قاراعاندى. 17 مامىر. قاراعاندى وبلىستىق ىشكى ىستەر دەپارتامەنتىنىڭ باسشىلىعى اسا اۋىر قىلمىستى اشقان ءۇش پوليتسيا قىزمەتكەرىن جەكە قۇرامنىڭ الدىندا ماراپاتتادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وسى جىلدىڭ 11 مامىر كۇنى قاراعاندىداعى ورتالىق ساياباقتا بەلگىسىز بىرەۋ 39 جاسار ايەلدى توناپ كەتكەن. وسى وقيعا بويىنشا شۇعىل تاپسىرما العان قۇرامىندا بولىمشە كومانديرى, پوليتسيا ستارشيناسى ارحات سادۋاقاسوۆ, پوليتسيا ستارشيناسى تالعات ءىلياسوۆ جانە پوليتسيا اعا سەرجانتى يگىلىك التىنبەكوۆ بار اۆتوپاترۋل كۇدىكتىنى ءىزىن سۋىتپاي ۇستادى.
قىزمەت بارىسىندا كوزگە تۇسكەن پوليتسيا قىزمەتكەرلەرىن قاراعاندى وبلىستىق ىشكى ىستەر دەپارتامەنتى باسشىسىنىڭ ورىنباسارى, پوليتسيا پولكوۆنيگى ارداق ىنتىقباەۆ ماراپاتتاپ, ولارعا ىشكى ىستەر مينيسترلىگىنىڭ تاڭبا بەلگىسى بار قولساعاتتارىن تابىس ەتتى.
قايرات ءابىلدينوۆ.
دەرەك, فوتو: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
