اراققا سىلقيا تويىپ

وزگەلەرگە اڭگىرتاياق ويناتقان شەنەۋنىك جازاسىن الدى ەسىل اۋدانى پروكۋرا­تۋ­راسىنىڭ ۇيعارىمىمەن اۋدان­دىق ءبىلىم بەرۋ ءبولىمىنىڭ باس مامانى ت.بەكتاسوۆ قىز­مەتىنەن الاستاتىلدى. مەملە­كەتتىك قىزمەت ەتيكالىق كودەكسى­نىڭ تالاپتارىن ورەسكەل بۇزعانى ءۇشىن ول ءتيىستى جازاسىن الدى. كىشى شەنەۋنىك كەشكى ۋاقىتتا ۇيىندە جۇتىپ العانى ازداي «تۇركىستان» ويىن-ساۋىق ورتالىعىنا كەلىپ, ءوز­گەلەرگە اڭگىرتاياق ويناتقان. قوعامدىق ورىنعا كەلگەننەن كەيىن جالپىعا ورتاق ءتارتىپتى ساقتاپ, بەتەگەدەن بيىك, جۋساننان الاسا بولىپ وتىرۋدىڭ ورنىنا دەمالۋشىلاردىڭ بەرەكەسىن كەتىرگەن. تەمەكى تارتىپ, ىشىمدىك ءىشۋدى بەي-بەرەكەت جالعاستىرعان. ورىندى ەسكەرتۋلەرگە قۇلاق اسۋدىڭ ورنىنا اساۋ اتتاي ەر-توقىمىن باۋىرىنا الا تۋلاپ, ءدامحانا قىزمەتكەرلەرىن بالاعاتتاپ, قورقىتىپ, ۇركىتكەن. داياشىلارعا دەنە جاراقاتىن كەلتىرگەن. ا.مەدۆەدەۆانىڭ بەتىن جارالاعان. ونىڭ شەكتەن شىققان «ەركەلىگىنە» شىداماعان وي­ىن-ساۋىق ورتالىعىنىڭ اكىم­شىسى پوليتسيا وكىلدەرىن شاقىرتۋعا ءماجبۇر بولعان. ءسويتىپ قانا «اقماعامبەتتىڭ» بۋىنا ماستانىپ, اينالا­سىن­داعىلاردىڭ ابدەن مازاسىن العان سابازدى ساباسىنا ءتۇ­سىرگەن. مەديتسينالىق ساراپ­تاما ونىڭ ماس بولعانىن اي­عاقتاعان. وسى فاكت بويىنشا پروكۋراتۋرا ءىس قوزعاپ, زاڭسىزدىقتاردى جويۋ تۋرالى اۋداندىق اكىم­دىككە ۇسىنىس جولداعان. پرو­كۋرورلىق ىقپال ەتۋ اكتىسىنىڭ قورىتىندىسى بويىنشا ءبىلىم ءبولىمى باسشىسىنىڭ بۇي­رى­عىمەن ت. بەكتاسوۆ قىزمەتىنەن بوساتىلعان.  باقىت رامازان,  جۋرناليست سولتۇستىك قازاقستان وبلىسى, ەسىل اۋدانى