ەلەكتروندىق قىزمەت كورسەتكەنى ءۇشىن مەملەكەتتىك ورگاندار بالل جينايتىن بولادى

مەملەكەت باسشىسىنىڭ مەملەكەتتىك ورتالىق جانە جەرگىلىكتى اتقارۋشى ورگانداردىڭ قىزمەتتەرىنىڭ تيىمدىلىگىن جىل سايىن باعالاۋ جۇيەسىن بەكىتۋىمەن ولاردىڭ قىزمەتتەرىندە جاڭا «ءداۋىر» باستالدى. اعىمداعى جىل­دان باستاپ مەملەكەتتىك ورگاندار تيىمدىلىگى التى باعىت بويىنشا باعالاناتىن بولادى, ونىڭ ىشىندە اقپاراتتىق تەحنولوگيالاردى قولدانۋ مەن مەملەكەتتىك قىزمەت كورسەتۋ دە بار. جۇيەنى ىسكە قوسۋ – ۋاقىت تالابى جانە مەملەكەتتىك ورگانداردىڭ قىزمەتىن كوتەرۋگە باعىتتالعان ماڭىزدى شارا بولىپ تابىلادى. مەملەكەت باسشىسىنىڭ بۇل شەشىمىن ىسكە اسىرۋدا بايلانىس جانە اقپارات مينيسترلىگى مەملەكەتتىك قىزمەت ىستەرى اگەنتتىگىمەن بىرلەسە وتىرىپ, مەملەكەتتىك قىزمەت كورسەتۋ بويىنشا مەملەكەتتىك ورگاندار قىزمەتتەرىنىڭ تيىمدىلىگىن باعالاۋ ادىستەمەسىن ازىرلەدى. بۇل ادىستەمەنىڭ ماقساتى – ەڭ الدىمەن تۇ­تى­نۋ­شى­لار­دى قولجەتىمدى جانە ساپالى مەملەكەتتىك قىزمەت­تەرمەن, ونىڭ ىشىندە ەلەكتروندى فورماتتاعى تۇرىمەن قام­تاماسىز ەتۋ. رەسمي تۇلعالاردان باسقا, ۇكىمەتتىك ەمەس ۇيىمداردىڭ وكىلدەرى جانە تاۋەلسىز ساراپشىلار­دان قۇرىلعان ارنايى جۇمىس توبى دەرەكتەردى سالىس­تىرۋ جولىمەن بارلىق اقپارات كوزدەرىنەن (مەملەكەتتىك ورگاننان, ونىڭ ينتەرنەت-رەسۋرسىنان, بايلانىس جانە اقپارات مينيسترلىگىنىڭ تەكسەرىس قورىتىن­دى­سىنان) الىنعان مالىمەتتەردى ساراپتايدى. باعالاۋ قورى­تىندىسى بويىن­شا ءتيىستى قورىتىندى جاسالاتىن بولادى. باعالاۋ ولشەمدەرى ناقتى جانە قاتاڭ, ول بارلىق ما­ڭىزدى اسپەكتىلەردى: ەلەكتروندىق فورماتتا مەملەكەتتىك قىزمەتتەردى ەنگىزۋ جانە دامىتۋ بويىنشا ءىس-شا­رالار جوسپارىنىڭ بولۋىن, ەلەكتروندىق فورماتقا كو­شى­رىلگەن مەملەكەتتىك قىزمەتتەردىڭ ۇلەسىن, مەملەكەتتىك ورگانداردىڭ كورسەتەتىن ەلەكتروندىق قىزمەت­تە­رىندەگى پايدالانۋشىلاردىڭ ۇلەسىن; ەلەكتروندىق قىزمەتتەر جانە ەلەكتروندىق قىزمەتتەردى الۋ پروتسە­دۋراسى مەن ءتارتىبىن تۇسىندىرەتىن اقپاراتتارمەن پايدا­لانۋشىلاردى حابارلاندىرۋ جونىندەگى مەديا-جوس­پار­دىڭ بولۋىن قامتيدى. ءار باعالاۋ ولشەمى بويىنشا كورسەتكىشتەر بەلگىلەنگەن, ءار ولشەم ماڭىزدىلىعى ەسكەرىلە وتىرىپ 1-دەن 4-كە دەيىنگى بالل بويىنشا باعالانادى. «ءىس-شارالار جوسپارى جانە مەديا-جوسپار» كورسەتكىشتەر بويىنشا باعالانسا, «ەلەكتروندىق فورماتقا كوشىرىلگەن مەملەكەتتىك قىزمەتتەردىڭ ۇلەسى», «ەلەكتروندىق قىزمەت­تە­رىندەگى پايدالانۋشىلاردىڭ ۇلەسى» كورسەتكىشتەرىنە باعالاۋدىڭ وتە جوعارى «شكالاسى» قولدانىلادى. بۇل وسى كورسەتكىشتەردىڭ مەملەكەتتىك قىزمەتتەردى اۆتو­مات­تاندىرۋ ۇدەرىسىندە مەملەكەتتىك ورگانداردىڭ بەلسەندىلىگىن كورسەتۋىمەن تۇسىندىرىلەدى. بۇنىڭ حالىققا جانە بيزنەسكە قىزمەت كورسەتۋ, ولارمەن تىكەلەي قارىم-قاتىناستى قالىپتاستىرۋ, سونداي-اق اكىمشىلىك كەدەرگىلەردى قىسقارتۋ كەزىندە ماڭىزى زور. وسىلايشا, ەلەكتروندىق فورماتقا وتكىزىلگەن مەملەكەتتىك قىزمەتتەر سانىن, سونداي-اق, وسى قىزمەتتەردى الۋ ۇدەرىسى مەن ولاردىڭ ءتارتىبىن ءتۇسىندىرۋشى اقپارات­تىڭ بارلىعىن مەملەكەتتىك ورگانداردىڭ سايتتارى جانە پورتالى ارقىلى دا باعالاۋ مۇمكىندىگى پايدا بولادى. ەلەكتروندىق فورماتتا مەملەكەتتىك قىزمەتتەردى كورسەتۋ بويىنشا كەيبىر مەملەكەتتىك ورگاندار پي­لوتتىق تەكسەرۋدەن وتكىزىلگەن بولاتىن. ماسەلەن ساراپ­شىلار انىقتاعانداي, ەڭبەك جانە حالىقتى الەۋمەتتiك قورعاۋ مينيسترلiگi 10 قىزمەت ءتۇرىن كورسەتۋدە, ونىڭ 6-ۋى اۆتوماتتاندىرىلعان جانە ولارعا «ەلەكتروندىق ۇكىمەت» پورتالى ارقىلى قول جەتكىزۋگە بولادى. الايدا, ەڭبەك مينيسترلىگىندە مەملەكەتتىك قىزمەتتەردى دامىتۋ بويىنشا ءىس-شارالار جوسپارى, مەديا-جوسپار, ەلەكتروندىق قىزمەتتەردى كورسەتۋ ۇدە­رىس­تەرى مەن ولاردىڭ ءتارتىبى تۋرالى اقپارات ازىرگە جوق. قازاقستان رەسپۋبليكاسى تابيعي مونوپوليالاردى رەتتەۋ اگەنتتiگi مەملەكەتتىك قىزمەتتەر تىزبەسىنە قىزمەت­تەرى قوسىلماعاندىقتان ەلەكتروندىق فورماتتاعى قىزمەتتەردى كورسەتپەيدى. ال اقمولا وبلىسى اكىمدى­گىندە مەملەكەتتىك قىزمەتتەردى ەلەكتروندىق فورماتقا كورسەتۋ بويىنشا جۇمىستار جۇرگىزىلمەگەن. باعالاۋ قورىتىندىلارى مەملەكەتتىك ورگانداردا, اسىرەسە جەرگىلىكتى اتقارۋشى ورگانداردا ەلەكتروندىق قىزمەتتەردى ەنگىزۋ سىلبىر جۇرگىزىلىپ وتىرعاندىعىن كورسەتەدى. وسىعان وراي, پيلوتتىق جوبا شەڭبەرىندە باعا­لانعان بارلىق مەملەكەتتىك ورگاندارعا وسى باعىت­تاعى قىزمەتتەرىن جانداندىرۋ بويىنشا ۇسىنىس­تار بەرىلدى. الدىمەن, ولارعا حالىققا جانە بيزنەسكە كور­سەتىلەتىن قىزمەتتەردى جانە ىشكى فۋنكتسيالاردى اۆتو­مات­تاندىرۋ ءۇشىن اقپاراتتىق جۇيەلەردى ەنگىزۋ بو­يىنشا ءتيىمدى جۇمىستاردى جۇرگىزۋ كەرەك. باسقا دا ۇسىنىمداردىڭ قاتارىندا تۇتىنۋشى­لاردى مەملەكەتتىك قىزمەتتەردى ەلەكتروندىق تاسىلمەن الۋعا قاتىستىرۋ ماقساتىندا ەلەكتروندىق مەملەكەتتىك قىزمەتتەردى ەنگىزۋ جانە ولاردى ناسيحاتتاۋ بويىنشا جۇمىستاردى جانداندىرۋ جونىندەگى ەگجەي-تەگجەيلى ءىس-شارالار جوسپارىن ازىرلەۋ كەرەكتىگى ۇسىنىلدى. بۇگىنگى كۇندە ەڭبەك جانە حالىقتى الەۋمەتتiك قور­عاۋ مينيسترلiگىندە ەلەكتروندىق قىزمەتتەردى ەنگىزۋ جانە دامىتۋ بويىنشا ءىس-شارالار جوسپارى, مەديا-جوسپار, ەلەكتروندىق قىزمەتتەر كورسەتۋ رەگلامەنتتەرى ءازىر­لەنگەنىن اتاپ ءوتۋ كەرەك. تابيعي مونوپوليالاردى رەتتەۋ اگەنتتiگiمەن دە ءتيىستى شارالار قابىلدانىپ, كورسەتىلەتىن قىزمەتتەردى مەملەكەتتىك تىزبەگە قوسۋ بويىنشا جۇمىستار باستالدى. سونداي-اق, اقمولا وبلى­سى اكىمدىگى ەلەكتروندىق قىزمەتتەردى ەنگىزۋ بو­يىن­شا ءىس-شارالاردى ايماقتى دامىتۋ باعدارلا­ما­سىنا قوستى. اعىمداعى جىلدا قازاقستان رەسپۋبليكاسى پرەزيدەنتى اكىمشىلىگى بەكىتكەن كەستەگە سايكەس, اقپان ايىنان باستاپ 42 ورتالىق جانە جەرگىلىكتى اتقارۋشى ورگان­داردىڭ قاتىسۋىمەن قاناتقاقتى باعالاۋ جالعاسادى. مەملەكەتتىك ورگاندار قىزمەتىنىڭ تيىمدىلىگىن باعالاۋ قازاقستاندا ەلەكتروندىق قىزمەتتەردىڭ ودان ءارى دا­مۋىنا جانە ولاردى پايدالاۋشىلار سانىنىڭ وسۋىنە مۇمكىندىك بەرەدى دەپ سەنەمىز. ساكەن سارسەنوۆ, بايلانىس جانە اقپارات ۆيتسە-ءمينيسترى.