بۇگىن – حالىقارالىق بالالاردى قورعاۋ كۇنى

استانا. 1 ماۋسىم. بۇگىن الەمنىڭ بارلىق ەلىندە حالىقارالىق بالالاردى قورعاۋ كۇنى مەرەكەسى كەڭ كولەمدە اتاپ وتىلەدى. بۇل تۋرالى egemen.kz ءتىلشىسى حابارلادى. تاريحقا كوز سالساق, 1 ماۋسىم – بالالاردى قورعاۋ كۇنى مەرەكەسى 1950 جىلدان باستاپ تويلانىپ كەلەدى. بۇل مەيرامدى وتكىزۋ جونىندە شەشىم 1949 جىلدىڭ قاراشا ايىندا حالىقارالىق دەموكراتيالىق ايەلدەر فەدەراتسياسىنىڭ ارنايى سەسسياسىندا قابىلدانعان. ال بۇۇ اتالعان باستامانى قولداپ, بالالاردىڭ ءومىرىن, قۇقىعىن, دەنساۋلىعىن قورعاۋدى ءوز قىزمەتىنىڭ باستى باعىتتارىنىڭ بىرىنە اينالدىرعان. مەرەكەنىڭ نەگىزگى ماقساتى – بالالاردىڭ ءومىرىن سوعىستان قورعاۋ, دەنساۋلىعىن ساقتاۋ, ساپالى ءبىلىم مەن سانالى تاربيە بەرۋ. سونىمەن قاتار, ولارعا بارلىق جاعداي جاساي وتىرىپ, ادامگەرشىلىككە, ادىلتىككە تاربيەلەۋ بولىپ تابىلادى. بۇگىنگى تاڭدا بۇۇ ساۋالناما جۇرگىزىپ, الەمدە ءاربىر ونىنشى بالا ۇلكەندەر تاراپىنان زورلىق پەن زومبىلىققا ۇشىرايتىنىن انىقتاپ وتىر. سونداي-اق, جاسوسپىرىمدەر اراسىندا ناشاقورلار سانىنىڭ ءوسۋى, ولاردىڭ جارتىسىنان استامى ىشىمدىك ىشۋگە بەيىم ەكەنى انىقتالدى. سوندىقتان دا اتالعان مەرەكە اياسىندا دۋمانداتىپ تويلاۋمەن قاتار, بولاشاققا باعدار جاسايتىن ماڭىزدى شارانىڭ ءبىرى. تالعات رايىمبەك. دەرەك: egemen.kz. فوتو: astana.gov.kz.