ەنەرگەتيكالىق تاۋەلسىزدىككە قول جەتكىزدى

ەلىمىزدىڭ بىرىڭعاي ەنەر­گەتي­كالىق جۇيەسىنەن اۋلاق جاتقان اۋماقتاردىڭ ءبىرى – ورال ءوڭىرى. بۇعان دەيىن قالىپتاسىپ قالعان مۇنداي جاعداي باتىسقازاقستاندىقتاردىڭ بەلگىلى ءبىر دەڭگەيدە رەسەي ەنەر­گە­تيكتەرىنە كىرىپتار بولىپ قالۋىنا اكەلىپ سوقتىردى. ال كىسىدە­گىنىڭ كىلتى قاي كەزدە دە وڭاي اشى­لا قوي­ماعان. حالقىمىزدىڭ «كىسىدە­گىنىڭ كىلتى – اسپاندا» دەۋىنىڭ ارعى استارىندا دا وسىنداي سىر جاتسا كەرەك. دەگەنمەن, بيىلعى جىلدىڭ ءساۋىر ايىندا باتىس قازاقستان وبلىسى ەنەرگەتيكالىق تاۋەلسىزدىككە يە بولدى. بۇعان قالاي قول جەتتى؟ بۇل ساۋال توڭىرەگىندە ويىمىزدى ءسال تارقاتىڭقىراپ ايتقانىمىز ءجون سەكىلدى. ەندەشە, ماسەلەنىڭ ءمانىسى تومەندەگىشە دەۋگە بولادى.­ وبلىس اۋماعىندا بۇعان دەيىن ەكى گاز-تۋربينالى ەلەكتر ستانساسى جۇمىس ىستەپ كەلدى. ونىڭ ءبىرى قا­­راشىعاناق گاز كوندەنسات­تى كەن­ ورنى اۋماعىندا ورنالاس­سا, ەكىن­شىسى ورال جىلۋ ەلەكتر ورتا­لى­عى جا­نىنداعى گاز-تۋربينالى قوندىرعى. دۇرىس دەلىك. الايدا, بۇعان دەيىن وزدەرىنەن اۋىسقان ەلەكتر قۋاتىن تۇتاستاي وبلىس اۋماعىنا دا اۋىستىرىپ كەلگەن كەنىشتەگى ستانسا اپاتتىق-تەحنيكالىق سەبەپتەرمەن ءبىراز ۋاقىت تۇرىپ قالۋىنا بايلانىستى وڭىردە ەلەكتر ەنەرگياسىن تۇتىنۋ جونىندە كۇردەلى جاعداي قالىپتاسا باستادى. وسىلايشا كورشىلەرگە تاۋەلدىلىك دەڭگەيى وسە ءتۇستى. ەندى بۇگىنگى كۇنى ورىن العان وسى كەلەڭسىز كورىنىس رەت­تەلىپ, اتالعان ستانسا قايتادان بۇ­رىن­عى قۋاتىندا جۇمىس ىستەۋگە كوشتى. ەكىنشىدەن, 2016 جىلدىڭ 31 ناۋرىزىندا وبلىس كولەمىندەگى ءۇشىن­شى گاز-تۋربينالى ءىرى نىساندى مەملەكەتتىك كوميسسيا قابىل­داپ الدى. بۇل «باتىس پاۋەر» جشس «ورال گتەس-200» گاز-تۋر­بينالى ەلەكتر ستانساسى دەپ اتا­لادى. وسى كۇننەن كەيىن كوپ كە­شىكپەي, ياعني 2016 جىلدىڭ 15 ءساۋى­رىنەن باستاپ اتالعان ستانسا وبلىسقا قاجەتتى ەلەكتر ەنەرگياسىن وندىرە باستادى. قالپىنا كەلگەن قاراشىعاناقتاعى الدىڭعى گتەس پەن زەلەنوۆ اۋدانىنىڭ نوۆەنكي اۋىلى اۋماعىندا ىسكە قوسىلعان سوڭعى گتەس-ءتىڭ كۇشىن قوسا العاندا ءوڭىردىڭ تولىقتاي ەنەرگەتيكالىق دەربەستىككە قول جەتكىزگەنى ءمالىم بولدى. ستانسانىڭ اتالعان اۋىلدا ورنالاسۋىنىڭ باستى ءبىر سەبەبى, ءدال وسى جەردەن گاز-تۋربينالى كەشەن «كەگوك» اق-تىڭ ماگيسترالدى ەلەكتر جەلىسىنە قوسىلا الادى. وندىرىلگەن قۋات وسى جەلى ارقىلى پايدالانۋشىلارعا بەرىلمەك. تابيعي گازبەن جۇمىس جاسايتىن ستانسادا تۋربينادان شىعاتىن ىستىق گازدى پايدالانۋ ەسەبىنەن وسى ماڭايدا جىلىجايلار سالۋ جوبالارى دا قوسا قاراستىرىلعان. ەندەشە, جايىقتىڭ بويىن جاي­لاعان قالىڭ ەلدىڭ ەنەرگە­تي­كالىق تاۋەلسىزدىككە يە بولۋىنا سەپتىگىن تيگىزگەن سوڭعى ستان­سانىڭ جاي-كۇيىنە ءسال كەڭىرەك توقتالعانىمىز ارتىقتىق ەتپەسە كەرەك. بۇل ءىرى كەشەننىڭ قۇرىلىسى ەكى كەزەڭنەن تۇرادى. جوعارىدا ايتىلعانداي, ونىڭ ءبىرىنشىسى بۇگىنگى كۇنى ەلەكتر ەنەرگياسىن وندىرۋگە كىرىستى. ونىڭ قۋاتى – 100 مەگاۆاتت. ەكىنشى كەزەڭ بويىنشا تاعى دا وسىنداي كولەمدە ەلەكتر قۋاتى الىنباق. ونى تولىق جۇزەگە اسىرۋ الداعى 2017-2019 جىلدارعا ەسەپتەلگەن, دەدى گازەت تىلشىسىنە باتىس قازاقستان وب­لىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى مۇرات بايمەنوۆ. سالا جەتەكشىسىنىڭ سوزىنەن تاعى ءبىر تۇسىنگەنىمىز, جالپى ءمول­شەرى 200 مەگاۆاتتىق ەكى تۋر­بي­نا ورنا­تىلعان كەزدە وبلىس ءوزىن ەلەكتر قۋا­تىمەن تولىق قامتىپ قانا قويماي, وزىنەن ارتىل­عانىن ەكسپورت­تاۋعا مۇمكىن­دىك الماق. مامان­دار­دىڭ تۇجىرىم­داۋىن­شا, الەمگە تانى­مال امەري­كالىق «دجە­نەرال ەلەكتريك» كومپانيا­سى­نىڭ گاز تۋربينالارى وسىنداي ءوندىرىس­تەگى جوعارى تەحنيكالىق كەشەن بولىپ تابىلادى ەكەن. ونىڭ سال­ماعى 198 توننانى قۇرايدى. بۇعان فران­تسيانىڭ «Aisthom» كومپانيا­سىندا شى­عارىلعان سالماعى 145 توننا تارتاتىن گەنەراتوردى قوسى­ڭىز. سون­داي-اق, قوسالقى قون­دىر­عى­­لار مەن ماتەريالدار دا الەم­نىڭ جە­­تەك­شى كومپانيالارىندا شىعا­رىل­عان. مىنە, مىقتى, سەنىمدى جانە قاۋىپ­سىزدىك دەڭگەيى جوعارى گاز-تۋر­بينالى ەلەكتر ستانساسى دەپ وسىنى ايتىڭىز. تەمىر قۇسايىن, «ەگەمەن قازاقستان» باتىس قازاقستان وبلىسى سۋرەتتە: «باتىس پاەۋر» گاز-تۋر­­­بي­­نالى ستانساسىنان كورىنىس