شىنىن ايتۋ كەرەك, شەتەلدە ءبىلىم الۋ, اعىلشىن ءتىلىن تەرەڭ مەڭگەرۋ ءاربىر جاستىڭ ارمانى. ەلىمىزدىڭ تاۋەلسىزدىگىنىڭ ارقاسىندا بۇگىندە ءبىلىم الامىن دەگەن جاستارعا مۇمكىندىك مول. ەلباسىنىڭ جاستاردى قولداۋ باعدارلاماسىنىڭ ارقاسىندا 4 اي وڭتۇستىك كورەيادا تاعىلىمدامادان ءوتتىم. بۇل, ارينە, جاس عالىمدار ءۇشىن مەملەكەت تاراپىنان كورسەتىلگەن ۇلكەن قولداۋ.
سەۋل قالاسىنىڭ دونگۋك ۋنيۆەرسيتەتىندە وتكەن 4 اي ۋاقىتىمىزدى ءتيىمدى پايدالانىپ, اعىلشىن ءتىلىن تەرەڭ يگەرۋ ماقساتىندا 4 ءتۇرلى پانگە قاتىسىپ, كىتاپحانالارعا بارىپ, دوكتورلىق ديسسەرتاتسيامىزعا قاتىستى اقپارات جينادىم. دونگۋك ۋنيۆەرسيتەتىنىڭ كىتاپحاناسى 7 قاباتتى, ستۋدەنتتەردىڭ جۇمىس ىستەۋىنە بارلىق جاعداي جاسالعان. سونداي-اق, بۇل كىتاپحانا الەمدىك ەلەكتروندى قورلارعا تىركەلگەن. قاي كەزدە بارساڭ دا كىتاپقا ءۇڭىلىپ وتىرعان ستۋدەنتتەردىڭ قاراسى مول. كىتاپحانادا ءاربىر ستۋدەنت كەمىندە كۇندەلىكتى 4 ساعات جۇمىس ىستەيتىنىن بايقادىق. تەگىن ينتەرنەت, تاماقتانۋ ورىندارى قاراستىرىلعان. ءتىپتى, تازا اۋادا دەمالاتىن ورىندار, تەگىن ترەناجەر زالدارى بارى تاڭ قالدىردى.
مەنىڭ ويىمشا, جاستاردىڭ بىلىكتىلىگىن ارتتىرۋ, ءبىلىم دەڭگەيىن كوتەرۋ ماقساتىندا قازاق جاستارىن جىبەرۋگە بولاتىن ەڭ ءتيىمدى مەملەكەت – وڭتۇستىك كورەيا. بۇل مەملەكەتتىڭ حالقى وتە سابىرلى, سالماقتى. جاستارىنىڭ ءبىلىمى تەرەڭ, اعىلشىن ءتىلىن وتە جوعارى دەڭگەيدە مەڭگەرگەن. بىراق بۇل جاستاردىڭ ءبىر-بىرىمەن ۇلتتىق تىلدە سويلەسۋلەرىنە ەشبىر كەدەرگى كەلتىرمەيدى. اعىلشىن تىلىندە سويلەسىپ تۇرعان جاستاردى كەزدەستىرۋ وتە سيرەك جاعداي. ءبىلىم بەرۋ جۇيەسى وتە جوعارى تالاپقا يە. جاستارى ءتارتىپتى. قوعامدىق ورىنداردا ادەپتى, كەز كەلگەن جەردە كەزەككە تۇرىپ ابدەن ۇيرەنگەن, ءتىپتى, ليفتكە ءمىنۋ, باعدارشامنىڭ جاسىل تۇسىنە جاياۋ جولدىڭ كەلەسى بەتىنە ءوتۋ ءۇشىن دە كەزەك كۇتەمىز.
تاعى ءبىر تاڭعالدىرعان جايت, سەۋل قالاسىندا كوفە ءىشۋ كافەلەرى وتە كوپ. العاشقىدا كورەي حالقى امەريكالىقتارعا ەلىكتەپ كوپ ۋاقىتىن اڭگىمەلەسىپ كوفە ىشۋمەن وتكىزەدى دەگەن ويدا بولدىم. بىراق قاتەلەسىپپىن. كوفە ءىشۋ ورىندارىندا جوعارى مەكتەپ وقۋشىلارى مەن ستۋدەنتتەر ساباق قاراۋعا كەلسە, قىزمەتكەرلەر ورتاق جوبالارىن تالقىلاۋعا جينالادى ەكەن. جاستار جالعىز كەلسە دە, دوستارىمەن جۇپتاسىپ كەلسە دە, ءبىر-بىرىمەن سويلەسپەستەن 7-8 ساعات ۇزدىكسىز جۇمىس ىستەۋدە بولادى. بىلايشا ايتقاندا, قاجىرلى ەڭبەك ەتۋگە ابدەن داعدىلانعان.
سەۋلدە ۋاقىت وتە جىلدام وتەتىن سياقتى. تاڭەرتەڭگى جاتتىعۋ بارىسىندا كورەي حالقىنىڭ ەڭبەكقورلىعىنا تاڭداي قاعاسىڭ. كۇن سايىن قاريالار مەن اجەلەردىڭ بىرنەشە شاقىرىمعا جۇگىرىپ, ارتىنشا دامىل تاپپاي جاتتىققاندارى كەرەمەت. ۇستەرىندە ارنايى جەڭىل سپورتتىق كيىم, اياقتارىندا كروسسوۆكا, ءتىپتى, اق شاشتى قاريالاردى اتا-اجە دەۋ قيىن. سەمىزدىككە شالدىققان ادامداردى كەزدەستىرمەدىم. بۇل مەملەكەتتە حالىقتىڭ ءومىر ءسۇرۋىنىڭ ۇزاق بولۋى وسىدان دەپ ويلايمىن. ارينە, بۇل ءبىزدىڭ جاستار جانە جاس ۇرپاقتى تاربيەلەيتىن اتا-انالار ءۇشىن ۇلگى تۇتارلىق نارسە. ەگەر مەملەكەتىمىزدە اتا-انالار وزدەرىن وسى ارەكەتكە داعدىلاندىرسا, بالالارى دا جامان ادەتتەردەن اۋلاق بولىپ, سالاماتتى ءومىر سۇرۋگە بەت بۇراتىنى ءسوزسىز.
تۇرعىلىقتى حالىقتىڭ كۇندەلىكتى جاتتىعۋلارىنا ارنايى ورىندار بار. سپورت زالدارى تەگىن. ءجۇگىرۋ جولدارىنىڭ جيەگىندە گۇلدەر ەگىلگەن, ارىقتار اعىپ جاتادى. اينالدىرا اعاشتار وتىرعىزىلعان.
بىردە قۇربىلارىم دينارا جانە زارينامەن بىرگە قوعامدىق كينوتەاترعا بارىپ, امەريكالىق ءفيلمدى اعىلشىن تىلىندە كوردىك. كورەرەمەندەر وتە سابىرلى, ەش شۋ جوق, ەرىكسىز ادامنىڭ كۇلكىسى كەلەتىن سيۋجەتتەردىڭ وزىندە قاتتى كۇلگەن دىبىستار ەستىلمەيدى. ءبىر تاڭعالدىرعانى, فيلم تەك ەرەسەك كورەرمەندەرگە ارنالعاندىعىنا قاراماستان, ءفيلمنىڭ ورتاسىندا كەيبىر 18 جاسقا دەيىن كورۋگە تىيىم سالىناتىن سيۋجەتتەردىڭ بارلىعى قيىلىپ الىنىپ تاستالعان.
وسى ساپاردان ورالعاننان كەيىن قازاقستان دا وسىنداي دامىعان ەلدىڭ قاتارىندا بولسا ەكەن دەگەن ارمان كوكەيىمنەن كەتپەدى. تاۋەلسىز ەلىمىزدى كوركەيتۋ جاستاردىڭ قولىندا. ەلىمىزدىڭ كوركەيۋى ءار ادامنىڭ دۇنيەتانىمى, ساناسى, ءبىلىم دەڭگەيى, مادەنيەتىنە بايلانىستى دەپ ويلايمىن. لايىم, ءبىز دە سونداي دەڭگەيگە جەتە بەرەيىك.
اينۇر جەكسەمبينوۆا,
ءال-فارابي اتىنداعى قازاق ۇلتتىق ۋنيۆەرسيتەتىنىڭ PhD دوكتورانتى
شىنىن ايتۋ كەرەك, شەتەلدە ءبىلىم الۋ, اعىلشىن ءتىلىن تەرەڭ مەڭگەرۋ ءاربىر جاستىڭ ارمانى. ەلىمىزدىڭ تاۋەلسىزدىگىنىڭ ارقاسىندا بۇگىندە ءبىلىم الامىن دەگەن جاستارعا مۇمكىندىك مول. ەلباسىنىڭ جاستاردى قولداۋ باعدارلاماسىنىڭ ارقاسىندا 4 اي وڭتۇستىك كورەيادا تاعىلىمدامادان ءوتتىم. بۇل, ارينە, جاس عالىمدار ءۇشىن مەملەكەت تاراپىنان كورسەتىلگەن ۇلكەن قولداۋ.
سەۋل قالاسىنىڭ دونگۋك ۋنيۆەرسيتەتىندە وتكەن 4 اي ۋاقىتىمىزدى ءتيىمدى پايدالانىپ, اعىلشىن ءتىلىن تەرەڭ يگەرۋ ماقساتىندا 4 ءتۇرلى پانگە قاتىسىپ, كىتاپحانالارعا بارىپ, دوكتورلىق ديسسەرتاتسيامىزعا قاتىستى اقپارات جينادىم. دونگۋك ۋنيۆەرسيتەتىنىڭ كىتاپحاناسى 7 قاباتتى, ستۋدەنتتەردىڭ جۇمىس ىستەۋىنە بارلىق جاعداي جاسالعان. سونداي-اق, بۇل كىتاپحانا الەمدىك ەلەكتروندى قورلارعا تىركەلگەن. قاي كەزدە بارساڭ دا كىتاپقا ءۇڭىلىپ وتىرعان ستۋدەنتتەردىڭ قاراسى مول. كىتاپحانادا ءاربىر ستۋدەنت كەمىندە كۇندەلىكتى 4 ساعات جۇمىس ىستەيتىنىن بايقادىق. تەگىن ينتەرنەت, تاماقتانۋ ورىندارى قاراستىرىلعان. ءتىپتى, تازا اۋادا دەمالاتىن ورىندار, تەگىن ترەناجەر زالدارى بارى تاڭ قالدىردى.
مەنىڭ ويىمشا, جاستاردىڭ بىلىكتىلىگىن ارتتىرۋ, ءبىلىم دەڭگەيىن كوتەرۋ ماقساتىندا قازاق جاستارىن جىبەرۋگە بولاتىن ەڭ ءتيىمدى مەملەكەت – وڭتۇستىك كورەيا. بۇل مەملەكەتتىڭ حالقى وتە سابىرلى, سالماقتى. جاستارىنىڭ ءبىلىمى تەرەڭ, اعىلشىن ءتىلىن وتە جوعارى دەڭگەيدە مەڭگەرگەن. بىراق بۇل جاستاردىڭ ءبىر-بىرىمەن ۇلتتىق تىلدە سويلەسۋلەرىنە ەشبىر كەدەرگى كەلتىرمەيدى. اعىلشىن تىلىندە سويلەسىپ تۇرعان جاستاردى كەزدەستىرۋ وتە سيرەك جاعداي. ءبىلىم بەرۋ جۇيەسى وتە جوعارى تالاپقا يە. جاستارى ءتارتىپتى. قوعامدىق ورىنداردا ادەپتى, كەز كەلگەن جەردە كەزەككە تۇرىپ ابدەن ۇيرەنگەن, ءتىپتى, ليفتكە ءمىنۋ, باعدارشامنىڭ جاسىل تۇسىنە جاياۋ جولدىڭ كەلەسى بەتىنە ءوتۋ ءۇشىن دە كەزەك كۇتەمىز.
تاعى ءبىر تاڭعالدىرعان جايت, سەۋل قالاسىندا كوفە ءىشۋ كافەلەرى وتە كوپ. العاشقىدا كورەي حالقى امەريكالىقتارعا ەلىكتەپ كوپ ۋاقىتىن اڭگىمەلەسىپ كوفە ىشۋمەن وتكىزەدى دەگەن ويدا بولدىم. بىراق قاتەلەسىپپىن. كوفە ءىشۋ ورىندارىندا جوعارى مەكتەپ وقۋشىلارى مەن ستۋدەنتتەر ساباق قاراۋعا كەلسە, قىزمەتكەرلەر ورتاق جوبالارىن تالقىلاۋعا جينالادى ەكەن. جاستار جالعىز كەلسە دە, دوستارىمەن جۇپتاسىپ كەلسە دە, ءبىر-بىرىمەن سويلەسپەستەن 7-8 ساعات ۇزدىكسىز جۇمىس ىستەۋدە بولادى. بىلايشا ايتقاندا, قاجىرلى ەڭبەك ەتۋگە ابدەن داعدىلانعان.
سەۋلدە ۋاقىت وتە جىلدام وتەتىن سياقتى. تاڭەرتەڭگى جاتتىعۋ بارىسىندا كورەي حالقىنىڭ ەڭبەكقورلىعىنا تاڭداي قاعاسىڭ. كۇن سايىن قاريالار مەن اجەلەردىڭ بىرنەشە شاقىرىمعا جۇگىرىپ, ارتىنشا دامىل تاپپاي جاتتىققاندارى كەرەمەت. ۇستەرىندە ارنايى جەڭىل سپورتتىق كيىم, اياقتارىندا كروسسوۆكا, ءتىپتى, اق شاشتى قاريالاردى اتا-اجە دەۋ قيىن. سەمىزدىككە شالدىققان ادامداردى كەزدەستىرمەدىم. بۇل مەملەكەتتە حالىقتىڭ ءومىر ءسۇرۋىنىڭ ۇزاق بولۋى وسىدان دەپ ويلايمىن. ارينە, بۇل ءبىزدىڭ جاستار جانە جاس ۇرپاقتى تاربيەلەيتىن اتا-انالار ءۇشىن ۇلگى تۇتارلىق نارسە. ەگەر مەملەكەتىمىزدە اتا-انالار وزدەرىن وسى ارەكەتكە داعدىلاندىرسا, بالالارى دا جامان ادەتتەردەن اۋلاق بولىپ, سالاماتتى ءومىر سۇرۋگە بەت بۇراتىنى ءسوزسىز.
تۇرعىلىقتى حالىقتىڭ كۇندەلىكتى جاتتىعۋلارىنا ارنايى ورىندار بار. سپورت زالدارى تەگىن. ءجۇگىرۋ جولدارىنىڭ جيەگىندە گۇلدەر ەگىلگەن, ارىقتار اعىپ جاتادى. اينالدىرا اعاشتار وتىرعىزىلعان.
بىردە قۇربىلارىم دينارا جانە زارينامەن بىرگە قوعامدىق كينوتەاترعا بارىپ, امەريكالىق ءفيلمدى اعىلشىن تىلىندە كوردىك. كورەرەمەندەر وتە سابىرلى, ەش شۋ جوق, ەرىكسىز ادامنىڭ كۇلكىسى كەلەتىن سيۋجەتتەردىڭ وزىندە قاتتى كۇلگەن دىبىستار ەستىلمەيدى. ءبىر تاڭعالدىرعانى, فيلم تەك ەرەسەك كورەرمەندەرگە ارنالعاندىعىنا قاراماستان, ءفيلمنىڭ ورتاسىندا كەيبىر 18 جاسقا دەيىن كورۋگە تىيىم سالىناتىن سيۋجەتتەردىڭ بارلىعى قيىلىپ الىنىپ تاستالعان.
وسى ساپاردان ورالعاننان كەيىن قازاقستان دا وسىنداي دامىعان ەلدىڭ قاتارىندا بولسا ەكەن دەگەن ارمان كوكەيىمنەن كەتپەدى. تاۋەلسىز ەلىمىزدى كوركەيتۋ جاستاردىڭ قولىندا. ەلىمىزدىڭ كوركەيۋى ءار ادامنىڭ دۇنيەتانىمى, ساناسى, ءبىلىم دەڭگەيى, مادەنيەتىنە بايلانىستى دەپ ويلايمىن. لايىم, ءبىز دە سونداي دەڭگەيگە جەتە بەرەيىك.
اينۇر جەكسەمبينوۆا,
ءال-فارابي اتىنداعى قازاق ۇلتتىق ۋنيۆەرسيتەتىنىڭ PhD دوكتورانتى
سوڭعى جاڭالىقتار
پەداگوگتەردى اتتەستاتسيالاۋ جۇيەسى جاڭارتىلادى
ءبىلىم • كەشە
اتىراۋ وبلىسىندا جەر ۋچاسكەلەرى مەملەكەتكە قايتارىلدى
ايماقتار • كەشە
اتوم ەنەرگەتيكاسى سالاسى: ۇزاق مەرزىمدى باعدار ايقىندالدى
ەنەرگەتيكا • كەشە
جاپونيادا 7,7 بالدىق جەر سىلكىنىسى تىركەلدى
تابيعات • كەشە
