سيريادا سودىرلار شابۋىلىنان قازا تاپقاندار 100 ادامعا جەتتى

استانا. 23 مامىر. سيريانىڭ دجابلا جانە تارتۋس قالالارىندا جارىلىستاردان قازا تاپقاندار سانى 100 ادامعا جەتتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. دجابلا قالاسىندا جەرگىلىكتى اۆتوۆوكزال مەن اۋرۋحانادا ءتورت جارىلىس بولعان. تارتۋس ايماعىندا سودىرلار ءۇش بىردەي تەراكت ۇيىمداستىرعان. قازا تاپقانداردىڭ كوبىسى بەيبىت تۇرعىندار. قازىرگى تاڭدا تەرگەۋ امالدارى ءجۇرىپ جاتىر. ەكسترەميستىك ارەكەتتەردەن ونداعان ادام ءتۇرلى دەڭگەيدە جاراقات الدى. ولاردىڭ ءبارى جاقىن ماڭايداعى اۋرۋحانالارعا جەتكىزىلدى. رەسمي مالىمەتتەر بويىنشا, لاڭكەستىك ارەكەتتەردى «احرار اش-شام» جانە تگيل ۇيىمدارى ءوز موينىنا الدى. ايتا كەتەيىك, وسى جىلدىڭ اقپان ايىنىڭ سوڭىنا تامان سيريانىڭ پرەزيدەنتى باشار اساد ۇكىمەتى مەن وپپوزيتسيالىق كۇشتەردىڭ اراسىندا بەيبىت كەلىسىم ورناعان. الايدا, بۇل كەلىسىمنىڭ اتالعان لاڭكەستىك ۇيىمدارعا ەش قاتىسى جوق. وسىعان بايلانىستى ۇكىمەت اسكەرى  ارنايى وپەراتسيا كەزىندە جۇزدەگەن ەكسترەميستىڭ كوزىن جويعان. ايان ءابدۋالي. دەرەك, فوتو: ريا «نوۆوستي».