پەتروپاۆلدا پاتريوتتىق كلۋب مۇشەلەرى مايدانگەرلەر سۇيەگىن تاپتى

پەتروپاۆل. 17 مامىر. «زەردە» ۆاحتاسى شەڭبەرىندە ەكى اپتا بويى رەسەي فەدەراتسياسىندا قازبا جۇمىستارىن جۇرگىزگەن وبلىستىڭ اسكەري-پاتريوتتىق كلۋب مۇشەلەرى ەلگە ورالدى. بۇل تۋرالى egemen.kz ءتىلشىسى حابارلادى. توپ مۇشەلەرى نوۆگورود وبلىسىندا بولىپ, ۇرىس دالاسىندا كوز جۇمعان جاۋىنگەرلەردىڭ مۇردەلەرىن, قارۋ-جاراقتار مەن اسكەري زاتتاردى ىزدەۋمەن اينالىستى. تىنىمسىز ىزدەنىستەردىڭ ناتيجەسىندە 24 جاۋىنگەردىڭ سۇيەگىن تاۋىپ, قايتا جەرلەدى. پەتروپاۆلدىقتار قازبا جۇمىستارىمەن كوپ جىلدان بەرى اينالىسىپ كەلەدى. بيىل رەسەيگە قۇرامىندا ون ادام بار ىزدەۋشىلەر توبى اتتانعان بولاتىن. ايتۋلارىنشا, سولتۇستىكقازاقستاندىقتار ءۇشىن سوڭعى رەت توقسانىنشى جىلدارى زەرتتەلگەن ورىندارعا بارۋ مۇمكىندىگى تۋعان. كورشى ەلدە ىزدەستىرۋ جۇمىستارىمەن اينالىسقان ون ەرىكتىنىڭ ۇشەۋى جاساق قاتارىنا ءبىرىنشى رەت قوسىلعان. رەسەيگە اسكەري-پاتريوتتىق كلۋب مۇشەسى رەتىندە العاش بارعانداردىڭ ءبىرى – ورتا مەكتەپ وقۋشىسى يانا دروبىشەۆا. كلۋب مۇشەلەرى تاپقان جادىگەرلەرىن تۇگەلدەي جەتكىزە الماعاناندىقتان, ءبىرازىن رەسەيدەگى ارىپتەستەرىنە قالدىرىپ كەتكەن. وزدەرىمەن الا كەلگەن اسكەري زاتتار كلۋب مۇراجايىنا قويىلدى. ءومىر ەسقالي. دەرەك, فوتو: egemen.kz.