اقتاس اۋىلىندا ءبىر ادامدى اتىپ ولتىرگەن كۇدىكتى ۇستالدى

قاراعاندى. 18 مامىر. كەشە قاراعاندى وبلىسىنداعى اقتاس ەلدى مەكەنىندە تۇرعىندار اراسىندا بولعان كيكىلجىڭ كەزىندە مىلتىق اتىلىپ, سالدارىنان ءبىر ادام قازا تاپتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قازىرگى ۋاقىتتا تۇرعىندار اراسىندا تۋىنداعان جانجالدىڭ ناقتى سەبەپتەرى انىقتالۋدا. كيكىلجىڭ كەزىندە بۇزاقىلاردىڭ ءبىرى قارۋ الىپ, 34 جاستاعى ەر ادامدى اتقان. اۋىر جاراقات العان ول اۋرۋحاناعا جەتپەي قايتىس بولىپ كەتتى. قىلمىستىق پوليتسيا قىزمەتكەرلەرى كۇدىكتىنى سول كۇنى قاماۋعا الىپ, وق اتىلعان مىلتىقتى تاركىلەدى. ول ءوزىنىڭ كىناسىن تولىعىمەن مويىندادى. وقيعاعا قاتىستىلاردىڭ بارلىعى انىقتالىپ, ولاردى ۇستاۋ بويىنشا ءتيىستى شارالار ىسكە اسىرىلىپ جاتىر. قايرات ءابىلدينوۆ. دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى. فوتو: nahnews.org.