پوليتسەيلەر ەكى كۇندە اراق ىشكەن 35 جۇرگىزۋشىنى ۇستادى

قوستاناي. 17 مامىر. قوستانايدا جەرگىلىكتى پوليتسەيلەر ەكى كۇندە سپيرتتىك ىشىمدىك ءىشىپ الىپ, كولىك باسقارعان 35 ادامدى ۇستادى. بۇل «ماس جۇرگىزۋشى—قىلمىسكەر!» جەدەل شارالار شەڭبەرىندە مۇمكىن بولدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قزىمەتىنە سىلتەمە جاساعان egemen.kz ءتىلشىسى حابارلادى. وسى شارا بارىسىندا جول-كولىك قوزعالىسى ەرەجەسىنىڭ 659 بۇزىلۋى انىقتالدى. وپەراتسيا جۇرگىزۋ كەزىندە وبلىس وڭىرىندە ەشقانداي جول-كولىك وقيعاسى ورىن العان جوق. پوليتسيا مايورى يۋري پاناسەنكو: «35 ماساڭ جۇرگىزۋشىنىڭ سىرتىندا بۇرىن سوت ارقىلى جۇرگىزۋشى قۇقىعى كۋالىگى الىنىپ قويعان ادامدار جۇرگىزىپ جۇرگەن 4 جەڭىل ماشينا توقتاتىلدى», – دەدى. جەرگىلىكتى پوليتسيا قىزمەتكەرلەرىنىڭ ايتۋىنشا, اكتسيا كەزىندە جىلدامدىقتى كوتەرگەن 153 جۇرگىزۋشى, قارسى جولاققا شىعىپ كەتكەن 2, جولدان وتۋدە ەرەجەنى بۇزعان 8, قاۋىپسىزدىك بەلبەۋىن تاقپاعان 149, رۋلدە كەلە جاتىپ تەلەفونمەن سويلەسكەن 87, تەرەزەسىن قارا شىنىمەن تۇمششالاعان 4 جۇرگىزۋشى اكىمشىلىك جاۋاپكەرشىلككە تارتىلدى. سونىمەن قاتار, جول ەرەجەسىن بۇزعان 70 جۇرگىنشى دە جاۋاپكەرشىلىكتەن تىس قالمايتىن بولدى. ءنازيرا جارىمبەتوۆا. دەرەك, فوتو: قوستاناي وبلىستىق ىشكى ىستەر دەپارتامەنتىنىڭ ءباسپاسوز قىزمەتى.