زەينەتاقى جيناقتارى 6 تريلليون تەڭگەدەن استى

2016 جىلعى 1 ساۋىردەگى جاعداي بويىنشا زەينەتاقى جيناقتارىنىڭ سوماسى 6,06 ترلن. تەڭگە بولدى. زەينەتاقى جارنالارىنىڭ بارلىق ءتۇرى بويىنشا شارت­تاردىڭ جالپى سانى 10,1 ملن. بىرلىكتەن استى, ونىڭ ىشىندە ءمىن­دەتتى زەينەتاقى جارنالارى بويىنشا شارتتار – شامامەن 9,7 ملن. بىرلىك. مىندەتتى كاسىپتىك زەينەتاقى جارنالارى بويىنشا سالىمشىلار سانى 396 150 بىرلىك بولدى, ال ەرىكتى زەينەتاقى جارنالارى بويىنشا – 39 183. 2016 جىل باسىنان بەرى الىنعان جانە سالىمشىلاردىڭ جەكە زەينەت­اقى شوتتارىنا بولىنگەن ينۆەس­تي­تسيالىق تابىس – 139,04 ملرد. تەڭگە. بجزق زەينەتاقى اكتيۆتەرى بويىنشا جىلدىق تابىستىلىق (2015 جىلعى ءساۋىر – 2016 جىلعى ناۋرىز) ۇقساس كەزەڭدەگى 15,7% قۇنسىزدانۋ دەڭگەيىندە 16,9 %-عا جەتتى. 2016 جىلعى 1 قاڭتار مەن 31 ناۋرىز ارالىعىنداعى كەزەڭدە سالىمشىلاردىڭ (الۋ­شى­لاردىڭ) جەكە زەينەتاقى شوتتارىنا شامامەن 152,4 ملرد. تەڭگە ءتۇستى. كورسەتىلگەن كەزەڭدە بجزق جاساعان زەينەتاقى تولەمدەرى مەن اۋدارىمدارى – 60,67 ملرد. تەڭگە, ونىڭ ىشىندە ساقتاندىرۋ ۇيىمدارىنا 4,81 ملرد. تەڭگە كولەمىندە اۋدارىمدار جاسالدى. «ەگەمەن-اقپارات»