قويان ءوسىرىپ, قولى ۇزاردى

اۋىلدا تۇرعان سوڭ الىسقا ۇزاماي, اۋلاڭدا كاسىپ قىلعانعا نە جەتسىن. ال قالا ماڭىنداعى اۋىلداردا ءتورت ت ۇلىك مال ۇستاۋ قيىنداۋ ەكەنى بەلگىلى. جەمشوبى, جايىلىمى تابىلمايدى. وسىنى ەسكەرگەندىكتەن بولار, سوڭعى كەزدەرى اقتوبە وڭىرىندە تۇيەقۇس, كۇركەتاۋىق, بودەنە, بالىق, قويان ءوسىرىپ, تابىس تاۋىپ, تۇرمىسىن تۇزەپ جاتقاندار كوبەيىپ كەلەدى. اسىرەسە, تەز كوبەيەتىن, باعىم-كۇتىمى جەڭىلدەۋ – قويان وسىرۋگە دەن قويۋشىلار جەتەرلىك. سولاردىڭ ءبىرى – مارجانبۇلاق اۋىلىنىڭ تۇرعىنى ەرجان ءمۇحامادي. ول مەملەكەتتىك باعدارلاما كومەگىمەن 2 ملن. 300 مىڭ تەڭگە نەسيە قولعا تيىسىمەن, وتكەن جىلدىڭ كۇزىندە وسى ءىستى باستاپ كەتتى. قىس بويى قويان سانىن كوبەيتىپ, 60-تان اسىردى. ودان قوڭدى شىققاندارىن وتكىزىپتى. قوياندار ارنايى ۇيشىكتە باعىلادى. جەردەن بيىك ورنالاسقان ۇيشىك تازالىققا جاقسى. جاز مەزگىلىنە ارناپ اشىق قورا سالماقشى. شارۋا ەرجان ءمۇحاماديدىڭ ايتۋىنشا, قوياننىڭ ەتى اسقازاندا 95 پايىزعا دەيىن قورىتىلادى ەكەن. ادامنىڭ يممۋنيتەتىن كۇشەيتىپ, اعزادان ۋلى زاتتاردى شىعاراتىن قاسيەتى بار. تاڭسىق ءارى ەكولوگيالىق تازا ەتكە سۇرانىس تا جوعارى كورىنەدى. مەملەكەتتىڭ كومەگىمەن ءوز ءىسىن باستاعان قويان ءوسىرۋ­شى شارۋا­شىلىعىن ودان ءارى كەڭەيتۋ­دى كوزدەۋدە. – ءبىز قويان سانىن كوبەيتىپ, ۇلكەن نارىققا شىقساق دەپ ويلايمىز. قازىر 30 قويانىمىز عانا بار. نەگىزى قويان ءوسىمتال. مەن سياقتى ءىس باستايمىن, ەڭبەك ەتەمىن دەگەن جاستارعا مەملەكەت قولداۋ كورسەتىپ وتىر. وسى مۇمكىندىكتەردى ءتيىمدى پايدالانۋدى ويلاستىرۋدامىز, – دەيدى ول. ساتىبالدى ءساۋىرباي, «ەگەمەن قازاقستان» اقتوبە وبلىسى, العا اۋدانى