«قۇلاگەر» پوەماسى

نەمىس تىلىندە جارىق كوردى قازاق حالقىنىڭ ءما­دەنيەتى مەن ونە­رىن, تاريحي سالت-ساناسىن جانە ادامدار اراسىنداعى الۋان ءتۇرلى تارتىس پەن اقان سەرىنىڭ جان سەرىگىنە بالاعان ارعىماعىنىڭ تراگەديا­لى تاعدىرىن تاماشا تىلمەن بايانداعان پوەمانىڭ نە­مىسشە قالاي سويلەگەنى, ارينە, قىزىق. جىلقى مالىمەن بىرگە جاساپ, بىتە قايناسقان قازاقتىڭ ءتىلى مەن ۇعىمىنداعى جىل­قىنىڭ تۇسىنە, سىنىنا قاتىستى اتاۋلار مەن ۇعىم­دار نەمىسشەلەگەندە قان­شالىقتى تۇپنۇسقاعا جاقىن بولا الدى ەكەن دەيتىن ساۋال كوپشىلىكتىڭ كوكەيىندە تۇرارى ءسوزسىز. وسىدان بىرەر اي بۇ­رىن, ناۋرىزدا كىتاپ­تىڭ نەمىس تىلىندەگى نۇسقاسى گەر­مانيانىڭ لەيپتسيگ قالاسىندا ال­عاش وقىرمان قاۋىمعا تانىستىرىلىپ, تۇساۋى كەسىلدى. «قۇلاگەر» جىلدا وتەتىن حالىقارالىق Leipziger Buchmesse كى­تاپ جارمەڭكەسىندە جۇرت­شىلىققا ۇسىنىلدى. اتالمىش كىتاپتىڭ ەلى­مىزدەگى تۇساۋ­كەسەرى وسى جىل­دىڭ 25-27 مامىرى كۇندەرى استانا مەن الما­تى قالالارىندا وتەدى. ار­نايى ۇيىمداستىرىلعان ءىس-شاراعا اۋدارما جۇمىس­تارىنا قاتىسقان ءبىر­قا­تار اۋدارماشىلار مەن ءىلياس جانسۇگىروۆتىڭ قىزى – يلفا ىلياسقىزى شاقىرىلدى. ايان ءابدۋالي, «ەگەمەن قازاقستان»