17 مامىر, 2016

سۋ تاسقىنىنان 17 ادام قازا تاپتى

220 رەت
كورسەتىلدى
1 مين
وقۋ ءۇشىن
17-05-2016 indonesiaاستانا. 17 مامىر. يندونەزيانىڭ سولتۇستىك سۋماترا پروۆينتسياسىندا سۋ تاسقىنىنان 17 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. بۇل ماڭايدا كوپشىلىككە بەلگىلى شيپاجاي بار. بارلىعى 70 ستۋدەنتتەن قۇرالعان توپ ساياحاتتاپ, Air Terjun Dua Warna سارقىراماسىنا شىققان كەزدە, كۇتپەگەن جەردەن سۋ تاسىعان. قۇتقارۋشىلار 17 ادامنىڭ دەنەسىن تاپتى, تاعى ءتورت ادام ءىز-ءتۇزسىز جوعالىپ كەتتى. مالىمەتتەر بويىنشا, قۇتقارۋ جۇمىسىنا 300-دەن استام ادام جۇمىلدىرىلدى. ولاردىڭ اراسىندا پوليتسيا قىزمەتكەرلەرى, ۇكىمەت اسكەرى بار. يندونەزيا ­– سۋ تاسقىنى ءجيى بولىپ تۇراتىن مەملەكەتتەردىڭ ءبىرى. ماۋسىمدىق جاڭبىر سالدارىنان لاي كوشكىندەرى دە جۇرەدى. 17 مىڭداي ارالدان تۇراتىن بۇل ەلدە ميلليونداعان ادام تاۋلى ايماقتا جانە وزەن جاعاسىنا جاقىن جەرلەردە تۇرادى. ايان ءابدۋالي. دەرەك, فوتو: ريا «نوۆوستي».
سوڭعى جاڭالىقتار