ۇبت تاپسىرمالار بازاسىن قالىپتاستىرۋ قۇپياسى

سارىلا كۇتكەن جازعى دەمالىس تا كەلىپ جەتتى. تۇلەكتەردىڭ كوڭىلدەرى ورىندارىنا ءتۇسىپ, بارلىعى مەكتەپپەن قوشتاسۋ كەشىن كۇتىپ ءجۇر. ەلىمىزدەگى باستى ەمتيحان وتكەننەن كەيىن ۇلتتىق تەستىلەۋ ورتالىعىندا دا جۇمىس اياقتالدى دەپ ويلاپ قالۋعا بولادى. بىراق ولاي ەمەس. مىنە, تۋرا وسى ماسەلە توڭىرەگىندە بۇگىن ءسوز قوزعاماقپىز. ەلىمىزدەگى ءبىلىم بەرۋ جۇيە­سىندەگى بارلىق سىرتقى ەمتيحاندار مەن مونيتورينگتەر تۇرلەرىن ۇيىمداستىرۋ جانە وتكىزۋگە ارناپ تەست تاپسىرمالارىنىڭ بازاسىن قالىپتاستىرۋ ۇتو-نىڭ نەگىزگى ماقساتى بولىپ تابىلادى. ولارعا ۇلتتىق بىرىڭعاي تەستىلەۋ, تالاپكەرلەردى كەشەندى تەستىلەۋ, وقۋ جەتىستىكتەرىن سىرتتاي با­عالاۋ, جالپى ورتا ءبىلىم بەرۋ ۇيىمدارىن مەملەكەتتىك اتتەس­تاتتاۋ, پەداگوگ قىزمەتكەرلەردىڭ بىلىكتىلىگىن تەستىلەۋ, قازاق ءتىلىن مەڭگەرۋ دەڭگەيىن باعالاۋ جۇيەسى (قازتەست), جوعارى بىلىمنەن كەيىن­­گى ءبىلىم الۋعا قابىلداۋ ەم­تي­حاندارى جاتادى. جوعارىدا اتالعان ءار ەمتي­حانعا جەكە دارا تەست تاپسىر­مالارىنىڭ بازاسى قا­لىپ­تاس­تىرىلادى. وسى ورايدا «ورتا بىلىمگە ارنالعان تاپسىرمالار بازاسىن كىمدەر قالىپتاستىرادى؟», دەگەن سۇراق تۋىنداۋى مۇمكىن. ۇتو-دا جىل بويى 200-دەن استام قىزمەتكەر ەڭبەك ەتەدى جانە ولاردىڭ ارقايسىسىنىڭ اتقا­راتىن بەلگىلى ءبىر مىندەتتەرى بار. قازىر سىزدەر وسى ماقالادا جاڭا تەست تاپسىرماسىنا ءومىر سىي­­لايتىن, ۇتو-نىڭ قىزىقتى­ بولىمشەسى, ورتا ءبىلىم بەرۋدە­گى­ تەست تاپسىرمالارىن قا­لىپ­­­­تاس­تى­رۋدى ۇيىمداستىرۋ باس­قار­ماسى تۋرالى اقپارات الاسىزدار. تەستىلەنۋشىنىڭ قولىنا ەمتيحان كەزىندە جەكە وزىنە ارنالعان سۇراق-كىتاپشاسىن بەرۋ ءۇشىن, اتالعان باسقارمانىڭ ماماندارى ءار ءپان بويىنشا تەست تاپ­سىرمالارىنىڭ نىسانى, سانى, وقۋ باعدارلاماسىنىڭ باعالاناتىن ماتەريالدارى ناقتىلانعان قۇجات  قۇراس­تىرادى. ول قۇجات – تەست سيپاتتاماسى دەپ اتالادى. باسقارما ماماندارىنىڭ اتقاراتىن كەلەسى ۇلكەن مىندەتى – مەكتەپ مۇعالىمدەرىنە تەست تاپسىرمالارىن قالاي ازىرلەپ, قالاي تەكسەرۋ كەرەكتىگىن ۇيرەتۋ بولىپ تابىلادى. باسقار­ما ما­ماندارى ول ءۇشىن ەلىمىز­دىڭ بار­لىق ايماقتارىنىڭ مۇعالىم­دەرىنە جىل سايىن وقىتۋ سەمينارلارىن جۇرگىزەدى. وقىتۋ سەمينارلارىنىڭ باعدارلاماسى حالىقارالىق تاجىريبەگە سۇيەنە وتىرىپ قۇراستىرىلعان. مۇعالىمدەردى وقىتقاننان كەيىن, تەست تاپسىرمالارىن ءازىر­لەۋ جۇمىستارى جۇرگىزىلىپ, ول تاپسىرمالار كەمىندە ەكى رەت ساراپتامادان جانە ەلىمىزدىڭ مەكتەپتەرىندە اپروباتسيادان وتەدى. سودان كەيىن عانا تەست تاپسىرمالارى بازاعا ەنگىزىلەدى. سول بازاداعى تەست تاپسىرمالارىنان ءار ءپان بويىنشا تەست نۇسقالارى قالىپتاستىرىلادى. جوعارىدا ايتىلعان تەست تاپسىرمالارىن ازىرلەۋ مەحانيزمى جىل بويى جۇرەدى. ول مەحانيزم ورتا ءبىلىم بەرۋدەگى تەست تاپسىرمالارىن قالىپتاستىرۋدى ۇيىمداستىرۋ باسقارماسىنداعى عىلىمي-ادىستەمەلىك زەرتحانالاردا وتەدى. زەرتحانالاردا جوعارى پەداگوگيكالىق ءبىلىمى, مەكتەپتە جۇمىس تاجىريبەسى بار, ءارتۇرلى نىسانداعى تەست تاپسىرمالارىن ازىرلەۋ ادىستەمەسى بويىنشا حالىقارالىق ساراپشىلاردان بىلىكتىلىگىن ارتتىرۋ كۋرستارىنان وتكەن, ارقايسىسى ءوز ءىسىنىڭ مامانى بولىپ تابىلاتىن 30 قىزمەتكەر جۇمىس ىستەيدى. ونىڭ ىشىندە 1 عىلىم كانديداتى, 15 ماگيستر بار. ولار بىرىگە وتىرىپ تەست تاپسىرمالارىن ازىرلەۋ ءۇردىسىن ۇيىمداستىرادى, ەمتيحان قورىتىندىلارىن زەرتتەيدى, ادىستەمەلىك, سونىمەن قاتار عى­لىمي ماقالالار جازادى, ۇبت مەن وقۋ جەتىستىكتەرىن باعالاۋعا ارنالعان وقۋ-ادىستەمەلىك قۇرال­دارىن شىعارادى. قورىتىندى اتتەستاتتاۋعا باس­قا سوزبەن ايتقاندا, ۇبت-عا ار­نال­عان تەست تاپسىرمالارىن قالىپ­تاستىرۋدى ۇيىمداستىرۋ  زەرت­حاناسىنىڭ مەڭگەرۋشىسى جولامان اسايىنوۆ تۋرالى ايرىقشا ايتىپ وتكىمىز كەلەدى. ەڭبەك ءوتىلى 30 جىل, ماتەماتيكا ءپانىنىڭ مۇعالىمى ج.اسايىنوۆ مەكتەپ جۇيەسىن وتە جاقسى بىلەدى جانە ءپان مۇعالىمى رەتىندە العان ءتاجى­ريبەسىن تەست تاپسىرمالارىن قۇ­راستىرۋ, مۇعالىمدەردى وقىتۋ بارىسىندا بارىنشا پايدالانادى. بۇل باسقارمادا كەزدەيسوق ادامدار جۇمىس ىستەمەيدى, ونىڭ ءار قىزمەتكەرى ءوز جۇمىسىن ءتيىمدى ناتيجەگە با­عىتتايدى. بار­لىق قىزمەت­كەرلەر بىرىگىپ تەست تاپسىرمالارىن قۇراستىرۋ ءۇردىسىن ۇيىمداستىرادى, ەمتيحانداردىڭ ناتيجەسىن زەرتتەيدى, ادىستەمەلىك جانە عىلىمي ماقالالار جاريا­لايدى, ۇبت, وجسب-عا دايىن­دالۋعا ارنالعان وقۋ-ادىستەمەلىك قۇرالداردى قۇراستىرادى. باس- ق­ار­­ما جىلدان-جىلعا كاسىبي تۇر­عىدا ءوسۋ ۇستىندە جانە ول ەلەۋ­لى ناتيجەلەردەن كورىنىس تابۋدا. قازىرگى ۋاقىتتا قىزمەتكەرلەر «وقۋشىلاردىڭ ءبىلىم ساپاسىن باعالاۋعا ارنالعان قۇرالى رە­تىندە تاپسىرما جۇيەلەرىن جوبا­لاۋدىڭ عىلىمي-ادىستە­مەلىك نەگىز­دەرى», «مەكتەپ وقۋشى­لارى­نىڭ­ اقپاراتتىق-كوممۋني­كاتيۆ­تىك سا­ۋاتتىلىعىن قالىپ­تاس­تىرۋ­­دىڭ عىلىمي نەگىزدەرى» اتتى ەكى عى­لىمي-زەرتتەۋ جوباسىن ازىرلەۋدە. اتالعان باسقارمانىڭ ۇجى­مى حالىقارالىق عىلىمي-ءتاجى­ريبەلىك كونفەرەنتسيالارعا بەل­سەندى تۇردە قاتىسىپ, اتقارىلعان جۇمىستار تۋرالى باياندامالار وقيدى. 2015 جىلدىڭ وزىندە قىز­مەتكەرلەر 28 ماقالا جاريالاعان. ونىڭ ىشىندە: قازاقستان رەسپۋب­ليكاسى باسپالارىندا – 20, رەسەي فەدەراتسياسىندا – 3, كونفەرەنتسيا جيناقتارىندا 5 ماقالا جارىق كوردى. ءار قىزمەتكەر ءوز جۇمىسىن جەتىلدىرۋ ماقساتىندا ۇيرەنۋ قابى­لەتتەرىن جانە جيناقىلىق, كرەا­­تيۆتىك, يكەمدىلىك, شاپ­شاڭ­دىق, قاسيەتتەرىن دامىتا وتىرىپ ءادىس­كەر, ۇيىمداستىرۋشى, زەرت­تەۋ­شى رەتىندە ءوز مىندەتتەرىن اتقارادى. قر بعم «ۇلتتىق تەستىلەۋ ورتالىعى» رمقك