الماتىدا قارۋ-جاراقتى ارانداتۋشىلار اكەلگەنى انىقتالدى

استانا. 21 مامىر. الماتىنىڭ قاق ورتاسىندا قارۋ-جاراق ساقتاعانداردىڭ ارانداتۋشىلار ەكەن بەلگىلى بولدى. بۇل تۋرالى كتك تەلەارناسىنىڭ اقپارىنا سىلتەمە جاساعان egemen.kz ءتىلشىسى حابارلادى. «جەردىڭ جايى قىزۋ تالقىلانىپ جاتقان ءدال قازىرگى ەڭ وزەكتى تاقىرىپ. بىراق سوڭعى ۋاقىتتاعى جاعدايعا زەر سالساق, ماسەلەنىڭ ۋشىققانى بەلگىلى ءبىر توپتارعا اسا قاجەت سىڭايلى. پرەزيدەنت جەر كودەكسىنە ماراتوري جاريالادى. ارنايى كوميسسيا قۇرىلىپ, قۇجاتتىڭ داۋلى دەگەن تۇستارى ءجىتى تالقىلانىپ جاتىر. بىراق ارانداتۋشىلار بۇعان دا قاراپ جاتقان جوق», - دەدى تەلەارنا ءتىلشىسى. كەشە الماتىدا سونداي پيعىلدىلاردىڭ ارەكەتى اشكەرە بولعان. ارنايى قىزمەت وكىلدەرى قالانىڭ قاق ورتاسىنان جانارماي قۇيىلعان شولمەكتەر, ادەيى ىقشامداپ كەسىلگەن ارماتۋرالار تاۋىپ الدى. تاعى ەكى پاتەرگە اتىس قارۋلارى مەن اقشا جاسىرىلعان. الماتىدا كەشە تاڭ اتپاستان رەسپۋبليكا الاڭىنا جاقىن ورنالاسقان بايسەيىتوۆا كوشەسى قورشاۋعا الىندى. شەكتەلگەن اۋماققا ەشكىم جىبەرىلمەي, ول جەردى پوليتسيا قىزمەتكەرلەرى قاراپ شىقتى. ناتيجەسىندە رەسپۋبليكا جانە استانا الاڭىنىڭ ماڭايىنان جانارماي قۇيىلعان بوتەلكەلەر مەن ارماتۋرا تەمىرلەر سالىنعان پاكەتتەر تابىلعان. حالىقتىڭ جەرگە دەگەن الاڭداۋشىلىعىن پيعىلى بوتەندەر وسىنداي قۇرالدار ارقىلى پايدالانباق بولعان سىڭايلى. ەل ىرگەسىن شايقالتقىسى كەلەتىندەردىڭ ەندىگى ارەكەتى ودان دا سۇمدىق. بوستاندىق جانە المالى اۋداندارىندا ورنالاسقان ەكى پاتەردەن «ماكاروۆ» جانە «تت» ماركالى تاپانشالار, 4 «رگد-5»  گراناتاسى, 1 شولاق مىلتىق پەن 5 ميلليون تەڭگە الىنعان. وسىعان بايلانىستى ءتارتىپ ساقشىلارى تۇرعىنداردى ارانداتۋشىلاردىڭ ايتاعىنا ەرمەۋگە شاقىرىپ وتىر. «الماتى قالاسىنداعى احۋال قازىرگى تاڭدا ءجىتى باقىلاۋ ۇستىندە. مالىمەتتەر جالپى قالا تۇرعىندارىنان كەلىپ تۇسكەن. سوندىقتان تۇسە سالىسىمەن, مالىمەتتەردى تەكسەرۋگە بارىنشا جۇمىلدىرىپ, مۇنداي مالىمەتتەر شىن مانىندە راستالعان بولىپ شىقتى. بۇل جاعداي زاڭسىز قارۋ-جاراق ساقتاۋ دەرەگى رەتىندە تىركەلىپتى. بىراق بۇل ارانداتۋعا باعىتتالعان ارەكەتتەر ەكەنى انىق. قازىر وسى ىسكە قاتىسى بار 5 ادام ۇستالعان. بىرەۋى پاۆلوداردان, قالعاندارى وسى وڭىردەن. بارلىعى دا وسىعان دەيىن ناشاقورلىق, قىز زورلاۋ, ۇرلىق سەكىلدى قىلمىستىق ىستەرگە بەلشەدەن باتقان. ولاردىڭ قيتۇرقى ارەكەتتەرىن ارنايى ساراپتاما ءالى دە انىقتايدى. وسى جايتتەردىڭ ارقايسىسى بويىنشا قىلمىستىق ءىس قوزعالدى», - دەدى الماتى قالالىق ىشكى ىستەر دەپارتامەنتىنىڭ رەسمي وكىلى سالتانات ازىربەك. تالعات رايىمبەك. دەرەك, فوتو: كتك.