قاراعاندى وبلىسىنىڭ ەكس-اكىمى مەرزىمىنەن بۇرىن تۇرمەدەن شىقتى

استانا. 19 مامىر. قاراعاندى وبلىسىنىڭ ەكس-اكىمى باۋىرجان ابدىشەۆ تۇرمەدەن مەرزىمىنەن بۇرىن شارتتى تۇردە بوساتىلدى. بۇل تۋرالى tengrinews.kz-كە سىلتەمە جاساعان egemen.ءتىلشىسى حابارلادى. قازىبەك بي اۋداندىق سوتىنىڭ سۋدياسى جۇماعۇل شۇجەنوۆ سوتتالۋشىنىڭ ءوتىنىشىن قاناعاتتاندىردى. ول: «باۋىرجان ابدىشەۆ مەرزىمىنەن بۇرىن شارتتى تۇردە بوساتىلسىن, 1 جىل 4 اي 4 كۇنگە پروباتسيالىق باقىلاۋ ورناتىلسىن», – دەدى سوت وتىرىسىندا. ايتا كەتەيىك, باۋىرجان ابدىشەۆ 2015 جىلدىڭ 11 جەلتوقسانىندا قىلمىستىق كودەكستىڭ 365-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى جاساۋ), 307-باپتىڭ 3-بولىگى (قىزمەتتىك وكىلەتتىلىگىن اسىرا پايدالانۋ) جانە 364-باپتىڭ 3-بولىگى (كاسىپكەرلىك قىزمەتكە زاڭسىز قاتىسۋ) بويىنشا ەكونوميكالىق قىلمىس جاساعانى ءۇشىن بەس جىلعا باس بوستاندىعىنان ايىرىلعان بولاتىن. الايدا, وبلىستىق سوتتىڭ اپەللياتسيالىق القاسى 14 ناۋرىزدا جازانى جەڭىلدەتىپ, ونىڭ مەرزىمىن ءۇش جىلعا قىسقارتقان. سوتتالۋشى تۇزەتۋ مەكەمەسىندە 1 جىل 7 اي 25 كۇن بولدى. تالعات رايىمبەك. دەرەك, فوتو: tengrinews.kz.