ەكى ءىرى جول اپاتىنان 27 ادام قازا تاپتى

استانا. 17 مامىر. پەرۋدە ەكى ءىرى جول اپاتىنان 27 ادام قازا تاۋىپ, 40-قا جۋىعى ءتۇرلى دەڭگەيدە جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. Republica باسىلىمىنىڭ اقپارى بويىنشا, ونىڭ ءبىرى مەملەكەتتىڭ سولتۇستىك ايماعىندا بولعان. جەڭىل كولىك پەن ەكى جولاۋشىلار اۆتوبۋسى سوقتىعىستى. سونداي-اق, كولىكتەردىڭ ءبىرى جول جيەگىندەگى مەيرامحانالاردىڭ بىرىنە كىرىپ كەتكەن. سالدارىنان 11 ادام وپات بولىپ, 30-دان استامى زارداپ شەكتى. پوليتسيا قىزمەتكەرلەرىنىڭ مالىمدەۋىنشە, جىلدامدىقتى شامادان تىس ارتتىرعان اۆتوموبيل جۇرگىزۋشىسى جول اپاتىنا كىنالى بولىپ وتىر. وسىنداي وقيعانىڭ تاعى ءبىرى پەرۋدىڭ سولتۇستىگىندەگى كاحاماركا قالاسىندا ورىن الدى. اتالعان باسىلىمنىڭ حابارلاۋىنشا, بىرنەشە ادام مىنگەن جۇك كولىگى قۇزعا قۇلاپ كەتكەن. بولجام بويىنشا, جۇرگىزۋشى رۋلگە يە بولا الماعان. سالدارىنان 16 ادام قازا تاۋىپ, التاۋى جاراقات الدى. پەرۋ جول اپاتى ءجيى بولىپ تۇراتىن ەلدەردىڭ ءبىرى. رەسمي مالىمەتتەر بويىنشا, 2014 جىلى بۇل مەملەكەتتە 2798 ادام جول-كولىك وقيعاسىنان وپات بولعان. ايان ءابدۋالي. دەرەك: تاسس. فوتو: 24.kz.