2015 جىلعى 28 ءساۋىر استانا قالاسى
«قازاقستان رەسپۋبليكاسى دەنساۋلىق ساقتاۋ مينيسترلىگىنىڭ فورمۋليارلىق كوميسسياسى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2013 جىلعى 12 جەلتوقسانداعى № 723 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسى ۇكىمەتىنىڭ 2014 جىلعى 23 قىركۇيەكتەگى № 1005 قاۋلىسىمەن بەكىتىلگەن قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگى تۋرالى ەرەجەنىڭ 16-تارماعىنىڭ 21) تارماقشاسىنا سايكەس بۇيىرامىن:
1. «قازاقستان رەسپۋبليكاسى دەنساۋلىق ساقتاۋ مينيسترلىگىنىڭ فورمۋليارلىق كوميسسياسى تۋرالى ەرەجەنى بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2013 جىلعى 12 جەلتوقسانداعى № 723 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9090 بولىپ تىركەلگەن, 2014 جىلعى 12 اقپانداعى «ەگەمەن قازاقستان» گازەتىندە № 29 (28253) جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ فورمۋليارلىق كوميسسياسى تۋرالى ەرەجەدە:
4-تارماق كەلەسى رەداكتسيادا جازىلسىن:
«وسى ەرەجەدە قولدانىلاتىن نەگىزگى ۇعىمدار:
1) دارىلىك پرەپاراتتىڭ دالەلدەنگەن كلينيكالىق تيىمدىلىگى - كوكران دوستاستىعىنىڭ جانە (نەمەسە) اقش ۇلتتىق مەديتسينالىق كىتاپحاناسىنىڭ دەرەكقورلارىندا ۇسىنىلعان, بريتان ۇلتتىق فورمۋليارىندا جانە حالىقارالىق كلينيكالىق نۇسقاۋلاردا, ونىڭ ىشىندە ۇلىبريتانيانىڭ ۇلتتىق دەنساۋلىق جانە كلينيكالىق جەتىلدىرۋ ينستيتۋتىنىڭ كلينيكالىق نۇسقاۋلارىندا بار مەتا-تالداۋلاردا جانە (نەمەسە) جۇيەلى شولۋلاردا جانە (نەمەسە) راندوميزيرلەنگەن باقىلاناتىن كلينيكالىق زەرتتەۋلەردە دالەلدەنگەن, تەراپيالىق ماقساتتارداعى فارماكولوگيالىق اسەر;
2) دارىلىك زاتتاردىڭ تەرىس ءتىزىمى - ناقتى كورسەتكىش بويىنشا تيىمسىزدىگىنىڭ دالەلدەنۋىنە جانە ورگانيزم ءۇشىن دالەلدەنگەن پايدادان اساتىن زياننىڭ پايدا بولۋىنا جانە فورمۋليارلىق كوميسسيا مۇشەلەرىنىڭ تاراپىنان ەرەكشە قىزىعۋشىلىق پەن تەرىس (اففيليرلەنگەن) تۇسىنىكتىڭ بولۋىنا بايلانىستى,قازاقستان رەسپۋبليكاسىنىڭ اۋماعىندا كلينيكالىق پراكتيكادا قولدانىلۋى ۇسىنىلماعان دارىلىك زاتتار تىزبەسى;
3) رەسپۋبليكالىق دارىلىك فورمۋليار - كلينيكالىق تيىمدىلىگى مەن قاۋىپسىزدىگى دالەلدەنگەن دارىلىك زاتتاردى قامتيتىن, شەكتى باعالارى كورسەتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ ءۇشىن قالىپتاستىرىلعان جانە دەنساۋلىق ساقتاۋ ۇيىمدارىندا دارىلىك فورمۋليارلاردى ازىرلەۋ مەن قۇرۋ ءۇشىن مىندەتتى نەگىز بولىپ تابىلاتىن دارىلىك زاتتار تىزبەسى.»;
5-تارماق كەلەسى رەداكتسيادا جازىلسىن:
«5. فورمۋليارلىق كوميسسيانىڭ نەگىزگى مىندەتتەرى مىنالار بولىپ تابىلادى:
1) قازاقستان رەسپۋبليكاسىنداعى فورمۋليارلىق جۇيەنى قولداۋ جانە جەتىلدىرۋ. قازاقستان رەسپۋبليكاسىنداعى فورمۋليارلىق جۇيەنىڭ دامۋىن وڭتايلاندىرۋ جونىندە ۇسىنىستار مەن ۇسىنىمدار ازىرلەۋ;
2) بريتاندىق ۇلتتىق فورمۋليارمەن جانە ۇلىبريتانيانىڭ ۇلتتىق دەنساۋلىق جانە كلينيكالىق جەتىلدىرۋ ينستيتۋتىمەن ءوزارا ارىپتەستىكتە بولۋ;
3) رەسپۋبليكالىق دارىلىك فورمۋلياردى ازىرلەۋ جانە ۇنەمى قايتا قاراۋ;
4) رەسپۋبليكالىق دارىلىك فورمۋليارداعى دارىلىك زاتتار تىزبەسىنە نەگىزدەلگەن دارىلىك زاتتاردى ۇتىمدى قولدانۋ بويىنشا دارىگەرلەرگە ارنالعان ۇلتتىق انىقتامالىق قۇرۋعا قاتىسۋ;
5) قازاقستان رەسپۋبليكاسىندا قولدانۋ ءۇشىن ازىرلەنگەن كلينيكالىق نۇسقاۋلاردى, دياگنوستيكا جانە ەمدەۋ حاتتامالارىن, ەمدەۋ ستاندارتتارىن قاراۋ;
6) دارىلىك زاتتاردى ۇتىمدى قولدانۋ جونىندەگى ۇسىنىمداردى ازىرلەۋ;
7) قازاقستان رەسپۋبليكاسىنىڭ نارىعىنا كەلىپ تۇسەتىن دارىلىك زاتتاردىڭ قاۋىپسىزدىگى مەن تيىمدىلىگىن قامتاماسىز ەتۋگە جاردەمدەسۋ;
8) دارىلىك زاتتاردىڭ باعالارىن قالىپتاستىرۋ مەن بەكىتۋگە قاتىسۋ;
9) دارىلىك زاتتاردىڭ پايدالانىلۋىن باعالاۋ باعدارلاماسىن ەنگىزۋگە جاردەمدەسۋ;
10) دارىلىك زاتتاردىڭ ۇقساستىق اۋىستىرۋ ءتىزىمىن ازىرلەۋ جانە وزەكتەندىرۋ;
11) دارىگەردىڭ رەتسەپتىسىز بوساتىلاتىن دارىلىك زاتتاردىڭ تىزىمىنە وزگەرىستەر مەن تولىقتىرۋلار ەنگىزۋ جونىندە ۇسىنىستار دايىنداۋ;
12) تەگىن ءدارى-دارمەكپەن قامتاماسىز ەتۋ جۇيەسىن جەتىلدىرۋ جونىندە ۇسىنىمدار دايىنداۋ;
13) ۇلتتىق جانە وڭىرلىك دەڭگەيلەردە اقپاراتتىق ورتالىقتاردى (نەمەسە دالەلدەۋ مەديتسيناسى بويىنشا ورتالىقتاردى), فارماكوەكونوميكالىق جانە فارماكوەپيدەميولوگيالىق زەرتتەۋلەردى ۇيىمداستىرۋ;
14) دۇنيەجۇزىلىك دەنساۋلىق ساقتاۋ ۇيىمى مەن ەۋروپالىق وداق كريتەريلەرىن ەسەپكە الا وتىرىپ, دارىلىك زاتتار ستراتەگياسىن جانە (نەمەسە) ەتيكالىق ىلگەرىلەتۋ جىلجىتۋ تۇجىرىمداماسىن ازىرلەۋ.»;
12-تارماقتىڭ ءبىرىنشى بولىگى مىناداي رەداكتسيادا جازىلسىن:
«12. فورمۋليارلىق كوميسسيانىڭ جانىنان:
1) ماتەريالدار مەن وتىرىستىڭ كۇن ءتارتىبىن دايىنداۋعا, وتىرىستاردىڭ حاتتامالارىن رەسىمدەۋگە, ءىس جۇرگىزۋگە, مۇراعاتتى جۇرگىزۋگە جاۋاپتى جۇمىس ورگانى بولىپ تابىلاتىن حاتشىلىق;
2) ۇكىمەتتىك ەمەس ۇيىمداردىڭ قاتىسۋىمەن (كەلىسىم بويىنشا) بەيىنى بويىنشا جۇمىس توبى قالىپتاستىرىلادى.»;
20-تارماق مىناداي رەداكتسيادا جازىلسىن:
«20. دارىلىك پرەپاراتتى رەسپۋبليكالىق دارىلىك فورمۋليارعا (قازاقستاندىق ۇلتتىق دارىلىك فورمۋليار ازىرلەنگەنگە دەيىن) ەنگىزۋ, الىپ تاستاۋ, اۋىستىرۋ وبلىستاردىڭ, استانا جانە الماتى قالالارىنىڭ بارلىق فورمۋليارلىق كوميسسيالارى مەن رەسپۋبليكالىق ماڭىزى بار دەنساۋلىق ساقتاۋ ۇيىمدارىنىڭ وسى ەرەجەگە 2-قوسىمشاعا سايكەس نىسان بويىنشا كەمىندە 50% سۇراتۋ-نەگىزدەمەسى بولعان كەزدە جۇزەگە اسىرىلادى.»;
21-تارماقتا:
1) جانە 4) تارماقشالار مىناداي رەداكتسيادا جازىلسىن:
«1) كوكران دوستاستىعىنىڭ جانە (نەمەسە) اقش ۇلتتىق مەديتسينالىق كىتاپحاناسىنىڭ دەرەكقورلارىندا ۇسىنىلعان مەتا-تالداۋلار جانە (نەمەسە) جۇيەلى شولۋلار جانە (نەمەسە) راندوميزيرلەنگەن باقىلاناتىن كلينيكالىق زەرتتەۋلەر;»;
«4) ۇسىنىلاتىن دارىلىك زاتتىڭ بريتان ۇلتتىق فورمۋليارىندا جانە حالىقارالىق كلينيكالىق نۇسقاۋلاردا, ونىڭ ىشىندە ۇلىبريتانيانىڭ ۇلتتىق دەنساۋلىق جانە كلينيكالىق جەتىلدىرۋ ينستيتۋتىنىڭ كلينيكالىق نۇسقاۋلارىندا بولۋى.»;
مىناداي مازمۇنداعى 21-1-تارماقپەن تولىقتىرىلسىن:
«21-1. رەسپۋبليكالىق دارىلىك فورمۋليارعا (قازاقستاندىق ۇلتتىق دارىلىك فورمۋليار ازىرلەنگەنگە دەيىن) ەنگىزۋ ءۇشىن سۇراۋ سالۋ-نەگىزدەمەلەر:
رەسپۋبليكالىق ماڭىزى بار دەنساۋلىق ساقتاۋ ۇيىمىنان ءتيىستى اۋرۋ بەيىنى بويىنشا وسى ەرەجەگە 2-قوسىمشاعا سايكەس كەلمەيتىن نىسان بويىنشا ۇسىنىلعان;
2) دارىلىك پرەپاراتتىڭ دالەلدەنگەن كلينيكالىق تيىمدىلىگى مەن قاۋىپسىزدىگىن راستايتىن قۇجاتتار نەمەسە نەگىزدەمەلەر تولىق ۇسىنىلماعان جاعدايلاردا ودان ءارى قاراۋدان باس تارتىلادى.»;
22-تارماق مىناداي رەداكتسيادا جازىلسىن:
«22. دارىلىك پرەپاراتتى رەسپۋبليكالىق دارىلىك فورمۋليارعا قوسۋ ءۇشىن نەگىزگى كريتەري دارىلىك فورمۋلياردا (قازاقستاندىق ۇلتتىق دارىلىك فورمۋليار ازىرلەنگەنگە دەيىن) بار انالوگتارمەن سالىستىرعاندا باسىمدىعى بار بولعان جاعدايدا دارىلىك زاتتى تاڭداۋ نەگىزدەمەسىمەن قاجەتتىلىگىنە قاراي دالەلدەنگەن كلينيكالىق تيىمدىلىگى مەن قاۋىپسىزدىگى بولىپ تابىلادى.».
2. مەديتسينالىق جانە فارماتسەۆتيكالىق قىزمەتتى باقىلاۋ كوميتەتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق مەملەكەتتىك تىركەلگەن كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11182 بولىپ ەنگىزىلدى.