قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №18-03/125 

2015 جىلعى 25 اقپان, استانا قالاسى جانۋارلاردى ەرiكسiز جانە جارتىلاي ەرiكتi جاعدايلاردا ۇستاۋ قاعيدالارىن بەكىتۋ تۋرالى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 9-بابىنىڭ 1 تارماعىنىڭ 69) تارماقشاسىنا سايكەس بۇيىرامىن: 1. قوسا بەرىلىپ وتىرعان جانۋارلاردى ەرىكسىز جانە جارتىلاي ەرىكتى جاعدايلاردا ۇستاۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى س.وماروۆ قازاقستان رەسپۋبليكاسى اۋىل شارۋاشىلىعى ءمينيستردىڭ مىندەتىن اتقارۋشى 2015 جىلعى 25 اقپانداعى № 18-03/125 بۇيرىعىمەن بەكىتىلگەن جانۋارلاردى ەرىكسىز جانە جارتىلاي ەرىكتى جاعدايلاردا ۇستاۋ قاعيدالارى 1. جالپى ەرەجەلەر 1. وسى جانۋارلاردى ەرىكسىز جانە جارتىلاي ەرىكتى جاعدايلاردا ۇستاۋ قاعيدالارى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 9-بابىنىڭ 1 تارماعىنىڭ 69) تارماقشاسىنا سايكەس ازىرلەندى جانە جانۋارلاردى ەرىكسىز جانە جارتىلاي ەرىكتى جاعدايلاردا ۇستاۋ ءتارتىبىن ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) جانۋارلاردى ەرىكسىز جاعدايلاردا ۇستاۋ – جانۋارلاردى تورلاردا, شارباقتاردا, اكۆاريۋمداردا, تەرراريۋمداردا, باسسەيندەردە جانە باسقا دا ارناۋلى ءۇي-جايلاردا ۇستاۋ; 2) جانۋارلاردى جارتىلاي ەرىكتى جاعدايلاردا ۇستاۋ – جانۋارلاردى تابيعي مەكەندەۋ ورتاسىنا جاقىن جاعدايلاردا ۇستاۋ. 3. جانۋارلاردى ەرىكسىز جانە جارتىلاي ەرىكتى جاعدايلاردا ۇستاۋعا: 1) شارۋاشىلىق ماقساتتاردا (اڭشىلىق جانە بالىق اۋلاۋ وبەكتىلەرىنە جاتپايتىن جانۋارلاردى); 2) عىلىمي, مادەني-اعارتۋ, تاربيە جانە ەستەتيكالىق ماقساتتاردا; 3) ولاردىڭ تىنىس-تىرشىلىگىنىڭ پايدالى قاسيەتتەرى مەن ونىمدەرىن; 4) ءوسىمىن مولايتۋ ماقساتىندا پايدالانۋ ءۇشىن جۇزەگە اسىرىلادى. 2. جانۋارلاردى ەرىكسىز جانە جارتىلاي ەرىكتى جاعدايلاردا ۇستاۋ ءتارتىبى 4. جابدىقتالعان تورلاردى, اكۆاريۋمداردى, تەرراريۋمداردى, باسسەيندەردى, شارباقتاردى جانە باسقا دا ارناۋلى ۋچاسكەلەر مەن (نەمەسە) ءۇي-جايلاردى (بۇدان ءارى – ءۇي-جايلار) قوسا العاندا, جانۋارلاردى ۇستاۋ ءۇشىن جاعدايلار بولعان كەزدە ولار ەرىكسىز جانە جارتىلاي ەرىكتى جاعدايلاردا ۇستالادى. 5. ەرىكسىز نەمەسە جارتىلاي ەرىكتى جاعدايلاردا ۇستالاتىن جانۋارلار تۇرىنە, جىنىسىنا, فيزيولوگيالىق جاي-كۇيىنە بايلانىستى وزدەرىنىڭ بيولوگيالىق ەرەكشەلىكتەرىنە سايكەس: 1) دەمالۋ, ورىن اۋىستىرۋ جانە تابيعي قالپىن قابىلداۋ مۇمكىندىگى ءۇشىن كەڭىستىك كولەمىمەن (ىندەر, ۇيالار, جاسىرىن باسپانالار, قالقالار, توعاندار); 2) قاجەت بولعان جاعدايدا ولاردىڭ قوزعالۋ, ۇيىقتاۋ, تابيعي بەلسەندىلىك تانىتۋ, تابيعي ورتامەن بايلانىس جاساۋ, قورەكتەنۋ جانە سۋ ءىشۋ قاجەتتىلىگىن قاناعاتتاندىرۋ مۇمكىندىگىمەن; 3) استاۋلارمەن, سۋاتتارمەن, قۇستار كەلىپ قوناتىن سىرىقتارمەن جانە ولاردىڭ تابيعي قاجەتتىلىكتەرىن قاناعاتتاندىرۋعا ارنالعان جابدىقتارمەن; 4) جەم-شوپپەن جانە ىشەتىن سۋمەن; 5) زووتەحنيكالىق جانە ۆەتەريناريالىق ءىس-شارالارمەن قامتاماسىز ەتىلەدى. 6. ەرىكسىز جاعدايدا ۇستالاتىن جانۋارلار: 1) ءۇي-جايدى تىنىس-تىرشىلىك ونىمدەرىنەن تازارتۋ جۇيەسىمەن; 2) ءۇي-جايدى لاس اۋانى سىرتقا شىعارىپ, جەلدەتۋ جانە سۋدى اەراتسيالاۋ جۇيەسىمەن, ارتىق سۋدى اعىزىپ جىبەرەتىن جابىق درەناج جۇيەلەرىمەن قامتاماسىز ەتىلەدى. 7. ەرىكسىز جانە جارتىلاي ەرىكتى جاعدايلاردا ۇستالاتىن جانۋارلارعا كۇتىم جاساۋ باسقا جانۋارلارعا زيان كەلتىرمەۋدىڭ الدىن الۋ شارالارى قولدانىلىپ جانە قىزمەت كورسەتەتىن پەرسونال مەن كەلۋشىلەردىڭ قاۋىپسىزدىك جاعدايلارى قامتاماسىز ەتىلە وتىرىپ جۇرگىزىلەدى. 8. ءۇي-جايلار وڭاي اشىلاتىن ق ۇلىپتارمەن, ىلمەكتەرمەن وقشاۋلاۋ قۇرىلعىلارىمەن, ولاردىڭ وزدىگىنەن اشىلىپ كەتىپ, جانۋارلاردىڭ ءۇي-جايدان تىسقارى جەرلەرگە كەتىپ قالۋىنا جول بەرمەيتىن بەكىتكىشتەرمەن جابدىقتالادى. 9. اكۆاريۋم اينەكتەرىن قابىرعالارعا, تەمىر جانە مەتالل جاقتاۋلارعا جۇمساق امورتيزاتور توسەمدەرىمەن ورناتىلادى. 10. تەرراريۋمداردا تاماشالاۋ تەرەزەلەرى سىنبايتىن شىنىدان نەمەسە باسقا دا سىنبايتىن ءمولدىر پوليمەر ماتەريالداردان جاسالادى. 11. تورلار, باسسەيندەر جانە شارباقتار, ءۇي-جايلاردىڭ ىشكى جانە سىرتقى قورشاۋلارى جانۋارلاردىڭ ءومىرى مەن ساۋلىعىنا ءتيىس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 1 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10602 بولىپ ەنگىزىلدى.