اتاپ ايتقاندا, 31 مامىردا الەمنىڭ كوپتەگەن مەملەكەتتەرىنەن كەلەتىن پارلامەنتشىلەردىڭ, ءدىني قايراتكەرلەر مەن ساراپشىلار قاۋىمداستىعى وكىلدەرىنىڭ قاتىسۋىمەن «دىندەر تەرروريزمگە قارسى» تاقىرىبىنا ارنالعان حالىقارالىق كونفەرەنتسيا بولادى. 1 ماۋسىمدا الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ XV وتىرىسى وتەدى.
سەنات توراعاسى ۇكىمەت پەن ەسەپ كوميتەتىنىڭ 2015 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى پارلامەنتكە كەلىپ تۇسكەنى تۋرالى دا حاباردار ەتتى. 26 مامىردا جوعارعى پالاتادا ەسەپتىڭ تانىستىرىلىمىن وتكىزۋ جوسپارلانىپ وتىر. كوميتەتتەردە قارالعاننان كەيىن ەسەپ 16 ماۋسىمدا سەنات وتىرىسىنا شىعارىلادى. سەنات بيۋروسى جوعارعى پالاتانىڭ 2016 جىلعى 26 مامىردا بولاتىن كەزەكتى وتىرىسىنىڭ كۇن ءتارتىبىن كەلىستى.
سەناتورلار «2006 جىلعى 15 تامىزداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى رەسەي فەدەراتسياسىنىڭ اۋماعىندا ورنالاسقان قازاقستان رەسپۋبليكاسىنىڭ تەمىرجول ۋچاسكەلەرى بويىنشا جانە قازاقستان رەسپۋبليكاسىنىڭ اۋماعىندا ورنالاسقان رەسەي فەدەراتسياسىنىڭ تەمىرجول ۋچاسكەلەرى بويىنشا تاسىمالداۋ تولەمدەرىن تولەۋ جانە جۇك تاسىمالدارىن رەسىمدەۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» جانە «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (ماكروەكونوميكالىق باسقارۋ جانە ەكونوميكانىڭ باسەكەگە قابىلەتتىلىگىن ارتتىرۋ سالاسىنداعى دامۋ ساياساتىن قارجىلاندىرۋ بويىنشا ءبىرىنشى كرەديت) راتيفيكاتسيالاۋ تۋرالى» زاڭ جوبالارىن قارايدى. بيۋرو قارجى جانە بيۋدجەت كوميتەتىنە «قازاقستان رەسپۋبليكاسىنىڭ ۇكىمەتى مەن ساۋد ارابياسى كورولدىگىنىڭ ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى جانە وعان حاتتامانى راتيفيكاتسيالاۋ تۋرالى» زاڭ جوباسىن پىسىقتاۋدى تاپسىردى.
سونىمەن قاتار, «قازاقستان رەسپۋبليكاسى پارلامەنتى سەناتىنىڭ 2016 جىلعا ارنالعان نەگىزگى ءىس-شارالارىنىڭ جوسپارى تۋرالى» پارلامەنت سەناتى بيۋروسىنىڭ قاۋلىسىنا دا وزگەرىس ەنگىزىلدى, دەپ حابارلادى پارلامەنت سەناتىنىڭ ءباسپاسوز قىزمەتى.
