قوستانايدا گازدىڭ باعاسى ناقتىلانباي تۇر

قوستاناي. 18 مامىر. قوستاناي وبلىسى ەلىمىزدەگى گازدىڭ باعاسى بەكىتىلمەي وتىرعان وڭىرلەردىڭ ءبىرى. كوممۋنالدىق كاسىپورىندار ۇسىنعان گازدىڭ ءار تەكشە مەترىنە 10,6 تەڭگەنى قوعامدىق كەڭەس مۇشەلەرى وتە قىمبات دەپ وتىر. وبلىس اكىمىنىڭ بۇل تۋرالى قاۋلىسىن قوعامدىق كەڭەس مۇشەلەرى وسىمەن ءۇشىنشى رەت قايتارىپ جىبەردى. بۇل تۋرالى alau.kz-كە سىلتەمە جاساعان egemen.kz ءتىلشىسى حابارلادى. قوعامدىق كەڭەستىڭ وسىدان بۇرىنعى ەكى وتىرىسىنا قاتىسقان «كازترانگاز ايماك» كومپانياسىنىڭ وكىلدەرى ايتىلعان ەسكەرتپەنى ەلەمەدى. ءۇشىنشى وتىرىسقا كوممۋنالدىق كاسىپورىن وكىلدەرى كەلگەن جوق. سوندىقتان ولاردىڭ مۇددەسىن ەنەرگەتيكا جانە كوممۋنالدىق شارۋاشىلىق باسقارماسى وكىلدەرى قورعادى. قوعامدىق كەلىسىم مۇشەلەرى «كازترانسگازايماك» كاسىپورنىنىڭ ەسەپ قۇرىلعىسىنسىز قالا حالقى ءۇشىن گازدىڭ مولشەرىن بەكىتۋىنە نارازىلىقتارىن بىلدىرۋدە. قوعامدىق كەلىسىم مۇشەلەرى گاز پايدالانۋدىڭ مولشەرىن بەكىتۋ گاز تاسىمالدايتىن كومپانيا وكىلدەرى وتىرىسقا كەلىپ, تۇسىندىرگەندە, تىڭداعاندا, ەسكەرتپەمەن ساناسقاندا عانا مۇمكىن بولاتىنىن مالىمدەدى. وعان دەيىن كوگىلدىر وتىننىڭ اقىسى جاڭا باعامەن قانشا بولاتىنى قوستانايلىقتارعا دا بەلگىسىز كۇيدە قالادى. ءنازيرا جارىمبەتوۆا. دەرەك, فوتو: alau.kz.