الماتىدا «ەر جانىبەك» ءتۋرنيرى وتەدى

الماتى. 18 مامىر. الماتى قالاسىندا 21-22 مامىر كۇندەرى ءال-فارابي اتىنداعى قازاق ۇلتتىق ۋنيۆەرسيتەتىنىڭ سپورت كەشەنىندە تاۋەلسىزدىكتىڭ 25 جىلدىعى جانە زۋقا باتىر ءCابيت ۇلىنىڭ 150 جىلدىعىنا  aرنالعان «Eر جانىبەك كۋبوگى» اتتى شاعىن فۋتبولدان حالىقارالىق تۋرنير وتەدى. بۇل تۋرالى «Eر جانىبەك» حالىقارالىق قوعامدىق قورىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. شاعىن فۋتبولدان وتەتىن حالىقارالىق ءتۋرنيردىڭ ماقساتى –  ەل تاۋەلسىزدىگىنىڭ 25 جىلدىق مەرەيتويىن حالىقارالىق دەڭگەيدە اتاپ ءوتۋ, قازاق جاستارىن رۋحتى بولۋعا, وتان سۇيگىشتىككە, سپورتقا باۋلۋ. فۋتبول جارىسىنا فرانتسيا, تۇركيا, رەسەي, قىتاي, موڭعوليا, وزبەكستان, قىرعىزستان ەلدەرىندە تۇراتىن قازاق جاستارىنان قۇرالعان كوماندالار, سونداي-اق, الماتى, استانا قالالارىنان, ەلىمىزدىڭ 5 وبلىسىنان جاساقتالعان فۋتبول كوماندالارى سىنعا تۇسەدى. مالىمەتتەر بويىنشا, جالپى سانى 24 كوماندا قاتىسادى. تۋرنيرگە الماتى قالاسىنىڭ اكىمدىگى, دۇنيەجۇزى قازاقتارى قاۋىمداستىعى, «نۇر وتان» پارتياسى, «جەزبۇيدا» جاستار قوعامدىق بىرلەستىگى, ءال-فارابي اتىنداعى قازاق ۇلتتىق ۋنيۆەرسيتەتى قولداۋ كورسەتەدى. زۋقا ءCابيت ۇلى 1866-1929 جىلدارى ءومىر سۇرگەن. وتكەن عاسىردىڭ باسىندا شىنجانداعى قىتاي بيلىگى تاعايىنداعان ايماقتىق اكىمشىلىكتىڭ باسشىلارىنا, حالىققا زيانىن تيگىزگەن ۇلىقتاردىڭ تەرىس ارەكەتتەرىنە قارسى شىققان. سونىمەن قاتار, اسپاناستى ەلىندەگى قازاقتاردىڭ ۇلت-ازاتتىق كوتەرىلىسىن باستاعان العاشقى باتىرلاردىڭ ءبىرى. 1929 جىلى كۇتپەگەن جەردەن قازا تاپقان. ايناش ەسالي. دەرەك: «Eر جانىبەك» حالىقارالىق قوعامدىق قورى. فوتو: on-line.lg.ua.