اقتاۋداعى الامان اۆتوجارىس

اقتاۋدا بيىل ەكىنشى رەت «راللي قازاقستان-2016» اۆتوجارىسى باستالدى. ايتۋلى جارىسقا قازاقستانمەن بىرگە رەسەيدىڭ, ۋكراينانىڭ جانە ليتۆانىڭ  اۆتوشاباندوزدارى قاتىسۋدا. بەس كەزەڭنەن تۇراتىن راللي-رەيد جارىسى بارىسىندا ەكيپاج مۇشەلەرى جول تالعامايتىن كولىكتەرىمەن اقتاۋ قالاسى مەن كەندىرلى شىعاناعى اراسىنداعى ويلى-قىرلى جەرلەردى, تاۋ-قىراتتار مەن قۇمدى جاعالاۋلاردى باسىپ ءوتۋى ءتيىس. وسى تابيعي كەدەرگىلەرى بار 2 مىڭ شاقى­رىم جولدى التى كۇننىڭ ىشىندە ءجۇرىپ ءوتۋ مەجەلەنگەن. حالىقارالىق اۆتوموبيل فەدەراتسياسىنىڭ وكىلدەرى كەلەسى جىلى راللي-رەيد باي­قاۋى­نىڭ الەم كۋبوگىن دا قازاقستاندا وتكىزۋلەرى مۇمكىن. – «ءبىزدىڭ تاڭداۋىمىز قازاق­ستانعا تەكتەن-تەككە ءتۇس­­كەن جوق. ەلدىڭ تابيعي جاع­دايى مەن لاندشافتىڭ ءار الۋان­دىعى الەمدىك دەڭگەيدەگى اۆتوسپورت جارىستارىن وتكىزۋگە مۇمكىندىك بەرەدى. سوندىقتان كەلەسى جىلى الەمدىك دەڭگەيدەگى راللي-رەيد ۇيىمداستىرۋدى كوزدەپ وتىرمىز. ول, ارينە, بيىلعى بايقاۋدىڭ قالاي وتەتىنىنە تىكەلەي بايلانىس­تى», – دەيدى حالىقارالىق اۆتو­موبيل فەدەراتسياسىنىڭ وكىلى رونان مورگان. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى