تاۋەلسىزدىك اكتسياسى اياسىندا

اتىراۋ قالاسىنىڭ تۇرعىنى س.يزمايلوۆا, تەمىرتاۋ قالاسىنىڭ تۇر­عىنى ق.ءجۇنىس ۇلى, الماتى وبلىسى­نىڭ تۇرعىنى ن.ءجۇنىسوۆ ءوز حاتتا­رىن­دا رەفەرەندۋم وتكىزۋ جونىندەگى جالپىۇلتتىق باستامانى ءبىراۋىزدان قولدايتىندىقتارىن بىلدىرگەن. قازىردە رەسپۋبليكا بويىن­شا ەل تاۋەلسىزدىگىنىڭ 20 جىل­دى­عىنا وراي «20 قايىرىم­دى­لىق ءىس» اكتسياسى وتكىزىلىپ جات­قانى بەلگىلى. جۋىردا اتالعان اك­تسيا اياسىندا يادرولىق سىناق ايماعىنا الىستاعى امەري­كا­نىڭ سولت-لەيك-سيتي قالا­سى­نان گۋمانيتارلىق كومەك رەتىندە 250 مۇگەدەكتەر ارباسى, بالداقتار مەن اياق اربالار (حودۋنوكتار) جەتكىزىلدى. وسى ءبىر يگىلىكتى شاراعا ال­ماتىداعى «ۇلاعاتتى وتبا­سى» قوعامدىق قورى سەبەپشى بولدى. بۇلارعا سەمەيدە تۇراتىن ءوزى مۇگەدەك, ءارى ارەڭ سويلەيتىن ني­كيتا دەگەن جاس جەتكىنشەك ولەڭمەن ءوتىنىش جولداعان ەكەن. بۇعان الگى تىلەگىن كومپيۋتەرمەن تەرۋ دە وڭايعا تۇسپەپتى. سونى ەستىپ, بۇلارمەن حابار­لاسقان الماتىلىقتار سەمەيدە مۇنداي مۇگەدەك جاندار كوپ ەكەندىگىن بىلەدى. بۇل حاباردى قۇلاعى شالعان «يستوك» قوعام­دىق بىرلەستىگىندەگىلەر دە يگى شارادان سىرت قالماپتى. ال سونداي قايىرىمدىلىق شاراسىن جەرىنە جەتكىزۋدى امە­ري­كالىق دجەك پەن پامەلا شو­لار دەگەن ەرلى-زايىپتىلار دا ءوز مويىندارىنا الادى. بۇ­لار 10 بالاسى, 23 نەمەرە-ءشو­بە­رەسى بار ۇلكەن اۋلەت كورىنەدى. الىستاعى امەريكادان جەتكىزىلگەن الگىندەي ۇلكەن سىي­لىق­تىڭ جالپى قۇنى 36 مىڭ دول­لاردى قۇرايدى. ول يادرو­لىق سىناق ايماعىنداعى ەلدى مە­كەندەر مەن اۋدان, قالالار­داعى اۋرۋحانا, جەدەل جاردەم, ونكولوگيالىق ديسپانسەر, قارت­تار مەن مۇگەدەكتەر ۇيىنە قا­جەتىنە قاراي ون-جيىرمادان ءبولىنىپتى. سولايشا تاۋەلسىزدىك مەرەكەسى قارساڭىندا مۇنداعى مۇگەدەك جاندار وزدەرىنە كور­سەتىلىپ جاتقان قامقورلىققا ءدان ريزا بولىپ جاتىر. داۋلەت سەيسەن ۇلى, سەمەي.