جاڭا جاستار تەاترى

قىزىلوردا قالاسىندا ىرگە كوتەردى [caption id="attachment_41861" align="alignnone" width="512"] سۋرەت:twitter.com[/caption] قىزىلوردادا سوڭعى جىلدارى مادەنيەت سالاسى قارقىندى دامىپ كەلەدى. سونىڭ ءبىر ايعاعى, قالالىق مادەنيەت جانە تىلدەردى دامىتۋ ءبولىمىنىڭ ۇيىمداستىرۋىمەن قۇرىلعان جاستار تەاترى بولسا كەرەك. – ءبولىم جانىنان اشىلىپ وتىرعان جاستار تەاترىنا بيۋدجەتتەن ارنايى قارجى قارالماعان. مۇنداعى ارتيس­تەر – مادەنيەت ۇيلەرىندەگى ءتۇرلى ۇيىرمەلەردە ونەر كور­سەتىپ جۇرگەن جاستار. تەاتر­دىڭ باستاماسى جامان ەمەس, – دەيدى قالالىق مادەنيەت ءبولىمىنىڭ باسشىسى عالىم بايمىرزاەۆ. تەاتردا ارنايى ار­تيس­تىك ماماندىقتارى بولماسا دا, دراماتۋرگيانى ءجۇ­رە­گىمەن تۇسىنەتىن جاس­تار ونەر كورسەتەدى. تاياۋدا عانا شىمىلدىعىن تۇرگەن تەاتردىڭ ونەرلى ورەندەرى ءا دەگەننەن «العاشقى ماحاببات» پەساسىن ساحنا­لاپ, ونەرسۇيەر قاۋىم جاس­تاردىڭ تىرناقالدى قويىلىمىنا وڭ باعاسىن بەر­دى. جالپى, قويىلىمدا ارتيستەر قازىرگى قوعام كە­لەڭسىزدىكتەرىن ساتيرالىق جانردا ادەمى بەينەلەپ جەتكىزگەن. وندا ارمان قۋ­عان جاستاردىڭ الدىنان كولدەنەڭ تارتىلاتىن كەدەرگىلەر, مەكتەپ وقۋ­شىسىنىڭ العاشقى جانە بايانسىز ماحابباتى سۋرەتتەلەدى. جاس اۋەسقوي ساح­ناگەرلەر وبرازداردى شەبەر سومداپ, ماحاببات ما­شاقاتى ماسەلەسىن تەرەڭ­نەن قوزعايدى. – تەاتردىڭ الدا جوس­پارى كوپ. مىسالى, ول­جاس سۇلەيمەنوۆ شىعار­ماشىلىعىنان تىڭ دۇنيە­لەر الىپ كورسەتكىمىز كە­لەدى. ءبىرجان سالدىڭ ءومىر جولى تۋرالى قويىلىمدى كوپشىلىككە ۇسىنۋ جوسپارىمىزدا بار, – دەيدى جاس­تار تەاترىنىڭ رەجيسسەرى وڭتالاپ نۇرماحانوۆ. ايتا كەتەيىك, جاستار تەا­ترى الداعى ۋاقىتتا ماز­مۇندى قويىلىمدار قاتارىن كوبەيتىپ, تىڭ تۋىندىلاردى ومىرگە اكەلمەكشى. تالعات رايىمبەك, «ەگەمەن قازاقستان»