استانا. 14 مامىر. بۇگىن قازاقستان پرەزيدەنتى نۇرسۇلتان نازارباەۆتىڭ تاپسىرماسىنا سايكەس قۇرىلعان جەر رەفورماسى جونىندەگى كوميسسيانىڭ العاشقى وتىرىسى وتۋدە. بۇل تۋرالى egemen.kz ءتىلشىسى حابارلادى.
كوميسسيا وتىرىسىنىڭ العاشقى ءسوزىن پرەمەر-ءمينيستردىڭ ءبىرىنشى ورىنباسارى, جەر رەفورماسى جونىندەگى كوميسسيانىڭ توراعاسى باقىتجان ساعىنتاەۆ الىپ, جيىننىڭ ماقساتى مەن اتقاراتىن جۇمىسىنا توقتالدى. ونىڭ ايتۋىنشا, ەلىمىزدەگى جەر كودەكسىنىڭ كەيبىر تۇستارى وسى وتىرىستا قايتا قارالىپ, كوميسسيا مۇشەلەرى ءوز ويلارىن اشىق ايتۋعا, ۇسىنىس بەرۋگە قۇقىلى.
«ءبىز كوميسسيا وتىرىسىندا قازاقستاننىڭ ۇلان-بايتاق جەرىن كوزىنىڭ قاراشىعىنداي ساقتاعان حالىقتىڭ كوكەيىندەگى ماسەلەنى ايتىپ, شەشىلۋ جولدارىن قاراستىرامىز. راس, اۋىل شارۋاشىلىعى سالاسىن دامىتۋ, ەكونوميكاسىمىزدى ىلگەرىلەتۋ بۇگىنگى كۇننىڭ وزەكتى ماسەلەسى», – دەدى كوميسسيا توراعاسى.
ايتا كەتەيىك, جيىن بارىسىندا ەلىمىزدىڭ قوعام قايراتكەرلەرى, كاسىپكەرلەر, ۇكىمەتتىك ەمەس ۇيىم مۇشەلەرى, مينيسترلەر مەن پارلامەنت ءماجىلىسىنىڭ دەپۋتاتتارى ءوز ويلارىن ايتىپ, جەر ماسەلەسىنە بايلانىستى ۇسىنىستارىن ءبىلدىردى.
تالعات رايىمبەكوۆ.
دەرەك, فوتو: egemen.kz.