اسسامبلەيا ءىس-شارالارىنا قاتىسادى

ءماجىلىس توراعاسى باقتىقوجا ىزمۇحامبەتوۆ باستاعان دەلەگاتسيا سانكت-پەتەربۋرگ قالاسىندا 19-20 مامىردا وتەتىن تمد-عا قا­تىسۋشى مەملەكەتتەر پار­لامەنتارالىق اس­سامب­لەيا­سىنىڭ ءىس-شارا­لارى­­نا قاتىسادى, دەپ حابار­لا­دى ءماجىلىستىڭ ءباسپاسوز قىزمەتى. بۇل كوكتەمگى سەسسيانىڭ ايىر­ماشىلىعى تمد پاا قۇرا­مىنا ەنەتىن ۇلتتىق پارلا­مەنت­تەردىڭ سپيكەرلەرىمەن قاتار, شارا جۇمىسىنا بىرقاتار حا­لىق­­ارا­لىق ۇيىمداردىڭ جە­تەك­شىلەرى دە قاتىسادى دەپ كۇتىلۋ­دە. سونىڭ ىشىندە, الەمدەگى ءىرى پار­­لامەنتارالىق اسسامبلەيا­لار: پارلامەنتارالىق وداق, ەۋروپا كەڭەسىنىڭ پارلامەنتارا­لىق اسسامبلەياسى, ەۋروپاداعى قاۋىپ­­سىزدىك جانە ىنتىماقتاس­تىق ۇيى­مىنىڭ پارلامەنتارا­لىق اسسامبلەياسى, دوستاستىقتىڭ (ۇلت­تار) پارلامەنتتىك قاۋىمداس­تىعى بار. ءماجىلىس دەلەگاتسياسىنىڭ باعدارلاماسىندا پالاتا ءتور­اعا­سىنىڭ بىرقاتار ەكىجاقتى كەز­دەسۋلەرى جوسپارلانعان. ماجىلىسمەندەر تمد پاا تۇراقتى كوميسسيالارىنىڭ شەڭ­بەرىندە: جەرگىلىكتى ءوزىن ءوزى باس­قارۋ مەن مەملەكەتتىك قۇرىلىم ءتاجى­ريبەسى بويىنشا; حالىقارالىق ىنتىماقتاستىق پەن ساياسي ماسە­لەلەر بويىنشا; اگرارلىق ساياسات, ەكولوگيا مەن تابيعات پايدالانۋ; مادەنيەت, اقپارات, تۋريزم مەن سپورت ماسەلەلەرى بويىنشا پىكىر الماساتىن بولادى. سونىمەن قاتار, تمد پاا 44-ءشى پلەنارلىق وتىرىسىنا قاتىسادى. سونداي-اق, ب.ىزمۇحامبەتوۆ «ەۋرازيالىق ەكونوميكالىق پەرس­پەكتيۆا» IV حالىقارالىق فورۋمىندا ءسوز سويلەيدى دەپ جوس­پارلانۋدا. اتالعان فورۋم 2013 جىلدان بەرى تۇراقتى تۇردە ءوت­كى­زىلىپ كەلەدى. وعان تمد ەلدەرى پار­لامەنتتەرىنىڭ وكىلدەرى باستاماشى بولىپ تابىلادى. شاراعا دەپۋتاتتار, تانىمال سايا­سات­كەرلەر, عالىمدار, ساراپشىلار, سونداي-اق ءتۇرلى ەلدەردىڭ بيز­نەس-قاۋىمداستىق وكىلدەرى جينال­ماق. تالقىعا تۇسەتىن تاقى­رىپ – ەۋرا­­زيا قۇرلىعىندا ءوزارا ءتيىم­دى ەكو­­ن­وميكالىق ءىس-قيمىل ماسەلەلەرى.