قاراعاندى. 18 مامىر. قاراعاندىدا ۇستەل تەننيسىنەن ءوتىپ جاتقان قازاقستان چەمپيوناتىندا كوماندالىق سايىستىڭ ۇزدىكتەرى انىقتالدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قىزدار اراسىنداعى سىندا ءبىرىنشى جۇلدەنى قاراعاندى وبلىسىنىڭ كومانداسى جەڭىپ الدى. ەكىنشى جۇلدەگە الماتى قالاسىنىڭ ۇجىمى يە بولسا, قوستاناي جانە باتىس قازاقستان وبلىستارىنىڭ كوماندالارى قولا جۇلدەنى قاناعات ەتتى.
ال ەرلەر اراسىندا التىن مەدالدى الماتى قالاسىنىڭ كومانداسى يەلەنسە, ەكىنشى جۇلدە شىعىس قازاقستان وبلىسىنىڭ تەننيسشىلەرىنە بۇيىردى. قولا جۇلدە پاۆلودار جانە اقتوبە وبلىستارىنان كەلگەن سپورتشىلاردىڭ قانجىعاسىندا كەتتى.
ەندىگى كەزەكتە تەننيسشىلەر جەكەلەي سىندا تارتىسقا تۇسەدى. چەمپيونات 22 مامىر كۇنى اياقتالادى.
قايرات ءابىلدينوۆ.
دەرەك, فوتو: قاراعاندى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.
