ديزەل وتىنىن رەسەيگە اسىرعىسى كەلگەن كۇدىكتىلەر ۇستالدى

قوستاناي. 23 مامىر. رەسەي مەن قوستاناي شەكارا بەكەتتەرىندە ديزەل وتىنىن رەسەيگە كونتراباندالىق جولمەن اكەتكىسى كەلگەن ەكى وقيعا تىركەلدى, وسى ىسپەن اينالىسقان ەكى ادام ۇستالدى. بۇل تۋرالى قوستاناي وبلىسىنداعى №2031 اسكەري بولىمشەسى شەكارا جاساعىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. 48 جاستاعى جىتىقارا قالاسىنىڭ تۇرعىنى ءبىر توننا سولياركانى رەسەيگە اكەتپەك بولعان جەرىنەن «جەلقۋاراۆتو» وتكىزۋ بەكەتىندە ۇستالدى. سولياركا ول مىنگەن Ford ماشيناسىن تەكسەرۋ كەزىندە تابىلدى. وسى وقيعانىڭ ارتىرنشا «وباعان» وتكىزۋ بەكەتىنەن 36 جاستاعى رەسەي ازاماتى ۇستالدى. ول ون قۇتىعا قۇيىلعان 2 توننا سولياركانى گازەل ماشيناسىنا اتىپ, قورعان وبلىسىنا الىپ وتپەك بولعان. ەنەرگەتيكا جانە اۋىل شارۋاشىلىعى مينيسترلىكتەرىنىڭ كەلىسىمى بويىنشا ەلىمىزدەگى بيىلعى جىلدىڭ كوكتەمگى دالا جۇمىستارىنا ديزەل وتىنىنىڭ ءبىر تونناسىنىڭ باعاسى 95 421 تەڭگە بولىپ بەكىتىلگەن بولاتىن. ياعني, سولياركانىڭ ءبىر ءليترى ديقاندارعا 79 تەڭگەگە ءتۇستى. كوكتەمگى دالا جۇمىستارى ءۇشىن ەلىمىزدە سۇرانىس بويىنشا 366,8 مىڭ توننا ديزەل وتىنى كەرەك بولاتىن. وعان رەسپۋبليكالىق بيۋدجەتتەن 60 ميلليارد تەڭگە قارجى ءبولىندى. ال كورشى رەسەيدە ديزەل وتىنىنىڭ ءليترى 35 رۋبل, بۇل 175 تەڭگە دەگەن ءسوز. ديزەل وتىنىن ەكى ەسەدەن اسا قىمباتىنا ساتىپ, قارىق بولعىسى كەلگەن پىسىقايلار قىراعى شەكاراشىلاردىڭ قۇرىعىنان قۇتىلمادى. ءنازيرا جارىمبەتوۆا. دەرەك, فوتو: №2031 اسكەري بولىمشەسى شەكارا جاساعىنىڭ ءباسپاسوز قىزمەتى.