2015 جىلعى 5 مامىر استانا قالاسى
«تۋبەركۋلەزگە قارسى مامانداندىرىلعان ۇيىمداردا ماجبۇرلەپ ەمدەۋدى
ۇيىمداستىرۋ, سونداي-اق وندا ناۋقاستاردىڭ بولۋ رەجيمى تۋرالى»
قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ
2009 جىلعى 17 قاراشاداعى № 729 بۇيرىعىنا وزگەرىستەر ەنگىزۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 109-بابىنىڭ 2, 3-تارماقتارىنا سايكەس بۇيىرامىن:
«تۋبەركۋلەزگە قارسى مامانداندىرىلعان ۇيىمداردا ماجبۇرلەپ ەمدەۋدى ۇيىمداستىرۋ, سونداي-اق وندا ناۋقاستاردىڭ بولۋ رەجيمى تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 17 قاراشاداعى №729 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №5959 بولىپ تىركەلگەن, قازاقستان رەسپۋبليكاسىنىڭ ورتالىق اتقارۋشى جانە باسقا ورتالىق مەملەكەتتىك ورگاندارىنىڭ اكتىلەرىنىڭ جيناعىندا جاريالانعان, №7, 2010 جىلعى) مىناداي وزگەرىستەر ەنگىزىلسىن:
تاقىرىپ مىناداي رەداكتسيادا جازىلسىن:
«تۋبەركۋلەزبەن اۋىراتىن ناۋقاستاردى مامانداندىرىلعان تۋبەركۋلەزگە قارسى ۇيىمداردا ماجبۇرلەپ ەمدەۋ جانە ولاردى شىعارۋ قاعيدالارىن بەكىتۋ تۋرالى»;
كىرىسپە مىناداي رەداكتسيادا جازىلسىن:
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 109-بابىنىڭ 2, 3-تارماقتارىنا سايكەس بۇيىرامىن:»;
«1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان «تۋبەركۋلەزبەن اۋىراتىن ناۋقاستاردى مامانداندىرىلعان تۋبەركۋلەزگە قارسى ۇيىمداردا ماجبۇرلەپ ەمدەۋ جانە ولاردى شىعارۋ قاعيدالارى بەكىتىلسىن.»;
كورسەتىلگەن بۇيرىقپەن بەكىتىلگەن تۋبەركۋلەزدىڭ جۇقپالى تۇرىمەن اۋىراتىن ناۋقاستاردى مامانداندىرىلعان تۋبەركۋلەزگە قارسى ۇيىمداردا ماجبۇرلەپ ەمدەۋدى جانە بولۋ رەجيمىن ۇيىمداستىرۋ قاعيدالارى وسى بۇيرىققا قوسىمشاعا سايكەس جاڭا رەداكتسيادا جازىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا باسىلىمدارىندا جانە «ادىلەت» قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
كەلىسىلدى
قازاقستان رەسپۋبليكاسى ىشكى ىستەر ءمينيسترىنىڭ مىندەتىن اتقارۋشى
م.دەمەۋوۆ __________
2015 جىلعى 25 مامىر
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 5 مامىرداعى №318 بۇيرىعىنا قوسىمشا
قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ
2009 جىلعى 17 قاراشاداعى №729 بۇيرىعىمەن بەكىتىلگەن
تۋبەركۋلەزبەن اۋىراتىن ناۋقاستاردى مامانداندىرىلعان
تۋبەركۋلەزگە قارسى ۇيىمداردا ماجبۇرلەپ ەمدەۋ جانە ولاردى شىعارۋ قاعيدالارى
1. جالپى ەرەجەلەر
1. وسى تۋبەركۋلەزبەن اۋىراتىن ناۋقاستاردى مامانداندىرىلعان تۋبەركۋلەزگە قارسى ۇيىمداردا ماجبۇرلەپ ەمدەۋ جانە ولاردى شىعارۋ قاعيدالارى (بۇدان ءارى – قاعيدالار) دەنساۋلىق ساقتاۋ ۇيىمدارىنىڭ ەمدەۋدەن باس تارتقان نەمەسە جالتارعان تۋبەركۋلەزبەن اۋىراتىن ناۋقاستاردى ايقىنداۋ, ەسەپكە الۋ جانە ماجبۇرلەپ ەمدەۋگە جىبەرۋ, سونداي-اق, مامانداندىرىلعان تۋبەركۋلەزگە قارسى ۇيىمداردا ناۋقاستاردىڭ بولۋ رەجيمىن جانە ولاردى شىعارۋدى ۇيىمداستىرۋ جونىندەگى ءىس-شارالاردى وتكىزۋدى قامتيتىن تۋبەركۋلەزبەن اۋىراتىن ناۋقاستاردى مامانداندىرىلعان تۋبەركۋلەزگە قارسى ۇيىمداردا ماجبۇرلەپ ەمدەۋ جانە ولاردى شىعارۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) ەمدەۋ – اۋرۋ اعىمىن جويۋعا, توقتاتۋعا جانە (نەمەسە) جەڭىلدەتۋگە, سونداي-اق, ونىڭ ۋشىعۋىنىڭ الدىن الۋعا باعىتتالعان مەديتسينالىق قىزمەتتەر كەشەنى;
2) ەمدەۋدەن باس تارتۋ –زەرتحانالىق ادىسپەن راستالعان تۋبەركۋلەز دياگنوزى بار ناۋقاستىڭ ورتالىقتاندىرىلعان دارىگەرلىك-كونسۋلتاتسيالىق كوميسسيا (بۇدان ءارى – ودكك) تاعايىنداعان ەمنەن باس تارتۋى;
3) ەمدەلۋدەن جالتارۋ – ودكك جازىپ بەرگەن جەكە مەديتسينالىق قۇجاتتا بەلگىلەنگەن كۇنتىزبەلىك ايدىڭ ىشىندە تۋبەركۋلەزگە قارسى پرەپاراتتاردىڭ 7 تاۋىلىكتىك دوزاسىن قابىلداۋدى سەبەپسىز جىبەرۋ تۇرىندە ەمدەۋ رەجيمىن بۇزۋ;
4) ماجبۇرلەپ ەمدەۋ – سوت شەشىمىنىڭ نەگىزىندە جۇزەگە اسىرىلاتىن ناۋقاستى ەمدەۋ.
2. تۋبەركۋلەزبەن اۋىراتىن ناۋقاستاردى انىقتاۋ
ەسەپكە الۋ جانە ماجبۇرلەپ ەمدەۋگە جىبەرۋ ءتارتىبى
3. تۋبەركۋلەزگە كۇدىكتى ادامدار مىندەتتى مەديتسينالىق زەرتتەپ-قاراۋعا جاتادى.
4. تۋبەركۋلەزبەن, ونىڭ ىشىندە كوپتەگەن جانە اۋقىمدى دارىلەرگە كونبەيتىن تۋبەركۋلەزبەن (بۇدان ءارى – ك/ادك تا) اۋىراتىن ناۋقاستار باكتەريا شىعارعان كەزدە قاقىرىق جاقپاسىن كونۆەرتسيالاۋعا دەيىن مىندەتتى ەمدەۋگە جاتقىزىلۋى جانە تولىق ەمدەۋ كۋرسى اياقتالعانعا دەيىن ەمدەلە وتىرىپ, تۋبەركۋلەزگە قارسى ۇيىمدارعا (بۇدان ءارى – تقۇ) تىركەۋگە جاتادى.
5. تۋبەركۋلەزبەن اۋىراتىن ناۋقاس ازاماتتاردى ماجبۇرلەپ ەمدەۋ ءۇشىن:
1) زەرتحانالىق ادىسپەن راستالعان «تۋبەركۋلەز» دياگنوزى بار ناۋقاستىڭ ودكك تاعايىنداعان ەمنەن باس تارتۋى جانە مەديتسينالىق كارتاسىندا جازىلعان ونىڭ كوزىن جەتكىزگەن بارلىق ادىستەردىڭ (پسيحولوگتىڭ كونسۋلتاتسياسى, سانيتاريالىق اعارتۋ ادىستەرىن قولدانۋ, تۋىستارىن تارتۋ جانە ت.ب.) وڭ ناتيجەسىنىڭ بولماۋى;
2) ءوز بەتىنشە كەتىپ قالۋ جانە ودكك جازىپ بەرگەن جەكە مەديتسينالىق قۇجاتتا بەلگىلەنگەن كۇنتىزبەلىك ايدىڭ ىشىندە تۋبەركۋلەزگە قارسى پرەپاراتتاردىڭ 7 تاۋىلىكتىك دوزاسىن قابىلداۋدى سەبەپسىز جىبەرۋ تۇرىندە ەمدەۋ رەجيمىن بۇزۋى نەگىز بولىپ تابىلادى.
6. تۋبەركۋلەزبەن اۋىراتىن جانە ەمدەلۋدەن جالتارعان ناۋقاس ازاماتتاردى ماجبۇرلەپ ەمدەۋ تۋرالى شەشىمدى دەنساۋلىق ساقتاۋ ۇيىمدارىنىڭ ۇسىنىمى بويىنشا سوت «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ (بۇدان ءارى – كودەكس) 107-بابىنىڭ 3-تارماعىنا سايكەس قابىلدايدى.
7. ۋچاسكەلىك فتيزياتر ناۋقاستىڭ مەديتسينالىق قۇجاتىن تقۇ ودكك-عا وعان مامانداندىرىلعان تۋبەركۋلەزگە قارسى ۇيىمدا (بۇدان ءارى – متقۇ) ماجبۇرلەپ ەمدەۋدى تاعايىنداۋ تۋرالى ماسەلەنى شەشۋ ءۇشىن ۇسىنادى.
ودكك قورىتىندىسى بويىنشا تقۇ باس دارىگەرى وسى قاعيدالارعا قوسىمشاعا سايكەس ماجبۇرلەپ ەمدەۋ تۋرالى ۇسىنىمعا قول قويادى.
8. تقۇ ەمنەن باس تارتقان نەمەسە جالتارعان ناۋقاسقا وسى قاعيدالارعا 10-قوسىمشادا بەلگىلەنگەن قۇجاتتاردى رەسىمدەيدى جانە ونى ماجبۇرلەپ ەمدەۋ تۋرالى ماسەلەنى شەشۋ ءۇشىن كۇنتىزبەلىك 5 كۇننىڭ ىشىندە سوتقا جىبەرەدى.
9. سوتقا جۇگىنۋ ءۇشىن مىناداي قۇجاتتار ۇسىنىلادى:
1) ماجبۇرلەپ ەمدەۋ تۋرالى سوتقا ۇسىنىم ەكى دانادا;
2) دەنساۋلىق جاعدايى تۋرالى انىقتاما (سىرقاتناماسىنان, امبۋلاتوريالىق كارتاسىنان ءۇزىندى);
3) تقۇ باس دارىگەرى بەكىتكەن سوت وتىرىسىنا قاتىسۋعا ارنالعان تقۇ وكىلىنە بەرىلەتىن سەنىمحات;
4) ودكك ماجبۇرلەپ ەمدەۋدى تاعايىنداۋ قاجەتتىلىگى تۋرالى قورىتىندىسى.
10. ماجبۇرلەپ ەمدەۋگە جىبەرۋ تۋرالى ماتەريالداردى سوت وسى قاعيدالاردىڭ 9-تارماعىندا كورسەتىلگەن مەديتسينالىق قۇجاتتاما تۇسكەن كۇننەن باستاپ بەس كۇندىك مەرزىمدە جانە كودەكستىڭ 107-بابىنىڭ 4-تارماعىنا سايكەس دەنساۋلىق ساقتاۋ ۇيىمدارى وكىلدەرىنىڭ قاتىسۋىمەن قارايدى.
11. قىلمىستىق-اتقارۋ جۇيەسى مەكەمەلەرىنەن بوساپ شىققان ازاماتتاردى ماجبۇرلەپ ەمدەۋدى ۇيىمداستىرۋ قازاقستان رەسپۋبليكاسى ىشكى ىستەر ءمينيسترىنىڭ 2014 جىلعى 19 تامىزداعى № 530 بۇيرىعىمەن بەكىتىلگەن قىلمىستىق-اتقارۋ جۇيەسىنىڭ مەكەمەلەرىندە تۋبەركۋلەزگە قارسى كومەكتى ۇيىمداستىرۋ قاعيدالارىنا سايكەس جۇرگىزىلەدى (نورماتيۆتىك قۇقىقتىق اكتىلەردى مەملەكەتتىك تىركەۋ تىركەلىمىنە № 9762 بولىپ تىركەلگەن).
3. ماجبۇرلەپ ەمدەۋدى ۇيىمداستىرۋ ءتارتىبى جانە ناۋقاستاردىڭ
مامانداندىرىلعان تۋبەركۋلەزگە قارسى ۇيىمدارعا كەلۋ رەجيمى
12. ناۋقاستاردىڭ متقۇ اۋماعىنان ءوز بەتىنشە كەتىپ قالۋىنىڭ, سونداي-اق بوگدە ادامداردىڭ اۋماققا كىرىپ كەتۋىنىڭ الدىن الۋ ءۇشىن متقۇ اۋماعى بيىكتىگى كەمىندە 2,5 مەتر بولاتىن تۇتاستاي قاقپامەن قورشالادى جانە تاۋلىكتىك ۆەدومستۆولىق كۇزەتپەن قامتاماسىز ەتىلەدى. ناۋقاستارعا ارنالعان سەرۋەندەۋ اۋماعى قالعان اۋماقتاردان بولەك قورشالادى.
13. متقۇ-نى وسى قىزمەتتىڭ تۇرىنە ليتسەنزياسى بار مامانداندىرىلعان كۇزەت بولىمشەسى (بۇدان ءارى – كۇزەت قىزمەتى) كۇزەتەدى.
14. متقۇ مىناداي شەكتەلگەن ينجەنەرلىك-تەحنيكالىق قۇرالدارمەن:
1) اۋماقتى نەگىزگى قورشاۋمەن;
2) دابىلدامامەن;
3) قۇجاتتاردى ساقتاۋعا ارنالعان سەيفتەرمەن;
4) تەرەزەلەردەگى تەز الىناتىن جانە اشىلاتىن مەتالل تورلارمەن;
5) بارلىق ارنايى جانە قوسالقى ءۇي-جايلار تەمىر ەسىكتەرمەن;
6) مامانداندىرىلعان كۇزەتى بار باقىلاۋ-وتكىزۋ پۋنكتىمەن جابدىقتالادى.
15. ناۋقاستاردىڭ متقۇ اۋلاسىنان جانە سەرۋەندەۋ اۋلاسىنان شىعۋى ەمدەۋ-دياگنوستيكالىق جانە وڭالتۋ ءىس-شارالارىن جۇرگىزۋ ءۇشىن مەديتسينا جانە كۇزەت قىزمەتكەرىنىڭ الىپ جۇرۋىمەن رۇقسات ەتىلەدى.
16. كۇزەت قىزمەتى باقىلاۋ-وتكىزۋ رەجيمىن ۇيىمداستىرادى جانە سىرتقى جانە ىشكى كۇزەتتى قامتاماسىز ەتەدى.
17. متقۇ-عا كىرۋگە پەرسونالعا, اكىمشىلىككە جانە كەزەكشى دارىگەرگە رۇقسات ەتىلەدى.
18. كۇزەت قىزمەتىنىڭ قىزمەتكەرلەرى مەديتسينا قىزمەتكەرلەرىنە ماجبۇرلەپ ەمدەۋدەگى ادامعا پروفيلاكتيكادا جانە قۇقىققا قارسى ءىس-ارەكەتتىڭ الدىن كەسۋگە جاردەمدەسەدى.
19. مەديتسينا پەرسونالى مەن كۇزەت قىزمەتكەرىنىڭ ءوزارا ءىس-قيمىلى تۋبەركۋلەزگە قارسى تقۇ جانە كۇزەت قىزمەتىنىڭ اراسىندا جاسالعان شارتتىڭ نەگىزىندە جۇزەگە اسىرىلادى.
20. متقۇ-عا تۇسكەن كەزدە:
1) تۋبەركۋلەزدىڭ جۇقپالى تۇرىمەن اۋىراتىن ناۋقاستاردى العاشقى قاراپ-تەكسەرۋ جانە سانيتاريالىق تازارتۋ;
2) باستاپقى تاۋلىك ىشىندە ەمدەۋشى دارىگەردىڭ دياگنوستيكالاۋ جانە ەمدەۋ حاتتامالارىنا سايكەس مىندەتتى تۇردە قاجەتتى قاراپ-تەكسەرۋى جانە ەم تاعايىنداۋى;
3) اۋرۋدىڭ جىكتەمەسىن, اۋىرلىق دارەجەسىن بەلگىلەۋ, سونداي-اق ەمدەۋدىڭ ءتيىستى ادىستەرىن تاڭداۋ جانە قولدانۋ ءۇشىن قاجەتتى قوسىمشا كلينيكالىق زەرتتەپ-قاراۋ;
4) ءار ناۋقاسقا ارناپ جۇرگىزىلگەن ەمدەۋ كۋرسىنىڭ ديناميكاسىن كورسەتەتىن دەرەكتەر ەنگىزىلەتىن سىرقاتنامانى جانە ەسەپتىك نىسانداردى راسىمدەۋ جۇزەگە اسىرىلادى.
21. ماجبۇرلەپ ەمدەۋ اياقتالعان سوڭ سىرقاتناما جازىلعان ەپيكريزبەن اياقتالادى, متقۇ باس دارىگەرىنىڭ ورىنباسارى تەكسەرىپ, قول قويادى, مۇراعاتقا تاپسىرىلادى.
ەسەپ نىساندارى ەمدەۋدىڭ قولداۋ ساتىسىن امبۋلاتوريالىق جاعدايدا نەمەسە ستاتسيوناردا جالعاستىرۋ ءۇشىن تقۇ ديسپانسەرلىك بولىمشەسىنە بەرىلەدى.
22. متقۇ اكىمشىلىگى سانيتاريالىق-گيگيەنالىق جانە ىندەتكە قارسى رەجيمدى قامتاماسىز ەتەدى, سونداي-اق ماجبۇرلەپ ەمدەۋدە جۇرگەن ناۋقاستاردىڭ اراسىندا پروفيلاكتيكالىق جانە سانيتاريالىق-گيگيەنالىق جۇمىستاردى ۇيىمداستىرىپ, جۇرگىزەدى.
23. متقۇ-دا ناۋقاستاردى جىنىستىق بەلگىلەرى بويىنشا ەمدەۋگە جاتقىزۋ ساتىندە ميكروسكوپيا جانە دارىلىك سەزىمتالدىققا تەست دەرەكتەرىن ەسكەرە وتىرىپ جانە ەمدەۋ پروتسەسى كەزىندە جەكەلەگەن كورپۋستاردا نەمەسە ءتيىمدى جۇمىس ىستەيتىن شليۋزدەرمەن جابدىقتالعان ءۇي-جايلاردا جەكەلەپ ۇستاۋ ءۇشىن جاعداي جاسالادى.
24. متقۇ باسشىلىعى ماجبۇرلەپ ەمدەۋگە متقۇ-عا كەلىپ تۇسكەن ناۋقاستارعا قۇجاتتاردى رەسىمدەۋدىڭ دۇرىستىعىن تەكسەرۋدى, متقۇ-داعى ناۋقاستاردىڭ جەكە جانە ساندىق ەسەبىن, ءتيىستى تىركەۋ جۋرنالىن جۇرگىزە وتىرىپ جۇزەگە اسىرادى, سونداي-اق:
1) ولاردىڭ سانى, قۇرامى جانە قوزعالىسى تۋرالى ەسەپتىلىكتى جۇزەگە اسىرادى;
2) متقۇ-دان شىققان ادامدارعا:
ەم اياقتالعان سوڭ;
قايتىس بولۋىنا بايلانىستى ماتەريالداردى رەسىمدەيدى;
3) قۇقىقتىق ناسيحاتتاۋدى جانە سالاۋاتتى ءومىر سالتىنا ناسيحاتتاۋدى ۇيىمداستىرادى.
4. ماجبۇرلەپ ەمدەۋدەگى تۋبەركۋلەزبەن اۋىراتىن ناۋقاستاردى شىعارۋ ءتارتىبى
25. تۋبەركۋلەزبەن, ونىڭ ىشىندە ك/ادك تا اۋىراتىن ناۋقاستاردى ماجبۇرلەپ ەمدەۋ «ەمدەلىپ شىقتى» نەمەسە «ەمدەۋ اياقتالدى» دەگەن جاعىمدى اياقتالۋلارمەن تولىق ەمدەۋ كۋرسى اياقتالعانعا دەيىن جالعاسادى.
26. «ءساتسىز ەم» بولعان كەزدە ك/ادك تا ناۋقاستارى پاللياتيۆتىك ەمدەۋ ءۇشىن پاللياتيۆتىك كومەك مامانداندىرىلعان تۋبەركۋلەزگە قارسى ۇيىمداردا نەمەسە بولىمشەلەرگە (بۇدان ءارى – متقۇ/پە) الماستىرۋعا جاتادى.
27. متقۇ-دا بولعان كەزدە كدك تب بەلگىلەنگەن ناۋقاس ينفەكتسيالىق باقىلاۋ شارالارىن ساقتاي وتىرىپ, متقۇ جاعدايلارىندا ءتيىستى ەم تاعايىنداۋ ءۇشىن ودكك-عا ۇسىنىلادى.
28. ماجبۇرلەپ ەمدەۋ مەرزىمىن قىسقارتۋ قاقىرىق ءسۇرتىندىسىنىڭ كونۆەرسياسىنا قول جەتكىزگەن جانە پاتسيەنت تىكەلەي باقىلاناتىن ەمگە (بۇدان ءارى – تبە) جولىن ۇستاۋشىلىقتى تولىق ساقتاعان كەزدە جۇرگىزىلەدى.
29. ماجبۇرلەپ ەمدەۋ مەرزىمىن قىسقارتۋ تۋرالى شەشىم متقۇ-نىڭ دارىگەرلىك-كونسۋلتاتسيالىق كوميسسيانىڭ ۇسىنىمى بويىنشا ودكك-دا قارالادى.
30. ناۋقاستاردى متقۇ-دان شىعارۋ جوسپارلى تارتىپپەن جۇرگىزىلەدى.
31. جاعىمدى اياقتالۋمەن ەمدەۋدىڭ تولىق كۋرسىن اياقتاعان ناۋقاس متقۇ-دان شىعاردىڭ الدىندا كۇنتىزبەلىك 10 كۇن ىشىندە ەمدەۋشى دارىگەر جانە بولىمشە مەڭگەرۋشىسى ودان ءارى ديسپانسەرلىك باقىلاۋ جاعدايلارى تۋرالى اقپاراتتى ناقتىلايدى.
32. ەمنىڭ جاعىمدى اياقتالۋى بار ناۋقاستى ديسپانسەرلىك باقىلاۋعا جىبەرگەن كەزدە تقۇ-نىڭ ديسپانسەرلىك بولىمشەلەرىنە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 6697 بولىپ تىركەلگەن قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن (بۇدان ءارى – قر دسم № 907 بۇيرىعى) «تۋبەركۋلەزگە شالدىققان ناۋقاستىڭ مەديتسينالىق كارتاسى» تب 01/ە نىسانى بويىنشا نەمەسە «تۋبەركۋلەزگە شالدىققان IV كاتەگوريالىق ناۋقاستىڭ مەديتسينالىق كارتاسى»-IV ساناتتاعى تب 01/ە نىسانى بويىنشا مەديتسينالىق كارتاسى, سوڭعى رەنتگەنوگرامما جانە ستاتسيوناردىڭ مەديتسينالىق كارتاسىنان كوشىرمە بەرىلەدى.
33. ودكك شەشىمى بويىنشا متقۇ-دان مەرزىمىنەن بۇرىن شىعارىلاتىن ناۋقاستى امبۋلاتوريالىق ەمگە اۋىستىرماس بۇرىن كۇنتىزبەلىك 10 كۇننىڭ ىشىندە ەمدەۋشى دارىگەر جانە بولىمشە مەڭگەرۋشىسى ەمدى جالعاستىرۋ جاعدايلارى: تبە جۇرگىزۋ ورىنى, تقپ بولۋى, جاناما اسەرلەردى دياگنوستيكالاۋ مەن ەمدەۋ مۇمكىندىكتەرى, الەۋمەتتىك كومەك كورسەتۋ ءتۇرى تۋرالى اقپاراتتى ناقتىلايدى.
34. امبۋلاتوريالىق ەمدەۋگە اۋىستىرعانعا دەيىن كۇنتىزبەلىك 10 كۇن بۇرىن بولشەكتىك رەجيمدە تۋبەركۋلەزگە قارسى پرەپاراتتاردى (بۇدان ءارى – تقپ) قابىلدايتىن ناۋقاس 5 توپتاعى تقپ قوسپاعاندا, ءبىر رەتتىك قابىلداۋعا اۋىستىرىلادى.
35. امبۋلاتوريالىق ەمگە جىبەرىلگەن كەزدە تقۇ نەمەسە مساك تبە كابينەتىنە سوڭعى رەنتگەنوگرامما, ستاتسيوناردىڭ مەديتسينالىق كارتاسىنان كوشىرمە جانە قر دسم № 907 بۇيرىعىمەن بەكىتىلگەن «تۋبەركۋلەزگە شالدىققان ناۋقاستىڭ مەديتسينالىق كارتاسى» تب 01/ە نىسانى بويىنشا نەمەسە «تۋبەركۋلەزگە شالدىققان IV كاتەگوريالىق ناۋقاستىڭ مەديتسينالىق كارتاسى»-IV ساناتتاعى تب 01/ە نىسانى بويىنشا مەديتسينالىق كارتاسى بەرىلەدى.
36. «ءساتسىز ەمنىڭ» اياقتالۋىمەن ەمدى اياقتاعان ناۋقاس متقۇ-دان شىعاردىڭ الدىندا كۇنتىزبەلىك 10 كۇننىڭ ىشىندە ەمدەۋشى دارىگەر جانە بولىمشە مەڭگەرۋشىسى متقۇ/پە ودان ءارى پاللياتيۆتىك ەمدەۋ جاعدايلارى تۋرالى اقپاراتتى ناقتىلايدى.
37. متقۇ/پە ناۋقاس قابىلدايتىن جاقپەن الدىن الا كەلىسە وتىرىپ, مامانداندىرىلعان مەديتسينالىق كولىكپەن اۋىستىرىلادى.
38. ناۋقاستى متقۇ/پە اۋىستىرعان كەزدە سوڭعى رەنتگەنوگرامما جانە ستاتسيوناردىڭ مەديتسينالىق كارتاسىنان كوشىرمە بەرىلەدى.
39. متقۇ/پە اۋىستىرىلعان ناۋقاستىڭ IV ساناتتاعى تب01 مەديتسينالىق كارتاسى تۇرعىلىقتى جەرى بويىنشا تقۇ-نىڭ ديسپانسەرلىك بولىمشەسىنە جىبەرىلەدى.
40. ەمدەۋ كۋرسىن تولىق اياقتاعان نەمەسە متقۇ-دان شىعارىلعان تۋبەركۋلەزبەن جانە ك/ادك تب اۋىراتىن ناۋقاستاردى تۇرعىلىقتى جەرى بويىنشا ەمدەلۋدى جالعاستىرۋ ءۇشىن ديسپانسەرلىك باقىلاۋ شارالارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2014 جىلعى 22 تامىزداعى № 19 بۇيرىعىمەن بەكىتىلگەن تۋبەركۋلەز بويىنشا پروفيلاكتيكالىق ءىس-شارالاردى ۇيىمداستىرۋ جانە جۇزەگە اسىرۋ جونىندەگى نۇسقاۋلىققا سايكەس جۇرگىزىلەدى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9772 بولىپ تىركەلگەن).
تۋبەركۋلەزبەن اۋىراتىن ناۋقاستاردى ماجبۇرلەپ ەمدەۋدى سونداي-اق مامانداندىرىلعان
تۋبەركۋلەزگە قارسى ۇيىمداردا ناۋقاستاردىڭ بولۋ رەجىمى جانە ولاردى شىعارۋدى
ۇيىمداستىرۋ قاعيداسىنا قوسىمشا نىسانى
وبلىستاردىڭ, استانا, الماتى قالالارىنىڭ سوتىنا
ماجبۇرلەپ ەمدەۋ تۋرالى سوتقا
ۇسىنىم
ازامات (شا) ____________________________________________________________________________________
(پاتسيەنتتىڭ/زاڭدى وكىلىنىڭ تەگى, اتى, اكەسىنىڭ اتى (بولعان كەزدە )
_________________________________________________ تۋعان كۇنى, مىناداي مەكەنجاي بويىنشا تۇراتىن: _________________________, ______ جىلعى «____» ________ باستاپ ___________________________ دياگنوزىمەن ديسپانسەرلىك ەسەپتە تۇرعان.
قوسالقى اۋرۋلارى _____________________________________________________________________________
اۋرۋ انامنەزى __________________________________________________________________________________________________________________________________________________________________________________________________________________________________________________________________________________
ناۋقاس _________________________________________________________________________________________
(ەمدەۋدەن باس تارتۋ نەمەسە بوي تاسالاۋ فاكتىلەرى سيپاتتالادى)
_______________________________________________________________________________________________
_______________________________________________________________________________________________
ودكك قورىتىندى ____________________________________________________
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 107- بابىنا سايكەس جازىلعاننىڭ نەگىزىندە
ناۋقاس_____________________________ (پاتسيەنتتىڭ/زاڭدى وكىلىنىڭ تەگى, اتى, اكەسىنىڭ اتى (بولعان كەزدە )
متقۇ-عا _____________________________ ماجبۇرلەپ ەمدەۋگە جىبەرۋدى
(مەكەمەنىڭ اتاۋى)
وتىنەمىن
قوسىمشا: ماتەريالدار ____ پاراقتار.
تقۇ باس دارىگەرى
(وبلىستىڭ, قالانىڭ) (ت.ا.ءا.)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 24 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11425 بولىپ ەنگىزىلدى.