جامبىل وبلىسى اكىمدىگىندە تاعايىنداۋ بولدى

تاراز. 18 مامىر. جامبىل وبلىسى اكىمىنىڭ وكىمىمەن وبلىس اكىمدىگىنىڭ كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ باسشىسى بولىپ ەسىمبەكوۆ بولات داۋلەتباي ۇلى تاعايىندالدى. بۇل تۋرالى egemen.kz ءتىلشىسى حابارلادى. بولات ەسىمبەكوۆ 1978 جىلى تۋعان. ءبىلىمى جوعارى. 2000 جىلى م.تىنىشپاەۆ اتىنداعى قازاق كولىك جانە كوممۋنيكاتسيالار اكادەمياسىن «ينجەنەر-ەكونوميست» جانە 2002 جىلى ءال-فارابي اتىنداعى قازاق ۇلتتىق ۋنيۆەرسيتەتىن «قۇقىقتانۋ» ماماندىقتارى بويىنشا بىتىرگەن. ەڭبەك جولىن 2001 جىلى «قازاقستان تەمىر جولى» رەسپۋبليكالىق مەملەكەتتىك كاسىپورنىنىڭ الماتى لوكوموتيۆ پايدالانۋ دەپوسىنىڭ بۋحگالتەرى بولىپ باستاعان. 2003 – 2012 جىلدارى «كازترانسسەرۆيس» اق-نىڭ «وڭتۇستىك» فيليالىندا ەسەپشى, «ستك – سەرۆيس ليميتەد» جشس-دە باس ەسەپشى, ديرەكتور, «قامقور ۆاگون» جشس-ءنىڭ فيليالىندا باس ەسەپشى قىزمەتتەرىن اتقارعان. 2012 – 2015 جىلدارى «الماتى ۆاگون جوندەۋ زاۋىتى» اق-نىڭ باس ەسەپشىسى, ۆيتسە-پرەزيدەنتى, «تەك ەليت» جشس - ءنىڭ قارجى ديرەكتورى بولعان. 2015 جىلدىڭ شىلدە ايىنان باستاپ «Caspian Contractors Trust» جشس-ءنىڭ باس ديرەكتورىنىڭ ەكونوميكا جانە قارجى ماسەلەسى بويىنشا ورىنباسارى قىزمەتىن اتقارعان. ورالحان ءداۋىت. دەرەك, فوتو: egemen.kz