قىرعىزستاندا مەكتەپ وقۋشىسى 21 شاقىرىمدى جۇگىرىپ ءوتتى

استانا. 3 ماۋسىم. قىرعىزستاننىڭ ىستىقكول ايماعىندا مەكتەپ وقۋشىسى كۇتپەگەن جەردەن مارافونعا قاتىسىپ, 21 شاقىرىمدى جۇگىرىپ ءوتتى. بۇل تۋرالى nzl.ru سايتىنا سىلتەمە جاساعان egemen.kz ءتىلشىسى حابارلادى. Run The Silk Road مارافونىنا بايلانىستى بوستەري مەن تەمىر ەلدى مەكەندەرىنىڭ اراسىنداعى تاس جول ارنايى قورشالعان. جارىس باستالعاننان كەيىن كۇتپەگەن جەردەن سپورتشىلاردىڭ قاتارىنا مەكتەپتىڭ التىنشى سىنىبىندا وقيتىن بەكجان كارمىشاكوۆ ەسىمدى بالا قوسىلعان. مەكتەپتە جەيتىن تاماعىن ول جول بويى جەلاياقتارعا تاراتىپ بەرگەن. وسىلايشا ول 21 شاقىرىمدى جۇگىرىپ ءوتتى. «ءبارى جۇگىرىپ بارا جاتقان سوڭ مەن دە قوسىلا جۇگىردىم. انام مەكتەپتە جەيسىڭ دەپ ماعان تاماق سالىپ بەرگەن. جول بويى سونىڭ ءبارىن قاتىسۋشىلارعا تاراتىپ بەردىم. مەن تاڭەرتەڭگىسىن كۇندە جۇگىرەمىن. سوندىقتان ماعان مۇنداي قاشىقتىقتا جۇگىرۋ اسا قيىندىق تۋدىرمايدى», – دەدى بەكجان كارمىشاكوۆ. مارافوندى ۇيىمداستارۋشىلار وعان مەدال مەن ديپلوم تابىستادى. سونىمەن قاتار, كەلەسى مارافونعا تەگىن قاتىسۋ ءۇشىن ارنايى سەرتيفيكات قاعازىن سىيلادى. «بەكجان كارمىشاكوۆتى بىشكەكتەگى جەڭىل اتلەتيكادان سپورت مەكتەبىنە شاقىردى. وسى جەردە ول كەلەسى مارافونعا قاتىسۋ ءۇشىن دايىندىقتان وتەدى. شىنى كەرەك, ءبارىمىزدى ەرىكسىز تاڭ قالدىردى. ەندى ءبىز ونى كەلەسى ءىس-شاراعا قاتىسقانىن قالايمىز», – دەدى ۇيىمداستىرۋشى نۋرلان دجۋماليەۆ. ال كوپشىلىكتى تاڭ قالدىرعان بەكجان كارمىشاكوۆ 42 شاقىرىم بولاتىن كەلەسى مارافونعا مىندەتتى تۇردە قاتىساتىنىن ايتتى. ايان ءابدۋالي. دەرەك, فوتو: nzl.ru.