ۇلتتىق ەكونوميكا ۆيتسە-ءمينيسترى بولىپ تاعايىندالدى

استانا. 18 مامىر. ۇلتتىق ەكونوميكا ۆيتسە-ءمينيسترى بولىپ رومان سكليار تاعايىندالدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. ۇلتتىق ەكونوميكا ءمينيسترى قۋاندىق بيشىمباەۆ ۇجىمعا رومان سكلياردى تانىستىردى. رومان سكليار پاۆلودار مونتاج تەحنيكۋمىن, پاۆلودار مەملەكەتتىك ۋنيۆەرسيتەتىن, ماسكەۋ قازىرگى زامان بيزنەس ينستيتۋتىن, قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن. ول ءار جىلدارى پاۆلودار قالاسى مەملەكەتتىك ساتىپ الۋ باسقارماسىنىڭ باستىعى, اپپارات باسشىسى, پاۆلودار قالاسى اكىمىنىڭ ورىنباسارى, استانا قالاسىنداعى ەنەرگەتيكا جانە كوممۋنالدىق شارۋاشىلىق دەپارتامەنتىنىڭ ديرەكتورى, پاۆلودار وبلىسى اكىمنىڭ ورىنباسارى, ءبىرىنشى ورىنباسارى, قازاقستان رەسپۋبليكاسى كولىك جانە كوممۋنيكاتسيالار ۆيتسە-ءمينيسترى, «قازاقستان تەمىر جولى» ۇق» اكتسيونەرلىك قوعامىنىڭ ۆيتسە-پرەزيدەنتى قىزمەتتەرىن اتقارعان. 2016 جىلعى ناۋرىز ايىنان باستاپ بۇگىنگى كۇنگە دەيىن پارلامەنتى ءماجىلىسىنىڭ دەپۋتاتى, ەكونوميكالىق رەفورما جانە وڭىرلىك دامۋ كوميتەتىنىڭ توراعاسى بولدى. تالعات رايىمبەك. دەرەك, فوتو: inform.kz.