«جولداۋدان جاقسى جاۋاپ الدىق» – دەيدى ۋنيۆەرسيتەت ۇستازدارى مەن جاستارى

كەشە شاكارىم اتىنداعى سەمەي مەملەكەتتىك ۋنيۆەرسيتەتىنىڭ كونفەرەنتس-زالى ەل­با­سىمىزدىڭ قازاقستاندىقتارعا ارنا­عان بي­ىلعى كەزەكتى جولداۋىن تىڭ­داۋ ماق­سا­تى­مەن جينالعاندارعا لىق تو­لى بولدى. سونىڭ باسىم بولىگى ستۋدەنت جاستار ەدى. ويتكەنى, سونىڭ الدىندا عانا مۇن­دا «نۇر وتان» حا­لىقتىق-دەمو­كرا­تيالىق پارتياسىنىڭ جاستار قانا­تى­نىڭ ساپىنداعى ستۋدەنتتەر رەفەرەندۋم ءوت­كىزۋ جونىندەگى باستاماشى توپ­تىڭ جەتەكشىسى, وقۋ ورنىنىڭ رەكتورى ەرلان سى­دىقوۆپەن كەزدەسىپ, سول رەفە­رەن­دۋمعا وراي قول جيناۋ قورىتىندىسى تۋرالى اڭگىمەگە مولىنان قانىعىپ قانا قويماي, ءوز وي-پىكىرلەرىن دە ورتاعا سال­عان-دى. 90-جىلدار­دىڭ ورتا­سىندا ۋني­ۆەرسيتەتتىڭ قۇرامىنا وسىنداعى ءتورت بىردەي ينستيتۋت – تەحنولو­گيا­لىق, زووتەح­نيكالىق-مالدارىگەرلىك, پە­دا­گوگي­كالىق جانە قارجى ينستيتۋتتارى ەنگەن بو­لاتىن. سولايشا ەلىمىزدىڭ شىعىسىندا ىرگەلى وقۋ ورنى پايدا بولعان-دى. سول ۇلكەن ۋنيۆەرسيتەتتىڭ ستۋدەنت جاس­تارى مەن ۇستازدار قاۋىمى ەلبا­سى­مىز­دىڭ وتانداستارىمىزعا ارناعان كەزەكتى جول­داۋىن ەرتەڭگە دەگەن كەپىلدىك رەتىندە زور سەنىممەن زەيىن قويا تىڭدادى. جانە بيىلعى جولداۋدان دا وزدەرىنىڭ كوڭىل­دەرىندەگى ساۋال­دارعا ناقتى جاۋاپ تابا بىلگەندىكتەرى كورىنىپ تۇردى. سونىڭ ءبىرى – گۋمانيتارلىق فاكۋلتەتتىڭ دەكا­نى, پروفەسسور اراپ ەسپەنبەتوۆ پرەزيدەنت نۇر­سۇلتان نازارباەۆ­تىڭ بيىلعى جول­داۋ­ىن­دا عىلىم مەن ءبىلىم ماسەلەسى تياناقتى قوزعالعانىنا ءوز ريزا­شىلىعىن ءبىلدىرىپ جاتتى. ال زووتەح­ني­كالىق-مالدارىگەرلىك فاكۋلتەتىنىڭ دەكا­نى, پروفەسسور زەينوللا توقاەۆ بولسا الەمدە بەيبىتشىلىكتى نى­عايتىپ, قاۋىپ­سىزدىك ماسە­لەسىن ناسيحاتتاۋ ءبىزدىڭ ەلىمىز ءۇشىن باستى ماسەلە بولىپ قالا بەرەتىندىگىنە ءۇن قوستى. بۇل – ەل­باسى جارلىعىمەن سەمەي اتوم پولي­گو­نىنىڭ بيىلعى جيىرما جىلدىعى الەم­دىك دەڭگەيدە اتالىپ وتىلەدى دەگەن ءسوز, دەدى ول. ال ەلباسىنىڭ رەفەرەندۋم وتكىزۋ جونىندەگى باستاماشى بولعان ازامات­تارعا, بۇكىل قازاقستان­دىقتارعا بىلدىرگەن ريزا­شىلىعىنا وراي ءتورتىنشى كۋرس ستۋدەنتى, ۋنيۆەرسيتەتتەگى «جاس وتان» جاستار قاناتىنىڭ اتقارۋشى حاتشىسى سالتانات مىر­زاس­پاەۆا ءوز قۋانىشىن جەتكىزگەنشە اسىقتى. وسىنداي تاماشا باستاما ورداسى بو­لىپ تابىلاتىن ۋنيۆەرسيتەتتە وڭدى جا­ڭا­لىقتار از ەمەس. ۋنيۆەرسيتەت عالىم­دا­رى ءوز جاڭا­لىقتارىمەن ەلىمىزدىڭ ازىق-ت ۇلىك قاۋىپ­سىزدىگىن نىعايتۋعا, الاشتانۋ, شاكارىمتانۋ ماسەلەلەرىن زەرتتەپ, جەرىنە جەت­كىزۋگە ۇلەس قو­سۋمەن بىرگە, ەل تاۋەل­سىز­دى­گىنە ارناعان سىي-تارال­عىدان دا كەندە ەمەس. سونىڭ ايعا­عىنداي, قازىردە مۇندا سەمەي قالاسى مەن وبلىس ەنتسيكلو­پەديا­سى دايىندالۋ ۇستىندە. ال ەل تاۋەلسىزدىگىن ناسيحاتتاۋ دا ەلباسى جولداۋىندا كەڭى­نەن قامتىلعانى بەلگىلى. ەندى ءبىز ەلباسى جولداۋىن كەڭىنەن تال­قىلاۋعا بىردەن كىرىسىپ كەتپەكپىز, دەيدى ۋنيۆەرسيتەت رەكتورى, پروفەسسور ەرلان سىدىقوۆ. داۋلەت سەيسەن ۇلى, سەمەي. سۋرەتتە: كونفەرەنتس-زالدان كورى­نىس­.