سابەڭ اتىنداعى ساياباق

الماتى تۇرعىندارىنا ەسىگىن ايقارا اشتى قالا اكىمى باۋىرجان بايبەك جازۋشى ءسابيت مۇقانوۆتىڭ قايتا جاساقتالىپ, جاڭعىرعان ساياباعىن اشتى. تولە بي مەن ءسابيت مۇقانوۆ كوشەلەرىنىڭ قيىلىسىنداعى قالامگەردىڭ ەسكەرتكىشى قويىل­عان بۇل ساياباق ۇلى جازۋشىنىڭ 100 جىلدىق مەرەيتويى قۇر­مەتىنە 2000 جىلدىڭ باسىندا اشىلعان ەدى. الماتى قالاسىنىڭ 1000 جىل­دىعى قارساڭىندا قولعا الىن­عان «قايىرىمدىلىق كە­رۋەنى» جوباسى بويىنشا ءجۇ­رىپ جاتقان ءىس-شارا جازۋشى اتىنداعى وسىناۋ ساياباقتى اينالىپ وتپەدى. تانىمال جوباعا قازاقستان حالقى اسسامبلەياسى ايرىقشا اتسالىس­تى. وسى وراي­دا يگىلىكتى ءىستىڭ اياسىندا الماتىداعى 10 ساياباق پەن 94 گۇلزار باق قامقورلىققا الىن­عانىن دا اتاپ وتكەن ارتىق ەمەس. اسسامبلەيا قۇرامىنداعى رەسپۋبليكالىق ازەربايجاندار قاۋىمداستىعى تەك وسى ماقساتقا عانا اتاپ تۇرىپ 100 ميلليون تەڭگە قارجى ءبولدى. ەڭ ەسكە الارلىق جاڭالىق قازاقستاندىق سول ازەربايجاندار الماتىداعى ءسابيت مۇقانوۆتىڭ ساياباعىنا ءزايتۇن اعاشىن اكەلىپ وتىر­عىزدى. ۇلى جازۋشىنىڭ ەسكەرت­كىشى تۇرعان ساياباقتا سول كۇنى بالالار وينايتىن ايرىقشا جاڭا الاڭ اشىلدى. قايتا تۇلەگەن ساياباقتىڭ اشىلۋ سالتاناتىندا ءسوز ءسوي­لەگەن باۋىرجان بايبەك: – الەمدىك تاجىريبە كورسەت­كەندەي, قالا تۇرعىندارى ءۇشىن ساياباقتار مەن گۇلزارلاردىڭ الار ورنى ەرەكشە. بۇگىنگى سال­تاناتتى ساتتە ەلىمىزدەگى ازەر­بايجان قاۋىمداستىعىنىڭ قال­تالى ازاماتتارىنا ايرىقشا العىسىمىزدى بىلدىرەمىز. سايا­باققا ءارتۇرلى اعاشتىڭ 90-عا جۋىق كوشەتى وتىرعىزىلىپ, سۋ قۇبىرى تارتىلدى. ەلباسىمىز نۇرسۇلتان نازارباەۆ ايتقان­داي, قازاقستان حالقى اسسام­بلەياسى شىن مانىندە بۇگىن ۇلكەن ءىستىڭ شىنايى ۇلگىسىن كورسەتتى, – دەدى. تالعات ءسۇيىنباي, «ەگەمەن قازاقستان» الماتى