ەلىمىزدە وكپە دەرتىنەن ولەتىندەر سانى 77 پايىزعا ازايدى

استانا. 31 مامىر. دەنساۋلىق ساقتاۋدىڭ سالاسىنداعى ستاتيستيكالىق دەرەكتەرگە سۇيەنسەك, سوڭعى 10 جىلدا قازاقستانداعى تۋبەركۋلەز اۋىرۋى 54,9 پايىزعا, ال ءولىم كورسەتكىشى 77,4 پايىزعا تومەندەگەن. الايدا, مەديتسينالىق مەكەمەلەردە وسى دەرتكە قاتىستى بىرقاتار زاڭ بۇزۋشىلىقتار انىقتالدى. بۇل تۋرالى باس پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. پروكۋراتۋرا قىزمەتكەرلەرى ەلىمىزدەگى دەنساۋلىق ساقتاۋ سالاسىداعى بىرقاتار مەديتسينالىق ۇيىمدارعا تەكسەرىس جۇرگىزىپ, تۋبەركۋلەز پروفيلاكتيكاسى بويىنشا اتقارعان شارالاردى انىقتادى. پروكۋرورلاردىڭ ايتۋىنشا, مەديتسينا ماماندارى ستاتيستيكا اقپاراتىن بۇرمالاۋ, پروفيلكاتيكالىق ءىس-شارالاردىڭ ءتيىستى دەڭگەيدە ۇيىمداستىرماۋى, ساپاسىز دارىگەرلىك قىزمەت كوستەتۋ, ناۋقاستاردى ەركىنەن تىس ەمدەۋدى قامتاماسىز ەتپەۋ سەكىلدى جۇيەلەردە زاڭ بۇزۋشىلىقتار انىقتالعان. «الماتى وبلىسى تالعار اۋدانىنداعى ورتالىق ەمحاناسىندا 78 ەمدەلۋشىنىڭ فليۋوروگرافياسى وڭ ناتيجە كورسەتكەنىمەن, تولىقتاي تەكسەرىلمەگەن. جالپى جوسپارلى فليۋوروگرافيالىق باقىلاۋدى ۋاقتىلى وتكىزبەۋ جانە ساقتىق شارالارىنىڭ بولماۋى تۋبەركۋلەزدى اسقىنعان كەزدە انىقتاۋعا الىپ كەلەدى. بۇل جەكەلەگەن جاعدايلاردا اۋرۋ ادامنىڭ دەنساۋلىعىنا زيان كەلتىرەدى», – دەيدى پروكۋرورلار. سونىمەن قاتار, پروكۋرورلار قوستاناي وبلىسىنداعى اۋليەكول اۋدانىنىڭ ورتالىق ەمحاناسىنا جۇرگىزگەن تەكسەرۋ بارىسىندا و ەسىمدى ازامات دارىگەرلەردىڭ سالعىرتىعىنان اۋرۋحانادا قايتىس بولعان. ول تۋبەركۋلەزگە قارسى تەكسەرىستەن وتكەنىمەن دارىگەرلەر ءوز قىزمەتىن ءتيىستى اتقارماي, وعان نەمقۇرايلى قاراعان. «وسى وقيعا بويىنشا سوتقا دەيىنگى تەگەۋ جۇرگىزىلىپ جاتىر. جالپى تەكسەرۋ ناتيجەسىندە, تۋبەركۋلەز اۋىرۋىنا شالدىعۋ كۇدىگى بار ادامداردىڭ تەكسەرۋى ۋاقتىلى جۇرگىزىلمەگەن, تولىق تەسەرىلمەگەن جانە ت.ب. 1028 دەرەك انىقتالدى. كورسەتىلگەن دەرەكتەر ساۋ ادامدارعا تىكەلەي قاۋىپ توندىرەدى», – دەيدى پروكۋراتۋرا قىزمەتكەرلەرى. تاڭداۋلى تەكسەرۋلەر ناتيجەسىندە ەمدەلۋدەن باس تارتىپ, وڭاشالاۋدى قاجەت ەتەتىن, ەلدى مەكەندەردە ءجۇرىپ باسقا ادامدارعا اۋرۋىن جۇقتىرۋ قاۋپىن ءتوندىرىپ جۇرگەن 327 ناۋقاس انىقتالدى. قولدانىلعان شارالارمەن 259 ناۋقاس ەمدەلۋگە قايتارىلدى, قالعاندارى ىزدەستىرىلۋدە. دەنساۋلىق ساقتاۋ جانە الەۋمەتتىك دامۋ مينيسترلىگى زاڭ بۇزۋشىلىقتى جانە ونىڭ سەبەپتەرىن جويۋ تۋرالى ەنگىزىلگەن ۇسىنىستى قاراۋ ناتيجەسىندە پروفيلاكتيكالىق جۇمىستاعى نەمقۇرايدىلىقتى بولدىرماي, حالىقتىڭ دەنساۋلىعىن قامتاماسىز ەتۋگە باعىتتالعان شارالار قابىلدانۋدا. تالعات رايىمبەك. دەرەك, فوتو: باس پروكۋراتۋرانىڭ ءباسپاسوز قىزمەتى.