ەۋروپا قازاقتارىنىڭ كىشى قۇرىلتايى

جاقىندا قازاقستاننىڭ گەرمانياداعى ەلشىلىگى مەن ەۋروپا قازاقتارى قوعامداستىعىنىڭ قولداۋىمەن كيولن قالاسىندا گەرمانيا, ۇلىبريتانيا, فرانتسيا, ۆەنگريا, اۆستريا, شۆەيتساريا, شۆەتسيا, دانيا, نورۆەگيا, نيدەرلاند, تۇركيا, اقش ەلدەرىندەگى ەتنوستىق دياسپورانىڭ ەكى مىڭعا جۋىق وكىلىنىڭ باسىن قوسقان ەۋروپا قازاقتارىنىڭ كەزەكتى كىشى قۇرىلتايى ءوتتى. قازاقستاننىڭ گەرمانياداعى ەلشىسى بولات ءنۇسىپوۆ قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ قۇتتىق­تاۋ جولداۋىن وقىدى. ەلباسى ءوزىنىڭ قۇتتىقتاۋىندا قازاق دياس­پوراسىن كەلە جاتقان قازاقستان تاۋەلسىزدىگىنىڭ 25 جىلدىق مەرەيتويىمەن قۇتتىقتاپ, «ماڭگىلىك ەل» ۇلتتىق يدەياسىنىڭ كاعيدالارىنا سايكەس, انا ءتىلىن ساقتاۋ جانە دامىتۋ, مادەنيەت جانە ۇلتتىق سالت-ءداستۇردى, تاريحي وتانىمەن باي­لا­نىستى نىعايتۋ سياقتى ماسەلە­لەر­دىڭ ماڭىزدىلىعىن اتاپ وتكەن. قازاقستاندىق ديپلومات مەملەكەت تاراپىنان قازاق دياسپوراسىن قولداۋ بويىنشا ۇلكەن جۇمىس جۇرگىزىلگەنىن حابارلادى. مىسالى, 2014 جىلى بەرليندە اشىلعان قازاق مادەني-ەكونومي­كا­لىق ورتالىعىندا قازاق ادە­بيەتى­نىڭ كلاسسيكتەرى, قازىرگى زامانعى قازاق جازۋشىلارىنىڭ شى­عار­مالارى, قازاقستاندىق جۋرنالدار مەن گازەتتەر, وقۋلىقتار, ءسوز­دىك­تەر, مەملەكەتتىك ءتىلدى وقىتۋ­عا ار­نال­عان وقۋ-ادىستەمە قۇرال­دا­رى, سو­نىمەن قاتار, ەلىمىز تۋ­را­لى تا­نىمال ەلەكتروندىق ءونىم­دەر ۇسىنىلدى. وسى ماتەريال­دار قازاق دياسپوراسىنىڭ وكىل­دەرى ءۇشىن قولجەتىمدى جانە ۇلكەن سۇ­رانىس تۋعىزىپ وتىر. 2010 جىلى بەرليندەگى گۋمبولد ۋني­ۆەر­سي­تەتىنىڭ جانىنان اشىلعان «قازاق­ستان جانە قازاق ءتىلى» لەكتوراتى قازاق دياسپوراسىنىڭ جاستارىنا انا ءتىلىن ۇيرەنۋگە, قازاقستاننىڭ تاري­حى­مەن تانىسۋعا جانە قازىرگى زامان­عى دامۋىنان اقپارات الۋعا ءمۇم­كىن­دىك بەرەدى. نەمىس تاراپىنان بۋندەستاگ دەپۋتاتى, قانداسىمىز گەنريح تسەرتيك ءسوز سويلەپ, قازاقستاندا تۇرىپ جاتقان 800 مىڭ ەتنوستىق نەمىستەر ءۇشىن تاريحي وتانىمەن بايلانىستاردى قولداۋ جانە دامىتۋدىڭ ماڭىزدىلىعىن اتاپ ءوتتى. سونداي-اق, ول گەرمانيادا تۇرا­تىن ەتنوس­تىق قازاقتاردىڭ وزىندىك ەرەك­شە­لىكتەرىنە نازار اۋداردى. گ.تسەرتيك نەمىس حالقى قازاقتاردىڭ ولاردى ءوز وتباسىنا قابىلداپ, اجالدان اراشالاپ قالعاندارىن ەشقاشان ۇمىتپايتىنىن, قاشاندا قۇرمەت تۇتاتىنىن اتاپ ءوتتى. ەۋروپا قازاقتارى قوعامداس­تىعىنىڭ باسشىسى ابدۋل كايۋم كەسيچي ءوز سوزىندە ەۋروپالىق وتان­داستاردىڭ باسقوسۋلارىن ءوت­كىزۋ سوڭعى ون جىلدا جاقسى داستۇرگە اينالعانىن جەتكىزدى. ونىڭ باستى ماقساتى – ءوز ەلىنىڭ ۇلتتىق مۇراسى مەن مادەنيەتىن جاستاردىڭ بويىنا ءسىڭىرۋ. مۇنداي كەزدەسۋلەردىڭ ءوز تاريحي وتانىنان الىستا جۇرگەن قازاقتار ءۇشىن ماڭىزى وتە زور. ەڭ باستىسى – وسىنداي قۇرىلتايلار وتان­داستار ءۇشىن اسا وزەكتى ماسە­لە­لەردى تالقىلاۋعا, ولاردى شەشۋگە مۇمكىندىك بەرەدى. ا.كەسيچي ەۋروپادا تۇراتىن قازاقتاردىڭ اتى­نان وزدەرىن جەكە قولداۋى جانە قامقورلىعى ءۇشىن ەلباسىنا العىسىن ءبىلدىردى. قۇرىلتاي شەڭبەرىندە جاستار اراسىندا ءتۇرلى بايقاۋلار, سپورتتىق سايىستار ۇيىمداستىرىلىپ, سۋرەتتەر كورمەسى اشىلدى, سونىمەن قاتار, بالالار مەرەكەسى وتكىزىلدى. تانى­مال قازاق انشىلەرىنىڭ ورىن­داۋىن­داعى ءداستۇرلى جانە زاماناۋي مۋزى­كالىق شىعارمالار اتالعان شارا­عا ەرەكشە ۇلتتىق ناقىش بەردى. جالپى, ەۋروپاداعى قازاق قاۋىمداستىعى 7 مىڭ ادامنىڭ باسىن بىرىكتىرەدى.