استانا مەن الماتى ءۇندى فيلمىنە نەگىز بولىپ جاتىر

ءۇندى رەجيسسەرى دجەيا بي ارقا تورىندە «ماحاببات مەزگىلى» تاقىرىبىندا جاڭا فيلم تۇسىرۋدە. ول قازاقستاننىڭ اسەم تابيعاتىنا قايران قالىپ, ۇلان-بايتاق دالامىزدىڭ كورىكتى جەرلەرىنە قاتتى قىزىققان. – مەن قازاق دالاسىنىڭ تا­ما­­شا تابيعاتىنا تاڭعالدىم. قىزىق­قانىم سونشالىق, وسىن­دا كەلىپ فيلم تۇسىرۋگە بەل باي­لادىم. قازىر العاشقى ءتۇسىرىلىمدى باستاپ تا كەتتىم, – دەيدى ول. قازىرگى تاڭدا رەجيسسەردىڭ تولىق مەتراجدى تۋىندىسى الماتى مەن استانا قالالارىن قام­تىپ, ەكى شاھاردىڭ كورىكتى جەرلەرى كادرعا ەنەتىن بولادى. ايتا كەتەيىك, وتكەن جىلى ەلىمىزگە رەسمي ساپارمەن كەلگەن ءۇندىستان پرەمەر-ءمينيسترى نارەندرا مودي ەلىنە ورالعان سوڭ قازاق دالاسىنىڭ اسەم تابي­عاتى, ءزاۋلىم عيماراتتارى جايىندا ايتقان. سودان بەرى رەجيسسەر قازاقستاندا كينو ءتۇسىرۋدى ماقسات تۇتقان ەكەن. – ادەتتە كينونى ەۋروپادا نەمەسە امەريكادا تۇسىرەدى. مەن قازاقستاندا تۇسىرگىم كەل­دى. وسى فيلم ارقىلى ەل­دەرى­­ڭىز الەمگە تاعى ءبىر تانى­لا­­دى دەپ ويلايمىن. تۋريزم سا­لا­سىنىڭ دامۋىنا دا تۇرتكى بو­لا­دى. مۇندا تۋريستەر كوپ­تەپ كەلەدى. سەبەبى, سىزدەردىڭ سالت-ءداس­تۇرلەرىڭىزبەن ەتەنە تانىس­قىسى كەلەتىن ادامدار كوپ. ال ءفيلمدى ءۇش ايدان كەيىن ەك­رانعا شىعارۋدى جوسپارلاپ وتىر­مىز, – دەيدى دجەيا بي ءوز ءسوزىن­دە. سونىمەن قاتار, ول كينو­نىڭ باستى كەيىپكەرلەرى ءۇندى ارتىستەرى ەكەنىن ايتتى. تالعات رايىمبەك, «ەگەمەن قازاقستان»