كوتەرىلە تۇسەتىن ءتۇرى بار. فرانتسيانىڭ قورشاعان ورتا مينيسترلىگى سۋدىڭ اۋستەرليتس كوپىرى اۋدانى تۇسىنداعى دەڭگەيى ولشەنگەنىن مالىمدەدى. جۇما كۇنگى بولجامعا قاراعاندا, سەنا سۋىنىڭ دەڭگەيى 6,3 نەمەسە 6,5 مەترگە دەيىن جەتۋى مۇمكىن. فرانتسۋز ساراپشىلارىنىڭ ايتۋلارىنشا, الداعى دەمالىس كۇندەرى جاعدايدىڭ بۇدان اسا قاتتى وزگەرۋىن كۇتۋگە قويمايدى. ال الداعى اپتانىڭ ىشىندە جاعداي بىرتىندەپ قالىپقا كەلە باستايدى. پاريجدە جۇما كۇنى قاۋىپسىزدىك شارالارىن قاراستىرۋ ماقساتىندا سەنا جاعالاۋىندا ورنالاسقان لۋۆر جابىلدى. سۋ تاسقىنىنان زارداپ شەگۋ قاۋپى بار مۋزەي ەكسپوناتتارىنىڭ ءبىر بولىگى باسقا جاققا كوشىرىلىپ اكەتىلدى. بۇدان باسقا, الداعى سەيسەنبىگە دەيىن ورسە مۋزەيى دە جابىلادى. حابارلانعانداي, سەنا سۋىنىڭ دەڭگەيى سوڭعى كۇندەرى فرانتسيادا سەلدەتىپ قۇيعان نومەردىڭ سالدارىنان كۇرت كوتەرىلىپ كەتكەن. تالعات رايىمبەك. دەرەك, فوتو: ينتەرفاكس.رۋ.