03 ماۋسىم, 2016

ۇلىبريتانيادا تەك قانا سۋ ساتاتىن بار اشىلدى

275 رەت
كورسەتىلدى
1 مين
وقۋ ءۇشىن
03-06-2016 london water استانا. 3 ماۋسىم. ۇلىبريتانيا استاناسى لوندون قالاسىندا تەك قانا سۋ ساتاتىن كوكتەيل-بار اشىلدى. بۇل تۋرالى epoctimes.ru سايتىنا سىلتەمە جاساعان egemen.kz ءتىلشىسى حابارلادى. اقش-تا وسىدان بىرنەشە جىل بۇرىن مازىرىندە سۋدىڭ 20 ءتۇرى بار «رەي» جانە «ستارك» اتتى ورىندار اشىلعان. لوندوننىڭ وكسفورد كوشەسىندە ورنالاسقان بۇل بار دا سول ءۇردىستى قايتالايدى. «سۋدىڭ وزىندىك ءدامى بار. مەنىڭشە, ونىڭ الۋان تۇرىنەن ءمازىر جاساپ شىعارۋعا بولادى. ول ءۇشىن قۇرامىندا ءتۇرلى مينەرالى بار جانە ءدامى وزگەشە بىرنەشە سۋدى ساتىپ العان ءجون. وسىدان سوڭ بىرىنەن كەيىن ءبىرىن ءىشىپ كورسەڭىز, ونىڭ دا ءتۇر-ءتۇرى بولاتىنىن تۇسىنەسىز. شاراپ سەكىلدى سۋدىڭ دا دامىنەن ونىڭ قايدان كەلگەنىن ءارى قانشا تەرەڭدىكتەن الىنعانىن بىلۋگە بولادى», – دەيدى نەمىس سومولەسى مارتين ريزە. سومولە – مەيرامحانادا سۋسىنداردى جىبەرۋدى قاداعالايتىن جانە شاراپ تۋرالى تولىق مالىمەت بەرە الاتىن قىزمەتكەر. ايان ءابدۋالي. دەرەك, فوتو: epoctimes.ru.
سوڭعى جاڭالىقتار