«عىلىم ورداسىنىڭ» كورمە زالىندا قازاقستان رەسپۋبليكاسى تاۋەلسىزدىگىنىڭ 25 جىلدىعى مەن الماتى قالاسىنىڭ 1000 جىلدىق مەرەيتويى اياسىندا «تاريح قاناتىندا» اتتى جاس سۋرەتشىلەردىڭ كورمەسى اشىلدى.
سۇڭعىلا ونەردىڭ كورمەگە قويىلعان بارلىق تۋىندىلارىن جاساعان – الماتىلىق جاس سۋرەتشىلەر. ماقسات – «ماڭگىلىك ەل» ۇلتتىق يدەياسىن, عاسىرلار تولقىنىنداعى ءبىزدىڭ ۇلان-بايتاق جەردى مەكەن ەتكەن حالىقتاردىڭ تاتۋلىق-بىرلىگىن قىل قالام تىلىمەن كوركەمدەپ جەتكىزىپ, كوپشىلىكتىڭ نازارىنا ۇسىنۋ.
– كورمەنىڭ بۇگىنگى كەلبەتىن قالىپتاستىرۋعا جاس سۋرەتشىلەرمەن بىرگە ءبىزدىڭ پەداگوگ-ۇستازدارىمىز, كىتاپحاناشىلار, شىعارماشىلىق توپتار كوپ كومەك بەردى, – دەدى ارحەولوگيالىق مۋزەيدىڭ مەڭگەرۋشىسى روزا بەكتورەەۆا.
الماتى قالاسى تاياۋ مەزگىلدە وتەتىن ءوزىنىڭ 1000 جىلدىق مەرەكەسىن تويلاۋعا دايىندالىپ جاتىر. سول كۇنى شاھارىمىز يۋنەسكو-نىڭ قىزىل بوياۋمەن بەلگىلەنگەن كۇندەرىنىڭ كوشىن باستاماق. جاس سۋرەتشىلەر ماڭىزى زور مەرەكە قارساڭىندا الماتىلىقتارعا وسىنداي زور سىي جاسادى.
قىمبات تويلىباي,
جۋرناليست
الماتى