جامبىل وبلىسى ساۋلەت جانە قۇرىلىس باسقارماسىنا جاڭا باسشى كەلدى

تاراز. 18 مامىر. جامبىل وبلىسى اكىمىنىڭ وكىمىمەن وبلىس اكىمدىگىنىڭ ساۋلەت جانە قالا قۇرىلىسى باسقارماسىنىڭ باسشىسى بولىپ اسقار رىسپاەۆ تاعايىندالدى. بۇل تۋرالى egemen.kz ءتىلشىسى حابارلادى. اسقار رىسپاەۆ 1958 جىلى تۋعان. ءبىلىمى جوعارى. 1980 جىلى الماتى ساۋلەت-قۇرىلىس ينستيتۋتىن «ساۋلەتشى» ماماندىعى بويىنشا بىتىرگەن. ەڭبەك جولىن 1980 جىلى الماتى ساۋلەت-قۇرىلىس ينستيتۋتىندا وقىتۋشى بولىپ باستاعان. 1982-1989 جىلدارى «يۋجگورسەلپروەكت» مەملەكەتتىك جوبالاۋ ينستيتۋتى, «مانگىشلاكنەفتەگازستروي» №2 ترەستىندە ساۋلەتشى, شەبەر, باس ينجەنەر لاۋازىمدارىن اتقارعان. 1989-1996 جىلى جاڭاوزەن قالاسىنىڭ, جامبىل قالالىق ساۋلەت باسقارماسىنىڭ باس ساۋلەتشىسى قىزمەتتەرىندە بولعان. 1996-2000 جىلدارى «جامبىلگراجدانپروەكت» اق-نىڭ پرەزيدەنتى, 2000-2005 جىلدارى «گوسارحسترويكونترول» رەسپۋبليكالىق مەملەكەتتىك مەكەمەسىنىڭ باس مامانى, اقمولا وبلىستىق ساۋلەت, قۇرىلىس, تۇرعىن ءۇي-كوممۋنالدىق جانە كولىك شارۋاشىلىعى باسقارماسىنىڭ باستىعى-باس ساۋلەتشىسى, اقمولا وبلىسى اكىمىنىڭ كەڭەسشىسى, 2005-2010 جىلدارى «ارت-ساۋلەت» جوبالاۋ-قۇرىلىس فيرماسىنىڭ ديرەكتورى, جاڭاوزەن قالاسى اكىمىنىڭ كەڭەسشىسى لاۋازىمدارىندا بولعان. 2010-2011 جىلدارى «قازاق قۇرىلىس جانە ساۋلەت عىلىمي زەرتتەۋ جانە جوبالاۋ ينستيتۋتى» اق-نىڭ باس ساۋلەتشىسى قىزمەتىن اتقارعان. 2011-2015 جىلدارى «قازاق قۇرىلىس جانە ساۋلەت عىلىمي زەرتتەۋ جانە جوبالاۋ ينستيتۋتى» اق-نىڭ وڭتۇستىك قازاقستان فيليالىنىڭ ديرەكتورى قىزمەتىن اتقارعان. ورالحان ءداۋىت. دەرەك, فوتو: egemen.kz