كەشە پارلامەنت ءماجىلىسىنىڭ توراعاسى باقتىقوجا ىزمۇحامبەتوۆتىڭ جەتەكشىلىگىمەن ءماجىلىس بيۋروسى ءوتتى, دەپ حابارلادى وسى پالاتانىڭ ءباسپاسوز قىزمەتى.
وندا الداعى جالپى وتىرىستىڭ كۇن ءتارتىبى قارالىپ, دەپۋتاتتار نازارىنا ساۋد ارابياسى كورولدىگىمەن تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى ۇكىمەتارالىق كونۆەنتسيانى جانە وعان حاتتامانى راتيفيكاتسيالاۋ تۋرالى زاڭ جوباسى ۇسىنىلاتىن بولدى.
سونداي-اق, وسى كۇنى ءماجىلىس دەپۋتاتتارى ىلەسپەلى قۇجاتپەن «جابىرلەنۋشىلەرگە زياندى وتەۋ قورى تۋرالى» زاڭ جوباسىن جۇمىسقا قابىلدايدى دەپ كۇتىلۋدە.
جالپى وتىرىستا دەپۋتاتتار 1998 جىلعى 6 شىلدەدەگى قازاقستان مەن رەسەي اراسىنداعى جەر قويناۋىن پايدالانۋعا ارنالعان ەگەمەندىك قۇقىقتاردى جۇزەگە اسىرۋ ماقساتىندا كاسپي تەڭىزى سولتۇستىك بولىگىنىڭ ءتۇبىن مەجەلەۋ تۋرالى كەلىسىمگە حاتتاماعا وزگەرىس ەنگىزۋ تۋرالى حاتتامانى, سونىمەن قاتار, تمد-عا قاتىسۋشى مەملەكەتتەردىڭ اۋماقتارىندا بىرلەسكەن جەدەل-تەرگەۋ توپتارىن قۇرۋ ءتارتىبى مەن ولاردىڭ قىزمەتى تۋرالى كەلىسىمدى راتيفيكاتسيالاۋعا بايلانىستى بەيىندى كوميتەتتەرگە قورىتىندى ازىرلەۋ مەرزىمىن تاعايىندايتىن بولادى.