بىرلەسكەن بۇيرىعى

قازاقستان رەسپۋبليكاسى اۋىل شارۋاشىلىعى مينيسترلىگىنىڭ 2015 جىلعى 30 ناۋرىز №4-6/285 استانا قالاسى قازاقستان رەسپۋبليكاسى ۇلتتىق ەكونوميكا مينيسترلىگىنىڭ 2015 جىلعى 27 ناۋرىز №267 استانا قالاسى بىرلەسكەن بۇيرىعى توپىراققا اگروحيميالىق زەرتتەپ قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2003 جىلعى 20 ماۋسىمداعى جەر كودەكسىنىڭ 65-بابىنىڭ 1-تارماعىنىڭ 12) تارماقشاسىنا سايكەس بۇيىرامىز: 1. قوسا بەرىلىپ وتىرعان توپىراققا اگروحيميالىق زەرتتەپ-قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى زاڭنامادا بەلگىلەنگەن تارتىپتە: 1) وسى بىرلەسكەن بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بىرلەسكەن بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولدانۋىن; 3) وسى بىرلەسكەن بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بىرلەسكەن بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ اۋىل شارۋاشىلىعى ۆيتسە-مينيسترىنە جانە جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بىرلەسكەن بۇيرىق العاش رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى قازاقستان رەسپۋبليكاسى ۇلتتىق ەكونوميكا اۋىل شارۋاشىلىعى ءمينيسترى ءمينيسترىنىڭ مىندەتىن اتقارۋشى _________________ ا.مامىتبەكوۆ ________________ م.قۇسايىنوۆ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 30 ناۋرىزداعى №4-6/285 جانە قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىنىڭ 2015 جىلعى 27 ناۋرىزداعى №267 بىرلەسكەن بۇيرىعىمەن بەكىتىلگەن توپىراققا اگروحيميالىق زەرتتەپ قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋ قاعيدالارى 1. جالپى ەرەجەلەر 1. وسى قاعيدالار 2003 جىلعى 20 ماۋسىمداعى قازاقستان رەسپۋبليكاسىنىڭ جەر كودەكسiنىڭ (بۇدان ءارى – جەر كودەكسى) 65-بابىنىڭ 1-تارماعىنىڭ 12) تارماقشاسىنا سايكەس ازiرلەندi جانە توپىراققا اگروحيميالىق زەرتتەپ قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋ ءتارتىبىن بەلگىلەيدى. 2. وسى قاعيدالاردا مىناداي ۇعىمدار پايدالانىلادى: 1) اگروحيميالىق زەرتتەپ قاراۋ – توپىراقتاعى وسىمدىكتەردى مينەرالدىق قورەكتەندىرۋ ەلەمەنتتەرى, قاراشىرىك, رن جانە تۇز رەجيمى, ميكروەلەمەنتتەر قۇرامىن ايقىنداۋ; 3) زەرتتەپ قاراۋدى جۇرگىزۋ جوسپارى – اكىمشىلىك اۋداندار, وكرۋگتەر بويىنشا جۇمىستار جۇرگىزۋدىڭ كەزەكتىلىگى; 4) مەملەكەتتىك مەكەمە – اۋىل شارۋاشىلىعى وندىرىسىنە اگروحيميالىق قىزمەت كورسەتۋ سالاسىنداعى مەملەكەتتىك مەكەمە. 3. توپىراقتى اگروحيميالىق زەرتتەپ قاراۋ ەگىستىك توپىراعىنىڭ قۇنارلىلىعى كورسەتكىشتەرىن ايقىنداۋ ءۇشىن جۇرگىزىلەدى. 2. توپىراققا اگروحيميالىق زەرتتەپ قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋ ءتارتىبى 4. مەملەكەتتىك مەكەمە جىل سايىنعى زەرتتەپ قاراۋدى جۇرگىزۋ جوسپارلارىن جاسايدى جانە وبلىستىق اۋىل شارۋاشىلىعى باسقارماسىمەن كەلىسەدى. توپىراقتى اگروحيميالىق زەرتتەپ قاراۋدى بيۋدجەت قاراجاتى ەسەبىنەن جۇرگىزەر الدىندا مەملەكەتتىك مەكەمە جەر ۋچاسكەلەرىنىڭ مەنشىك يەلەرىنە جانە (نەمەسە) جەر پايدالانۋشىلارعا وسى قاعيدالارعا 1-قوسىمشاعا سايكەس نىسان بويىنشا حابارلاما بەرەدى. جەر كودەكسىنىڭ 65-بابىنا سايكەس جەر ۋچاسكەلەرiنiڭ مەنشiك يەلەرi مەن جەر پايدالانۋشىلار توپىراققا اگروحيميالىق زەرتتەپ قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋگە مىندەتتى. 5. توپىراقتى زەرتتەپ قاراۋدى جۇرگىزۋدى باستار الدىندا مەملەكەتتىك مەكەمەنىڭ قىزمەتكەرى جەر ۋچاسكەسىنىڭ مەنشىك يەسىمەن جانە (نەمەسە) جەر پايدالانۋشىمەن بىرگە جەر القاپتارىن بايقاپ قارايدى, توپىراقتىڭ ءتيپى مەن ءتۇرىن ايقىندايدى, كوزبەن قاراپ ناقتىلايدى جانە جەر پايدالانۋ جوسپارىنا جاعدايداعى (جاڭا جولدار, تاناپتار شەكارالارى, وتىرعىزىلعان اعاشتار) وزگەرىستەردى ەنگىزەدى, جۇمىس ۋچاسكەلەرىنىڭ سحەماسى مەن ولاردى نومىرلەۋدى كەلىسەدى, جول بويىنداعى جانە فەرمالار ماڭىنداعى ەرەكشە زەرتتەپ قاراۋ ايماقتارىن, سۋ قورعاۋ ايماقتارىن بولەدى, سوڭعى ءۇش جىل ىشىندەگى اۋىل شارۋاشىلىعى داقىلدارى ەگىستەرىنىڭ ورنالاسۋىن, ولاردىڭ جاي-كۇيىن, لاستانۋ, فيتوۋلىلىق ءبىلىنۋ دەڭگەيىن ناقتىلايدى, تىڭايتقىشتاردىڭ جوعارى مولشەرىمەن جۇيەلى تۇردە تىڭايتىلاتىن تاناپتار مەن وندىرىستىك ۋچاسكەلەردى بولەدى, تاناپتاردىڭ ەروزيالانعانىن, بۇتالانعانىن جانە قويتاستالعانىن بەلگىلەيدى, سۋارمالى ۋچاسكەلەر بەتىندەگى تۇزدىڭ شوگىندىسىن بەلگىلەيدى. توپىراققا اگروحيميالىق زەرتتەپ-قاراۋدى جۇرگىزۋ ءۇشىن جەر ۋچاسكەلەرىنە قول جەتكىزۋدى قامتاماسىز ەتۋ قاعيدالارىنا 1-قوسىمشا حابارلاما مەملەكەتتىك مەكەمەنىڭ مىناداي وكىلدەرى: ____________________________________________________________________ ____________________________________________________________________ ___________________________________________________________________ ___________________ 20__ جىلعى _____________ 20 جىلعى دەيىنگى مەرزىمدە ____________________________________________________________________ (جەر ۋچاسكەسىنىڭ مەنشىك يەسى جانە (نەمەسە) جەر پايدالانۋشى) توپىراعىن جوسپارلى اگروحيميالىق زەرتتەپ قاراۋدى جۇرگىزەتىنىن حابارلايمىز. زەرتتەپ قاراۋعا جاتاتىن تاناپتارعا مەملەكەتتىك مەكەمە وكىلدەرىنىڭ كەدەرگىسىز كىرۋىن قامتاماسىز ەتۋدى سۇرايمىن. زەرتتەپ قاراۋدى جۇرگىزۋ كەزىندە جەر ۋچاسكەسىنىڭ مەنشىك يەسى جانە (نەمەسە) جەر پايدالانۋشى تاراپىنان قاتىسۋعا جانە باقىلاۋ جۇرگىزۋگە جول بەرىلەدى. باسشى: ___________________________________________________________ _________________ (تەگى, اتى, اكەسىنىڭ اتى (جەكە باسىن راستايتىن قۇجاتتا بار بولسا) (قولى) ءمور ورنى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 8 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10991 بولىپ ەنگىزىلدى.