قوستاناي. 19 مامىر. قوستانايدا مەملەكەتتىك تىلدەن اشىق ديكتانت ءوتتى. وعان قاتىسقان 80 ادامنىڭ 20-سى «ۇزدىك» دەگەن باعاعا جازىپ شىقتى. بۇل تۋرالى وبلىس اكىمدىگى «قوعامدىق كەلىسىم» مەكەمەسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قازاقستان حالقى اسسامبلەياسى ەل تاۋەلسىزدىگىنىڭ 25 جىلدىعىنا ارناپ ۇيىمداستىردى. مەملەكەتتىك تىلدەن ديكتانت وبلىس ورتالىعىنداعى ل.تولستوي اتىنداعى امبەباپ كىتاپحانادا, سونىمەن قاتار بارلىق جوعارى وقۋ ورىندارىندا جانە اۋداندىق كىتاپحانالاردا ءوتتى. ديكتانت ءماتىنى «ماڭگىلىك ەل – پاتريوتتىق اكتىسى» دەگەن تاقىرىپتا بولدى.
ديكتانت ءماتىنىن وقىعان, تەكسەرگەن فيلولوگيا ماگيسترلەرى مەن وقىتۋشىلاردىڭ پىكىرىنشە, ءماتىن تىنىس بەلگىسى جاعىنان كۇردەلى بولدى. الايدا, وعان قاتىسقاندار جاقسى جازىپ شىقتى دەۋگە بولادى. ديكتانت جازىپ, مەملەكەتتىك تىلدەن ءوز ءبىلىمىن تەكسەرگەندەردىڭ اراسىندا مەملەكەتتىك قىزمەتكەرلەر, قوعامدىق بەلسەندىلەر, ستۋدەنتتەر, وقۋشىلار, ەتنومادەني ورتالىقتاردىڭ وكىلدەرى جانە جەرگىلىكتى ۇلتپەن قاتار ءتۇرلى ۇلتتار وكىلدەرى بولدى.
«ديكتانتتى ۇزدىك جازعاندار اراسىندا ەتنومادەني بىرلەستىكتەر وكىلدەرى دە بار. اسىرەسە ستۋدەنتتەر مەن مەكتەپ وقۋشىلارى وتە جاقسى جازدى», – دەدى «قوعامدىق كەلىسىم» مەملەكەتتىك مەكەمەسى ۇلتارالىق قاتىناستار سالاسىن عىلىمي-ساراپتاۋ, باقىلاۋ جانە تالداۋ ءبولىمىنىڭ جەتەكشىسى رايسا زاۆگورودنيايا.
ديكتانتتى «بەسكە» جانە «تولىق تورتكە» جازعاندارعا «العىس حاتتار» تاپسىرىلدى.
ءنازيرا جارىمبەتوۆا.
دەرەك, فوتو: قوستاناي وبلىسى اكىمدىگى «قوعامدىق كەلىسىم» مەكەمەسىنىڭ ءباسپاسوز قىزمەتى.
