قيىرشىق تاستى كوبەيتەتىن زاۋىت

قازىر قيىرشىق تاسقا دەگەن سۇرانىس جوعارى بولىپ تۇر.بۇل دا تۇسىنىكتى. جىل سايىن قۇرىلىس يندۋسترياسى قانا­تىن كەڭگە جايىپ كەلەدى, ال  جۇمىسى قارقىندى باستالعان «باتىس ەۋروپا-باتىس قىتاي» كولىك دالىزىنە دە بۇل ءونىم اسا قاجەت-اق. وسىنى ەسكەرگەن «تەك­شە تاس كومپانياسى» جشس جاڭا قيىرشىق تاس زاۋىتىن ىسكە قوسىپ, ەل تاۋەلسىزدىگىنىڭ 20 جىلدىعىنا تارتىمدى تارتۋ جاسادى. جىلدىق قۋاتى 1 ميلليون توننا قيىرشىق تاس شى­عارۋعا مۇمكىندىك بەرەتىن كا­سىپورىن قۇرىلىسى ءبىر جارىم جىلدا سالىنىپ ءبىتتى. مۇندا ورناتىلعان شۆەتسيانىڭ «San­dvik» فيرماسىنىڭ قوندىر­عى­سى وسى زامانعى وزىق تەح­نو­لوگياعا جاتادى. مۇنداي تەحنولوگيامەن جۇمىس ىستەيتىن زاۋىت دوستاستىق ەلدەرىندە جوق. كومپانيا بۇل قوندىر­عى­نى 1,7 ميلليون دوللارعا سا­تىپ الدى. مامانداردىڭ اي­تۋىن­شا, كاسىپورىن قالىپتى جۇ­مىس ىستەگەن جاعدايدا ءوزىن بەس جىل­دا اقتايدى. زاۋىت تۇتىنۋ­شى­لاردىڭ تاپسىرىسى بويىنشا ءار ءتۇرلى مولشەردەگى قيىرشىق تاستى كوپ مولشەردە شىعارا الادى. تاۋدىڭ تاسى قاجەتتى كو­لەمگە جەتكەنشە كۇردەلى ءون­دىرىستىك پروتسەستەن وتەدى. مۇندا تەڭىزدە جاساندى ارال جاساۋعا قاجەتتى تەكشە تاستى شىعارۋدىڭ مۇمكىندىگى دە مول. گرانيت جاسالاتىن بۇل تەكشە قيىرشىق تاستار سۋعا ءتوزىمدى, بوساپ كەتپەيدى. قيىرشىق تاستىڭ بۇل تۇرىنە كاسپي تەڭىزىنىڭ ءۇس­تىن­دە مۇناي وندىرۋمەن اينا­لى­سا­تىن «ادجيپ» كومپانياسىنان قا­زىردىڭ وزىندە تاپسىرىس ءتۇسىپ ءۇل­گەرگەن. بولاشاقتا  كوشەلەر­دى قايتا جاراقتاندىرۋعا پاي­دالانىلاتىن ءتۇرلى-ءتۇستى گرانيت جول جيەكتەرىن دايىنداۋ قولعا الىنباقشى. زاۋىت جوسپارلى قۋاتىنا شاققاندا ساعاتىنا 270 توننا قيىرشىق تاس وندىرەتىن بولا­دى. كاسىپورىن وزدەرىنە قاجەت­تى مامانداردى الدىن الا دايارلاپ العان. جاڭادان اشىلعان جۇمىس ورىندارىندا نەگىزىنەن جەرگىلىكتى حالىق جۇمىس ىستەيدى. ساتىبالدى ءساۋىرباي, اقتوبە وبلىسى.