«بيلەرگە تاعزىم» ۆەلوشەرۋى مارەگە جەتتى

تاۋەلسىزدىكتىڭ ءتاتتى جەمىسىن ەشقانداي قۇندىلىقتار الماستىرا المايدى. ءوز مەملەكەتتىك رامىزدەرى, ءوز جەرى جوق, حالقى بوسقىن بولىپ قاڭباقتاي كوشىپ جۇرگەن, ەرتەڭگى كۇنىنە الاڭداۋلى حالىقتاردىڭ ەڭ ۇلكەن ارمانى ءوز قوتىرىن ءوزى قاسيتىن جەكە مەملەكەت بولۋ عوي. ەلىمىزدىڭ تاۋەلسىزدىگىن ۇعىنۋ ءۇشىن الگىندەي حالىقتاردىڭ تاع­دى­رىنا ءبىر ءۇڭىلىپ قويسا بولادى. وڭتۇستىك قازاقستان وبلىستىق سوتىنىڭ توراعاسى نۇرسەرىك ءشارى­پوۆتىڭ ۇيىتقى بولۋىمەن ءوت­كەن جىلى ورداباسى تاۋىنداعى «ءبىر­لىك» مونۋمەنتىنە سۋديالار ۆەلوسيپەدپەن ءجۇرىپ وتكەن ەدى. سول ءداستۇر بيىل دا قايتالاندى. وبلىس اكىمى, وبلىستىق ءماسليحات جانە وبلىستىق سوتتىڭ ۇيىمداس­تىرۋمەن وتكەن «بيلەرگە تاعزىم» ۆەلوشەرۋى تاۋەلسىزدىكتىڭ 25 جىل­دىعىنا ارنالدى. شىمكەنت قالاسىنداعى بايدىبەك بي ەسكەرتكىشىنىڭ الدىندا وتكەن ءىس-شاراعا وبلىستىق سوتتىڭ توراعاسى نۇرسەرىك ءشارىپوۆ باستاعان 30 سۋديا, وبلىس اكىمىنىڭ ورىنباسارى ۇلاسبەك سادىبەكوۆ باستاعان 25 باسقارما باسشىلارى مەن وبلىستىق, قالالىق, اۋداندىق ءماسليحاتتاردىڭ 20 دەپۋتاتى جانە سپورتتىق ۇيىمداردىڭ 30 وكىلى, بارلىعى 105 ۆەلوسيپەدشى قاتىستى. تاڭعى ساعات جەتىدە ەرشىككە قونعان ازاماتتار ورداباسى تاۋىنا دەيىنگى 43 شاقىرىمدى تۇسكە تامان باسىپ ءوتىپ, مارەگە جەت­تى. ولاردى تاۋ بوكتەرىندە اۋدان حالقى سالتاناتپەن كۇتىپ الدى. ەلدىڭ ىنتىماعى مەن ءبىر­لىگىنە ارنالعان مەرەكەلىك شەرۋدە وبلىس اكىمىنىڭ ورىنباسارىن ءۇ.سادىبەكوۆ, وبلىستىق سوت­تىڭ توراعاسى ءو.ءشارىپوۆ جانە ور­داباسى اۋدانىنىڭ اكىمى ا.ما­مىتبەكوۆ, وبلىستىق ءماسلي­حاتتىڭ دەپۋتاتى ءا.يساباەۆ ءسوز الىپ, ۆەلوشەرۋشىلەردىڭ ەڭبەگىنىڭ ءمانىن تاراتىپ, بارشا اعايىندى قۇتتىقتادى. تاۋەلسىزدىكتىڭ قادىرىن ءبىلۋ, كوزدىڭ قاراشىعىنداي ارداقتاۋ, كەرەك بولسا, قاسىق قانى قال­عانشا قورعاۋ ءۇشىن اشەيىن ايتىلا سالعان ءتاتتى ءسوز ەمەس, ناقتى ءىس-ارەكەت كەرەك. ەرشىككە ساياحات ءۇشىن ەمەس, تاۋەلسىزدىكتىڭ بايان­دى­لىعىن ۇقتىرۋ ءۇشىن قونعان ازامات­تارىمىزدىڭ ەڭبەگىن وسىلاي با­عالاۋعا بولادى. بارشا قازاق ورداباسىدا باس قوسىپ, اتا جاۋ جوڭعاردىڭ بەلىن سىندىرعان قاسيەتتى تاۋدا بابالار رۋحىنا قۇران باعىشتالىپ, ءارى قاراي كونتسەرتتىك باعدارلاماعا ۇلاستى. باقتيار تايجان, «ەگەمەن قازاقستان» وڭتۇستىك قازاقستان وبلىسى