كورمەگە قاتىساتىنىن راستادى

جەل گەنەراتورلارىن وندىرەتىن الەمدەگى ەڭ ءىرى «Vestas» كورپوراتسياسى ەكسپو-2017-گە كەلەدى جۋىردا ەكسپو-2017 كورمەسىنىڭ كوميسسارى ءراپىل جوشىباەۆتىڭ دانيا كورولدىگىنە جۇمىس ساپارى ءوتتى. كوپەنگاگەندە كوميسسار حالىق­ا­را­­لىق كورمەلەر بيۋروسىنىڭ (حكب) پرەزيدەنتىمەن, وتكەن حالىق­ارالىق كورمەلەردەگى دانيا پاۆيلونىنىڭ بۇرىنعى ديرەكتورى ستين كريستەنسەنمەن, «Vestas» ترانسۇلتتىق كومپانياسىنىڭ ۆيتسە-پرەزيدەنتى مورتەن ديرحولممەن, دانيا سىرتقى ىستەر مينيسترلىگى مەملەكەتتىك حاتشىسىنىڭ ورىنباسارى يەنس كيسلينگپەن جانە «جا­سىل ەنەرگەتيكا» سالاسىنداعى جەتەكشى دات كومپانيالارىنىڭ توپ-مەنەدجەرلەرىمەن كەلىسسوزدەر جۇرگىزدى. حكب پرەزيدەنتىمەن كەزدەسۋ بارىسىندا ەكسپو-2017 كور­مەسىنىڭ كوميسسارى حالىق­ارا­لىق قاتىسۋشىلاردى تارتۋ, پاۆيلون­داردى تاقىرىپتىق تولتىرۋ, سونداي-اق, قازاقستاننىڭ حكب الدىن­داعى مىندەتتەرىن ورىنداۋ ماسەلەلەرى بويىنشا جۇرگىزىلىپ جاتقان جۇمىس­تار مەن جوسپارلار تۋرالى ايتتى. كريستەنسەندال ءوز كەزەگىندە, كور­مەنى وتكىزۋگە دايىندىقتى جو­عا­رى باعالاپ, ەكسپو-2017 كور­مەسى نەزىندە بۇۇ باستاماسىمەن «جاسىل» تەحنولوگيالار مەن ين­ۆەس­تي­تسيا­لىق جوبالاردى دامىتۋ ور­تا­لى­عىن قۇرۋ وزەكتىلىگىن ەرەكشە اتادى. «Vestas» كومپانياسىنىڭ ۆيتسە-پرەزيدەنتى م.ديرحولممەن كەزدەسۋ بارىسىندا ەكسپو-2017 كورمەسىنىڭ شەڭبەرىندە ىنتى­ماق­تاسۋ, سونىڭ ىشىندە قازاق­ستان­دا بالامالى ەنەرگەتيكانى دامىتۋعا ينۆەستيتسيالاردى تارتۋ ماسەلەلەرى تالقىلاندى. ديرحولم­نىڭ پىكىرىنشە, «Vestas» كوم­­پا­نياسىنىڭ ماماندارى جالپى قۋاتتىلىعى 40 مىڭ مۆت-عا جۋىق 41 جەل گەنەراتورلارىن ءوندى­رىپ, الەمنىڭ 60-تان استام ەلىندە ور­ناتقان جانە قازىرگى تاڭدا ورتالىق ازيا نارىعىنا ەنۋگە مۇددەلى. كەزدەسۋ قورىتىندىسى بويىنشا «Vestas» كومپانياسى استاناداعى حالىقارالىق كورمەگە قاتىسىپ, يننوۆاتسيالىق جەل-ەنەرگەتيكالىق قوندىرعىلارىن كورسەتەتىن بولدى. دانيا ءسىم-ىندەگى كەلىسسوز­دەر بارىسىندا ەكىجاقتى ساياسي جانە ساۋ­دا-ەكونوميكالىق قاتىناس­تار­دىڭ, سونىڭ ىشىندە ەكسپو-2017 كور­مەسى شەڭبەرىندە بالامالى ەنەرگيا, عىلىمي-زەرتتەۋ جانە تەحنولوگيا­لار ترانسفەرتى سالالارىنداعى ىنتىماقتاستىقتى دامىتۋدىڭ وزەكتى اسپەكتىلەرى قوزعالدى. دانيا­نىڭ ەنەرگەتيكالىق ستراتەگياسىنا سايكەس وسى ەل ۇكىمەتى 2020 جىل­عا دەيىن جىلىجاي گازدارىنىڭ شى­عا­رىلۋىن 40%-عا تومەندەتۋدى جانە بالامالى ەنەرگيانىڭ ۇلەسىن 50%-عا دەيىن جەتكىزۋدى جوسپارلاۋدا. سونىمەن قاتار, ساپار شەڭ­بەرىندە دانيا مەن شۆەتسيانىڭ «Innoventum», «Haldor Topsoe» جانە «DBDH» سياقتى ءىرى كومپانيالارى ءۇشىن تانىستىرىلىم ۇيىمداستىرىلدى.